|
|
رد: أعرف كل شئ عن السباكة
سؤال يا اخ ابو شروق
دلوقتى عندى مشكله تسريب فى حائط المطبخ بعد تركيب السيراميك اكتشفت ان فيه تسريب مياه مع ان شركه br عامله اختبار كبس للمواسير و المفروض ان فيه ضمان ياريت تنصحنى اعمل ايه و بالنسبه لو كلمت الشركه هو ايه المفروض اللى يحصل هل فعلا الضمان حقيقى و لا اى كلام و هل هما حيشيلو تكاليف الاصلاح ولا اريح دماغى و اكسر و اشوف العيب فين ؟؟؟؟ منتظر ردك |
رد: أعرف كل شئ عن السباكة
اقتباس:
أخى الفاضل لا تقلق وتستعجل على التكسير يجب تحديد السبب أولا وضمان الشركة حقيقى وتقوم بكل الاعمال لكن ليه رائى أحب أوضحه عايز حضرتك تكشف الاول عن طريق السباك على وصلات الخلاط الموجودة بالحائط وتسمى جلبه نيكل 1/2*1/2 وأستخدامها لتطويل المصدر الخارج من الحائط بسبب دفن المواسير بالحائط وأن ممكن من تركيب السباك أن تنكسر دون أن يشعروبدورها تسرب مياه فى الحائط وممكن يكون التسريب ضعيف يظهر على المدى البعيد فيجب أولا تحديد التسريب هل هو من مياه الشرب أو من مياه الصرف متابع مع حضرتك وتحت أمرك فى أى أستفسار أخوك أيمن أبو شروق 01005314147 01287710555 |
رد: أعرف كل شئ عن السباكة
اقتباس:
يادوبك بعد تركيب السيراميك على طول لقيت فى تسريب مياه بسيط من بين السيراميك تحت مكان فتحه حنفيه فلتر المياه بالمطبخ انا كلمت الشركه علشان يجيو يشوفو العيب فين ~ و كلمت السباك اللى عمل التأسيس و طلبت انه يجيى اتجج بانه عنده شغل فى مكان بعيد و انه سلم الشبكه للشركه و الشركه كبست عموما شكله اخر تعامل بينى و بينه انا مستنى اشوف بتوع الشركه حيقولو ايه شكلهم حبالهم طويله |
رد: أعرف كل شئ عن السباكة
اقتباس:
ممكن حضرتك تستعين بأى سباك يكشف على الطبه الى ركبه فى مصدر الفلتر لأن وارد أن يكون التسريب منها وليس من لحام المواسير البولى مرفق صورة لشكل الطبب الى بتستخدم لسد المواسير لحين التشطيب وممكن تكون عايزة تتربط كويس أو تتغير وأنا تحت أمرك لو عايز أعدى عليك واطمنك منها أتصل بى وأنا تحت أمرك http://a7lashare.com/viewimages/5135371479.jpg أخوك أيمن أبو شروق 01005314147 01287710555 |
رد: أعرف كل شئ عن السباكة
اقتباس:
التسريب مش من الطبه او تحت الطبه لا التسريب بيطلع من العرموس بين البلاطتين تحت البلاطه اللى طالع منها حنفيه الفلتر ببلاطه (يعنى مدماكين تحت مكان حنفيه الفلتر ) و مكان فتحه الفلتر راكب حنفيه كان عمال السيراميك بيستخدموها تقريبا والله و اعلم اما اللى ركب الحنفيه كسر السن النحاس فبيسرب جوه الحيطه او اللحام فك او بقى تبقى حاجه تانيه غير كده عموما المفروض الشركه جايه بكره تكشف صحيح يا اخ ابو شروق انا لما فتحت البورشور بتاع br لقيت انهم كاتبين ان مواسير البولى للتغذيه تم عمل اختبار لها مع تسخين المياه لدرجه 60 سيليزس معنى الكلام ده ان المواسير دى لا تتحمل درجه حراراه اكتر من 60 و برضه فى الشهاده كاتين ان الضمان لا يسرى فى حاله غليان المياه داخل السخان لدرجات كبيره و لقيت كذا واحد يبقول ان المواسير دى لا تتحمل درجات الحراره العاليه مثلا لو حصل غليان فى سخان الكهربا و المياه دخلت الشبكه المواسير بتتنفخ و اللحام بيفك هل فعلا الكلام ده صحيح و لو كده يبقى ليه احنا بنستخدم البولى و سيبنا الحديد مع ان الحديد لا يتأثر بموضوع درجه حراره المياه |
| الساعة الآن 06:25 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017