رد: اختبار قيادة : تويوتا كورولا 2008 المزودة بعلبة التروس الذكية
 

الف شكر يا فادى على الموضوع الجميل ده واختبار السياره وفتح باب نقاش فى عربيه فى عليها تساؤلات كتير.
بس نفسى اعرف حاجه مادامت مش مصنفه على انها عربيه بتاعت شد وسحب ,وتعتبر عربيه عائليه ,يعنى اللى هيشتريها عشان اوتوماتيك ومريحه ,ليه بأه وجع الدماغ فشيل رجلك من على البنزين عشان تعشق النقله متعبه أوى.
يبأه نصنفها على انها ايه؟؟!! هل من جواب؟ptmnlo123per131

رد: اختبار قيادة : تويوتا كورولا 2008 المزودة بعلبة التروس الذكية
 

مقدرش أفيدك اوى فى موضوع التقفيل و الجودة لأن العربية مش معايا,
لكن من كلام صحاب السيارة فان معظم المشاكل تتركز فى علبة التروس MMT, و لاحظت انا مشاكل صغيرة فى تقفيل الأبواب و خاصة فى الشنطة فى النسخة الجنوب الأفريقى, كحالة الكاوتش مثلا و شكل اللحام, لكن فى العموم التقفيل معقول و لا يقل عن تقفيل البلد الأصلى كثيرا.

رد: اختبار قيادة : تويوتا كورولا 2008 المزودة بعلبة التروس الذكية
 

أولا أتمني ان الأخ فادي مايطردنيش بعد الكلام ده

انت بتأول انك جربت العربية ذات الجير(الفتيس ) الجديد مسافة 20 كم\س لو انت بالفعل خبير وسايق عربيات فيها نفس نوع الجير ده أبل كدة تبأة فعلا العربية دي زبالة ,بالنسبة لي أنا متواضع وبألك اني بدأت أتعود علي الجير بعد أسبوع من شرائي للسيارة وعلي العكس من كل اللي اتفضلت وألته ما لاقيتش فيها أي حاجة من الكلام اللي ألته ده خالص صحيح لأني بروح كل يوم مشوار من الاسماعيلية للزقازيق عشان جامعتي رايح جاي يوميا علي سرعات تتجاوز ال 180كم\س بل تصل الي 200كم \س في معظم أجزاء الطريق وذلك لمدة عام كامل وليس لمدة 20 كم \س من القيادة بدون التدرب علي استخدام الجير الذي تفضلت ووصفته بالكارثي , الأهم اني لم ألحظ أي مشاكل في الموتور أو الجير وذلك مع العلم ان التكييف مابينطفيش مشكلة العربية الوحيدة انها بتسحب بنزين كتير مع السرعات العالية ومع الشد أدام الناس علي الطريق في وجود التكييف وأعتقد ان ده ما يبقاش مشكلة العربية دي تبقي مشكلتي أنا لأني من هواة السرعة , وبالنسبة للحاجة اللي وصفتها بالماتور الكسول وانه مش عصبي (ههههه) غريب جدا يعني ماتور عصبي أشتري بوجاتي ولا مازيراتي ولا أركب عربية فانتوم مش كورولا 1600 ولا شاهين 1400,بالنسبة لماتور بيوصل من 0 الي 100 كم\س في 10.2 ثانية بقوة 122حصان أتوقع انه يكون ممتاز بالنسبة لشخص متواضع زيي لا يطمح ان يمشي بسيارته أكتر من 200 كم\س . بالنسبة لموضوع الثبات والتوازن فهو أمر محسوم بحاجة بسيطة جدا اني باخد غرز بيها علي 180كم\س بدون أي مشاكل أو( تمايل غير محبب )زي ما حضرتك اتفضلت وألت وكذلك في الانعطافات مع أنظمة الفرامل اللي بتسهل عمليات الانعطاف بدون انزلاق أو تمايل علي العكس من الكورولا الخليجي التي لا تحتوي علي نظام abs حتي , بالنسبة للجير بوكس اللي حضرتك وصفته بالكارثي بنصحك تخلي حد فاهم كويس في الجير بتاع العربية دي يدربك عليه لأن ده المكتوب في دليل الجير بتاع العربية ان (يحق أي عميل أن يخرج في كورولا mmt برفقة أحد أفراد شركة تويوتا حتي يقوم بتدريبه علي كيفية استخدام الجير الجديد ) واما تعمل زي ما أنا عملت وتعد تتدرب عليها لمدة أسبوع عشان تقدر تشد بيها أدام الناس وتعرف امكانيتها الحقيقية وبالمناسبة بالنسبة للمازدا 3 اللي انت بتأول انها أفضل في الأداء من الكورولا شديت مع واحد صحبي علي طريق المطار بحيث ان أنا وصلت للدوران اللي في نهاية الطريق وهو لسة في بداية الطريق زي ما وعدته انه مش هيلحق يقرأ نمرة العربية بتاعتي. بس والنصيحة الأخيرة انك لازم تتسامح شوية مع التويوتا وأصحابها........وأعتذر ان كانت لغتي قاسية بعض الشئ بس دي وجهة نظر ولازم نحترم رأي الاخرين.

ENG.Mohamed Essam

رد: اختبار قيادة : تويوتا كورولا 2008 المزودة بعلبة التروس الذكية
 

لا يا سيدى نحن لا نطرد أحد هنا و لك كل الحرية فى التعبير عن رأيك كما تشاء.
و أهلا بك أخا لنا فى منتدى مصر موتورز.

بس مش فاهم هو كل واحد يقولى لازم تتعود و تتعلم على الفتيس؟ انا معايا رخصة قيادة صدقنى. و اللى بيسوق مانيوال يسوق اى حاجة يا بشمهندس و لا ايه؟ الاوتوماتيك بالنسبة لى لعبة, و بعدين هو المفروض اتعلم ايه بالضبط, الفتيس فيه وضعية اى و اى سبورت و مانيوال + و -, ايه اللى فاضل انى اتعلمه؟!!
على فكرة الفتيس اللى موجود فى اوبل و بى ام و فيات و الفاروميو و فولكس و اودى و و و هو من نفس النوع, مرسيدس هى الوحيدة التى تستخدم الأوتوماتيك.
بس ايه حكاية تدريب و الكلام الكبير ده؟ هى تويوتا فاكرة نفسها عملت اختراع لم يأتى احد بمثله؟ أحب ابشرك ان الاختراع الفضائى موجود فى معظم العربيات حاليا و من قبل ما تويوتا تفكر انها تصنع واحد مثله.
و لو كان الفتيس مفيهوش مشكلة و الناس هما اللى بهايم مش عارفين يستعملوه مكناش شفنا صفحة كاملة كل اسبوع فى ملحق السيارات تبشرنا أن الكورولا أصبحت متوفرة بفتيس مانيوال و أخر اوتوماتيك عادى و راسمينلك كل نوع فتيس, كأنه اعلان فتيس مش اعلان عربية.

رد: اختبار قيادة : تويوتا كورولا 2008 المزودة بعلبة التروس الذكية
 

والله يا أخ فادي كلامك كويس جدا, في حكاية انك بتسوق كويس دي حاجة أنا متأكد منها طبعا بس موضوع التعود علي تكنولوجيا جديدة دي حاجة غير لابد منها انت اتكلمت عن الأوبل والبي ام ودي حاجة كويسة جدا ,أنا والدي معاه bmw 528i 2007 وأختي معاها opel astra GTC 2008 اشتريناها في نفس الوقت مع سيارتي وأنا بأكدلك ان البي ام والأوبل أوتوماتيك بيور بس مع امكانية التحكم في زمن الغيار مش أكتر فمش هتحس بفرق كبير بينهم وبين العربيات الأوتوماتيك العادية وهم فعلا عربيات سلسة جدا في القيادة بل ان قيادتها أسهل بكتيييييييير من الكورولا وده بسبب ان الكورولا مانيوال ,وبالنسبة للكتالوج بتاع الفتيس اللي نازل مع الكورولااللي اتكلمت عليه أبل كدة ان شاء الله أول ما أوصل مصرقريبا جدا هسحبه اسكانر وأبعته لحضرتك ممكن يوضحلك الفكرة أكتر وأنا بأكدلك ان العربية جيدة جدا وما فيهاش أي مشاكل أنا كان معايا أبلها ميتسوبيشي لانسر كريستالة وكانت عربية كويسة جدابل ممتازة بس برده مش أحسن من الكورولا في جودة التصنيع ولا في الأداء ’ وبالنسبة للاعلانات اللي حضرتك بتتكلم عليها بالنسبة للجير الأوتوماتيك والمانيوال اللي تويوتا بتعلن عنهم واللي حضرتك بترجع السبب في كدة لفشل الفتيس الجديد , أنا كنت من أوائل الناس اللي حجزت واستلمت العربية الكورولا الفل أبشن mmt في مصروكانت أياميها ما بتجيش غير بالحجز والاستلام كان بعد 4 شهور لأن كل العربيات اللي موجودة في التوكيل كورولا جنوب أفريقي عادية منهم أوتوماتيك ومنهم مانيوال يعني مش لسة المانيوال ولا الأوتوماتيك حاجة جديدة في الكورولا الجديدة زي ما حضرتك بتأول, وعشان حضرتك تتأكد أكتر الكورولا الجنوب الأفريقي بتنزل في التوكيل بأربع موديلات هختصرهم لحضرتك بأسعارهم في التوكيل مع أبرز الكماليات:
1-g67 ذات الفتيس mmt (زينون- سي دي تشالنجر 6 اسطوانات-تكييف تتش-سمارت كي-أبواب تتش - 9ايرباج-سينسور مطر -سينسور خلفي باضافة650ج علي تمن العربية-عدادات تيبترون-التحكم في اغلاق الوسائد الهوائية-....) السعر159.900ج

2-g66 ذات الفتيس mmt (سي دي تشالنجر6 اسطوانات-تكييف تتش -9ايرباج مع التحكم في الاغلاق-عدادات عادية )السعر 140.000ج

3-g65 ذات الفتيس الأوتوماتيك (نفس كماليات ال g66) السعر 132.500ج

4-g64 ذات الفتيس المانيوال (الكماليات اختيارية) السعر 125.000ج

وحضرتك ممكن انك تتأكد من الكلام ده بزيارة أقرب مزع معتمد لتويوتا ايجيبت أو انك تتصل برقم 16550 واستفسر عن أي حاجة تخطر علي بالك واتأكد من الأسعار.

بالنسبة لموضوع عيوب الجير سدأني لو حسيت ان الجير بتاع العربية فيه أي مشكلة أنا هخلص منها بأسرع وقت ممكن لأن العربية عادت حاجة حيوية جدا بالنسبة ليا لكن اسمع مني لأني ما أتوقعش حد اشتري كورولا mmt وبهدلها في مصر كلها أدي لأني في اليوم الواحد بمشي بيها حوالي 200كم يوميا من الاسماعيلية للزقازيق رايح جاي وده اختبار مش هين فبالتأكيد لو كان فيها أي مشكلة كانت هتبان لأني كمان مفتري في السواقة شوية وبجري بيها كتييييييير مش هضحك عليك وأخدعك وألك ان العربية كويسة ساعتها هاجي أأول للناس العربية دي زبالة وأوعوا حد يشتريها ’ لكن أنا بالي سنة كاملة راكبها وان شاء الله كمان سنتين هبيعها وأشتري عربية تانية وبصراحة أن لو جددت هجيب كورولا برده . وأخيرا يا أخ فادي خد معلوماتك من شخص صادق ومجرب ماتاخدهاش من واحد قرأ مقالة في النت ومشي يحكيها للناس.....

ENG.Mohamed Essam