مصر موتورز مجتمع السيارات - ارشيف الاستراحة 2010

مش فاهمة يعنى إيه شتيمة بالكلاكس؟ ولو حد شتمنى كده مش هبقى عارفة أساسا وده الأفضل طبعا لأن وقتها مش هيحصل طيب عشان كل التاكسيات والميكروباصات والنقل مستواهم الاخلاقى معدوم وقلة ادبهم بتزيد اكتر لما بيلاقوا ان اللى سايقة بنت على اساس مش هتقدر ترد عليه,,وللاسف فيه شباب كتير اوى مفروض انهم ولاد ناس وراكبين احسن واغلى عربيات ولكنهم فاقدى الذوق والاخلاق واحترام نفسهم وغيرهم وخصوصا برضه لما يلاقوا ان اللى سايقة بنت,,البنت دلوقتى طالما نزلت من بيتها تشتغل وتسوق عربية لازم تبقى بلطجية هى كمان عشان تقدر تتعامل مع الناس البيئة والتصرفات الحقيرة اللى بتصدر منهم,,وعلى فكرة فيه بنات وستات كتير جدا سواقتهم احسن مليون مرة من رجالة بيسوقوا بقالهم 30 سنة ومبيفهوش اى حاجة خالص يعنى مش معنى ان ست هى اللى سايقة يبقى مبتفهمش حاجة وبتعمل كوارث طول ماهى ماشية لان دى مش حقيقة وكل حوادث العربيات سببها الرجالة وكل التصرفات المتهورة برضه بسبب الرجالة والحمدلله ان سواقين الميكروباصات والنقل والتاكسى رجالة والا كان الكل اتهمنا اننا السبب فى ظاهرة الشتيمة بالكلاكس,,للاسف مش كل راجل لابس بدلة وراكب عربية شيك وغالية يبقى جنتلمان ومحترم فى سواقته وممكن يكون اساسا مبيعرفش يسوق,,بس برضه لسه الواحد بيقابل قلة قليلة محترمة وبتفهم فيكى يامصر وربنا يرحمنا من الفئة البيئة الغير محترمة ويرحمنا من كل عدو للمراة وشكرا على الموضوع