مصر موتورز مجتمع السيارات - ارشيف الاستراحة 2010

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - ارشيف الاستراحة 2010 (https://www.masrmotors.com/vb/showthread.php?t=21694)

رد: أدب الرحلات

اقتباس:

المشاركة الأصلية كتبت بواسطة خالدخليفة (المشاركة 231190)

اهلا يابوى اتفضل
بتشتغل فى ايه
فى العطور وانت ؟
فى التصدير
وبتصدر ايه
بصدر ضفادع
مندهشا /ازاى يعنى
بنزل الغيطان والبرك والمستنقعات واصطاد الضفادع واصدرها فرنسا
مندهشا /فرنساااااااااا؟؟؟؟؟!! بيعملوبيها ايه ؟؟
بياكلوها
وبينى وبينكو يومها نفسى اتسدت ومكلتش خالص
فرنسا ايه ونيلة ايه ومدينة النور ايه بس

فكرتني بالجفاضع (ضفادع) و انا في كلية الزراعة في شبرا كنا بنشتري الضفدعة ب 5 جنيه عشان نشرحها و لازم الضفادع تبقي صاحية
المهم في يوم اشتريت ضفدعتين و ركبت القطار من شبرا للقناطر (البلد بتاعتي) لان القطار كان ارخم وصيلة مواصلات و مواعيده مضمونة لان المواصلات من القاهرة الي كوكب المريخ اسهل بالاف المرات من المواصلات من القاهرة الي الي القناطر او المنوفية مثلا
المهم حطيت الضفدعتين في كيس و ركبت القطار و بصراحة من الكلية للقطار كانوا محترمين و هاديين و لما بدأ القطار يتحرك و مع الزحمة و الحر الضفادع بدأت السيمفونية بتاعتها و هاتك يا نقيييق
كنت انا واقف و جنبي واحدة ست قاعدة علي الارض و تبص علي الكيس و تشوف الضفادع و ترفع راسها تبصلي بنظرة تحمل كل معاني الدهشة و الاستغراب و انا ابصلها و انا في نص هدومي
الضفادع تعزف و الناس تبصلي و انا ميت في جلدي من الكسوف
يا جماعة انا طالب في كلية زراعة و بنشرح الضفادع
و لا الهوا
الناس مقتنعة تمام الاقتناع ان اننا عيل اهبل

رد: أدب الرحلات

يابنى ده انت عندك مواهب جامدة اهو اومال ساكت ليه وفكرتنى بموضوع الوزة اللى حصل معايا فى القطار

رد: أنا عايز أعدد " للمتزوجين فقط "

يا جماعه اظاهر كدا ان انتو مش عايشين في الزمن ده ولا حاسيين باللي احنا بنمر بيه ده

اساسا الواحد مننا مش عارف يتجوز واحده هيتجوز اربعه
وبعدين اساسا الفرد مننا دلوقتي بيكح جير وجبس وتراب علشان يقدر يكفي واحده قولي انتا ازاي هيقدر يكفي اربعه

انا لو عليا انا هموت واعمل فيها الحج متولي بس فين النفس وفين الظروف المتاحه لكدا

انا شكلي كدا هخرج من المنتدي ده علي الانعاش بسبب حرقة الاعصاب ديه لنا الله يا حكومه

رد: عايزة اتجوز

اقتباس:

المشاركة الأصلية كتبت بواسطة خالدخليفة (المشاركة 236604)

اولا عيب الكلام من ماركة خلبوص و دون جوان والكلام ده
لانى لااخلاقى ولا سلوكياتى تسمح بالكلام ده وانا مش عيل صغير
وانا بعملها مع اى حد لانى فى موضوع الجواز والطلاق مبتحملش على اى حد من اخواننا الشباب
وانا سافرت لواحد مرة مخصوص علشان فهمت ان فيه مشكلة مع المدام وفضلت متابعه لحد م رجعت بالسلامة
وواحد تانى سافرت له مخصوص علشان اسأ ل على شاب متقدم لبنته واضطريت اعمل تحريات مباحث وكانت مشكلة طبعا لان بعض الجيران قلقو من كتـر الاسئلة وفى الاخر كوننا معلومات عن شخصية الولد وتم رفضه لاسباب كتير
وزمان كنت اقسمت انى متدخلش لحد فى موضوع الجواز ده لان فى ناس كتير احرجتنى بتصرفاتها
واذكر مرة جبت عريس محترم لبنت محترمة والعائلتين اختلفو بسبب اشياء تافه وشتمو بعض وجم شتمونى ال2
لكن الواحد برضه مبيحرمش ومبيتوبش لان الواحد بيصعب عليه احوال الشباب
لو سمحتم عيب الكلام ده وانا بعد المداخلة دى مش داخل الموضوع د ه تانى
وشكرا ليكم

متزعلش نفسك يا عم خالد دول زي اخواتك الصغيرين وبعدين انا ناوي اخليك انتا تشوفلي وحده ومتخفش مش لو متفقتش معاهم وحد حاول يمسك بكلمه هموتهملك كلهم انتا غالي علينا يا ابو عمو ومش عايز تزعل انتا انسان ونعم الاحترام والاخلاق اللي عمري ما شوفتها في حد بالشكل ده

رد: أدب الرحلات

اقتباس:

المشاركة الأصلية كتبت بواسطة خالدخليفة (المشاركة 231781)

نسيت اقول لكم
نظرا للقيمة الكبيرة لهذا الكلام نزلت ورا الشخص اللى شرحه ومشيت جنبه كـأ ن دى محطتى ونازل معاه وسأ لته / بس كلامك ده مرسل جبته منين
فرمى قنبلة ف وشى وقال وبكل هدوء/ انا واحد من اللى بيراقبو الناس على شاشات الكومبيوتر
ومشى

الكلام ده صحيح فعلا و شفناه في افلام اجنبي كتير

في مارس 2009 قدمت انا و اتنين زمايلي علي تأشيرة عمل لامريكا لاننا كنا هنسافر لمشروع هناك و زمايلي الاتنين اخدو الفيزا لمدة 5 سنين في مدة اقل من اسبوع
انا بقي السفارة ردت عليا بعد اسبوعين و طلبوا مني جميع ارقام تليفوناتي في اخر 5 سنين و بعد 4 شهور طلبوا مني تاكيد اني لسة هسافر
و للان ماخدتش الفيزا و لما اتصل بيهم يقولولي الطلب بتاعك لسة بيتعمل عليه اجراءات ادارية
تفتكروا طلبوا مني تليفوناتي في اخر 5 سنين ليه؟
انا نفسي مش عارف لاني من نوع من الناس ماليش اصحاب كتير
مش بتكلم في السياسة
بمش جوا الحيط

رد: أنا عايز أعدد " للمتزوجين فقط "

اقتباس:

المشاركة الأصلية كتبت بواسطة corsair (المشاركة 236621)

ههههههههههههههههههههههههه ههههههههههههههه

انا مش قادر امسك نفسي من الضحك الله يسامحك يا بعيد هههههههههههههههههههههههه

يخربيت دماغك ديه ملهاش حل

ليها حل ربنا يسهل الاقى عروسة وعربية وكدة يبقى تمام قوى

رد: عايزة اتجوز

اقتباس:

المشاركة الأصلية كتبت بواسطة Injection (المشاركة 236192)

ياخالد باشا أم أحمد "مدام" وكانت بتهزر مش أكثر.

ومستنى باقى حكايات دون جوان المنتدى, ده أنا حكمى على الشخصيات بقى بظرميط, كمل يا دوك(سمايلى واحد بيبكى بحرقة).

خالد باشا, أنا كنت بهزر مع دكتور محمد (sad bird) و"دوك" أختصار لدكتور, ولو حضرتك دورت فى الصفحة التالية للتعليق هتلاقى الدكتور مقتبس التعليق بتاعى ومعلق عليه لأنه هو المقصود بيه, وده تعليقه:-

اقتباس:

المشاركة الأصلية كتبت بواسطة sad-bird (المشاركة 236267)

ماشي ياعم الامور
دلوقتي طلعلك حس وظهرت في التوبيك
وبعدين انت كنت شايفني عملت ايه علشان ابقى دون جوان
امال اللي بالي بالك يبقى اييييييييييييه
وبعدين بتقر على مين خليني ساااااااااااااكت بلاش اقول الفضايح اللي بتعملها في الكلية

وأنا مقصدش شخصك الكريم, وأصلا فرق السن بينى وبين حضرتك يمنعنى من الهزار مع حضرتك بالطريقة دى أو حتى الكلام بصيغة غير رسمية معاك.

وأنا أسف لو حضرتك فهمت التعليق غلط, بس الكومنت ليس له علاقة بحضرتك أطلاقا, وتقبل أعتذارى عن سوء الفهم السابق.ROSE4U