المشاركة الأصلية كتبت بواسطة احمد بدر1978 (المشاركة 237151)

بقولك اية انت اللى مش عايز تتجوز اساسا

المشاركة الأصلية كتبت بواسطة احمد بدر1978 (المشاركة 236324)

ههههههههههههههههههه
المدام هى اللى اخترعتة

المشاركة الأصلية كتبت بواسطة lol64 (المشاركة 236972)

الله على مواضيعك يابو حميد
انا عمال اقرا الموضوع من قبل الفطار بس ماكنتش عايز اشارك
بص يااحمد انا كنت هاتجوز من 4 شهور تانى بس لما تاكدت انى لازم شرعا اعلم مراتى الاولى تراجعت وربنا يسامحنى فى اللى عملته
مع العلم كانت انجليزيه مش مصريه

المشاركة الأصلية كتبت بواسطة AboNoRa (المشاركة 236983)

يا صباح الخييييييييييييير

بانا اعيي يومين ارجع الاقى المنتدى كله عايز اتجوز وعايزة اتجوز وعايز اعدد ايه يا شباب حد رش على المنتدى حاجة ولا ايه (what)

عموماً اشكر احمد باشا على ادارة الحوار ببراعة والردود الشافيه اللى من غيرها كنت هقعد اكتب صفحات طويلة SLAM


وخصوصاً بقىyesyes
احب اشكر كل الرجال المناضلين من اجل حقوقنا المهضومة واسترداد ماتبقى من قوامتنا المهزومة خاصة وانا شايف الحملات المحمومة لغسيل عقول رجال هذه الجيل الموهومةقد اتت بثمارها المشؤمة واصبحنا نسمع من ينال باصل التعدد بالتحريم والتجريم nononono


التعدد هو الاصل فى الكائنات جميعاً ثم هو الاصل فى البشر ثم هو الاصل فى غالبيه الانبياء ثم هو الاصل فى التاريخ وغالبيه الحضارات واخيراً وليس اخراً هو الاصل فى ديننا الحنيف

بس كل حاجة بالاصول وبضوابط وترتيبات زى الجواز الاول ما ليه ضوابطه وترتيباته

نيجى بقى لاصل الموضوع وهو السؤال الموجة للمؤمنين بالتعدد والراغبين فيه بس لسه ما اتجوزش تانى ايه ياترى

اقولك يا سيدى

اولاً اى حد بيقول اخاف مقدرش اصرف على بيتين
انا بقول ربنا قال نحن نرزقهم واياكم يعنى زى ما دول ليهم رزقهم اللى هيجو هيجو برزقهم برضو وطول ما انت بتتقى ربنا وبتسعى بالحلال ربنا هيرزقك ويباركلك فى رزقك كمان
بس ده طبعا للى مقعد مراته فى البيت لان لو متجوز واحدة بتشتغل وبتصرف ساعات بتبقى زى ما بتصرف او اكتر فكده موقفك هيبقى ضعيف وغالباً ده بيكون سبب من اسباب الخوف من الزواج على الاولى
ثانياً موضوع العدل ده زى ماقال احمد اساس سواء متجوز واحدة او اتنين وربنا مش بيطالبنا بالعدل فى المشاعر لان محدش فينا يقدر يتحكم فى قلبه اصلاً وبدام انت مش متحكم فى حاجة مش من العدل تحاسب على العدل فى تصريفها

وبعدين مين قال انه لازم زى الافلام والمسسلسلات الراجل يسيب مراته الكبيرة فى السن ويتجوز عيلة صغيرة تقعد تمثلة فيديوكليبات فى البيت الدنيا كلها مش كده طبعا كل واحد ليه ظروف مختلفة وغالبا الرجالة بتفكر فى الجواز فى اواخر التلاتينيات او اربعينيات يعنى هيتجوز اواخر العشرينات وتلاتينات مش كله بيتجوز عيله عندها 17 سنه
وحتى لو متجوز شريهان وكل يوم همثللك حلقه من حلقات فوازير رمضان اكيد هيجى عليك وقت والقديمة تحلى زى مابيقولو فى الامثال

فالخلاصة ان العدل اساسى طبعاً وهتثاب عليه وهيزيد ثوابك كمان على فكرة لما تطعم اسرتين وتسعى عليهم بالحلال


ثالثاً المشاكل اللى البعض اتكلم عليها وارده فى جوازة واحدة او اتنين واكيد لازم يكون فى احتواء من الراجل لنفسيه الزوجة الاولى والثانية كمان لانها برضو هتحس بالغيرة من اول يوم بعد شهر العسل هترجع فيه بيتك الاولانى

فده بيرجع لشخصية الراجل طالماً انت مسيطر دوس يا معلم لو مهزوز خليك جمب الحيط
بس من ناحية تانية فى عامل مهم فى القرار اشار ليه كيمو وهو انك تجرح الزوجة الاولى وده طبعاً يختلف عن ماسبق
بمعنى انك مسيطر وكل حاجة بس صعبان عليك تجرحها نفسياً بجوزاك عليها طبعاً ده رأى يحترم جداً واذا كان مقترن بانك مش ميال للتعدد اصلاً يبقى كفاية عليك مراتك وربنا يباركلك فيها

لكن اذا انت ميال للتعدد وخايف على مشاعر الزوجة الاولى فلازم تحسبها كويس

بمعنى انك مينفعش مثلا تبقى متجوز بقالك 3 - 4 سنين ومراتك شالت معاك ايام صعبه فى البداية واول ما ربنا يكرمك بقرشين تتجوز واحدة تانية تخش عليك وانت باشا على الجاهز

فالاصح فى الحالة ديه انك تصبر وتمتع الاولى بخيرك وتكتبلها حاجة مثلا قبل ما تتجوز واحدة تانية او تعمل اى حاجة تضمن للاولى فيها المكانة الخاصة اللى فعلا تستحقها وان جوازك التانى مش هيأثر عليها وده يرجعنا لموضوع العدل زى ماقولنا قبل كده وبالتالى طالما انت بتسعى للعدل ربنا هيوفقك ان شاء الله
وبالتالى نقدر نوصل للاتى :

المشاركة الأصلية كتبت بواسطة AboNoRa (المشاركة 237007)

لاء استنى انا بقول تختار اللى عندها قابلية والكلام على الزوجة التانية

الزوجة الاولى غالباً هتبقى رافضة طبعاً بس بعد كده هتبص لمصلحة الاسرة عموماً وهتقبل بالامر الواقع خاصة انها فى الاول هتبقى مستنيه على امل انها تكون نزوة وتعدى وترجع لقواعدك سالماً
وفيه رجالة كتير بتنجح بالطريقة ديه لفترة لايستهان بيها على الاقل لحد ما تفاجئهم بالجوازة التالتة :)

المشاركة الأصلية كتبت بواسطة corsair (المشاركة 237147)