|
رد: لية تنتخب الشيخ حازم صلاح ... الجليل
حرام عليك يا استاذ رفيق مالقتش غير واحد من الفلول :thinkW19:
اى حد المهم يكون محترم ويعمل حساب المواطن البسيط ويعدل احوال البلد ومايكونش بيتمحك فى الدين ولايكون عاوز مصلحة شخصية واعتقد انهم بانو على حقيقتهم |
رد: لية تنتخب الشيخ حازم صلاح ... الجليل
اقتباس:
هوة احنا لازم نمشي زي الخرفان ؟؟؟؟؟؟؟؟؟ هوة حضرتك معندكيش عقل بتفكري بية ! وتقدري هوة لازم نلف وندور حولين بعض وخلاص امة امريكية بالقانون امريكية بالعقل امريكية بالادالة امريكية دولياً في امريكية امريكية في السعودية امريكية في المانية امريكية حتي في ايران امريكية لا ادري ماهو معني كل هذا لكي ؟ النقاش يجب ان ينتهي اما بقتناعك او بأقناعي لكن دون ادلة فلا امل فالاقناع بدل الدليل اقدم لكي الكثير والكثير لكن للاسف حضرتك لا تجهدي نفسك لفترة 5 دقائق حتي ليتضح لكي الامر وكاني هذا الرجل ساحر لكي او انك من الداعمين لة ولكي مصلحة شخصية فالامر ! اختي المبجلة د/ هبه من فضلك لا تجادلي دون ادلة قاطعة فالامر لا يجدي صدقيني كثرة حواراتك هنا يدل انك كم تستغيث من الغرق لكن طوق النجاة لكي ولمن يماثلك فالرأي ابسط جدا من كل هذا العناء من الممكن ان تقوليها بكل سهولة انك انخدعتي بهذا الرجل لكن الجدال الشاذ هذا لا يجدي اي نفع بالعكس يوضح اكثر انك منخدعة بشكل يدعو للقلق منك ومن اهدافك هنا فبكل صراحة الان اعتقد انك من الجنة الالكترونية الخاصة بة ؟! ولستي هنا للأفادة انما للتبرير لما سوف يفتعلو هو وجماعاتو فالمستقبل ؟ هذا الرجل لا يحترم القانون ولا يحترم الديمقراطية ولا حتي المشوري كيف تسمحين لنفسك بان تدافعي عن شخص تعيش امة نهاية عمرها في دولة الكفار ؟! الدولة الاولي الداعمة للصهاينة قاتلين اخوتنا من المسلمين ؟! كيف تسمحين لنفسك بان تدافعي عن شخص وضعك في هذا الموقف ؟! وخدعك بهذا الشكل ؟؟؟ هذا الرجل كاذب ومخادع وانتي هنا تدافعين عنة لكن دون اسلحة . فدفاعك بأدلة " خيبانة " لا يجدي انصحك بان تذهبي ألي ذالك الشيخ وتخبرية اذا كان علي حق فيذهب ويضع دليلة القاطع اما اذا تلون فصمتي او اعترفي بخداعك فالمكابرة هنا تصغير من شئنك . اعتبري كلامي لكي من اخ .. انا حتي الان لم اقرر من سأرشخ واجتهادي الان ان اعرف من الاكفاء فيجب عليكي ان تكرثي جهدك هنا لذالك ايضا اذا كنتي فعلا تريدي الخير لتلك البلد . اما اذا كان الامر لكي يتسم بالعناد فاكملي فيما بدأتي فلا امل . - بخصوص الشخص الالفي لديكي الحق لكن لست بخبير المنتديات حتي اعرف معني عضو موقف بانة لن يري المشاركة فكل اعتقادي انة سيمتنع عن الرد ولم اضع لة بردي ما يستدعية للرد علي مرة اخري كل ما فعلتة اني فعلا اوضحت كم هو قليل القيمة والمعلومة . وبالتاكيد هو قراء ذالك عدت مرات واعتقد اني عضويتو الجديدة ستظهر قريبا هنا . فأمثال عقليتو يتسم بعدم الاتزان فالافعال . ... تحياتي لكي , |
رد: لية تنتخب الشيخ حازم صلاح ... الجليل
اقتباس:
أنا متابع لكتاباتك من أول الموضوع ومعجب بعقلك المتفتح الذى أدعو الله ان يكون اغلب الشعب المصرى مثله. فأمثالك هم من نحب أن نعرفهم ونتعامل معهم. هؤلاء الذين يحملون الدين الصحيح ويطبقوه فى معاملتهم مع أهل الكتاب... والحقيقة لن أكتب فى هذا الموضوع ثانيا لسبب واحد وهو أنه أمر لا يهم كثير ولا يستحق منى وقت طالما كان الكلام بعيد عن التعرض لدينى من قريب أو بعد. أنا قصدت بوضع هذه الصور أمرين. أولا: ان يلاحظ الناس التشابه بين الطريقة التى يعامل بها حازم أبو إسماعيل والطريقة التى يعامل بها زعماء الشيعة فى إيران. http://islamstory.com/sites/default/...9_image005.jpg وكذلك كما يعامل رجال الدين من قبل حماس. http://www.up-0.net/uploads/13282841872.jpg ثانيا: أن يتخيل القارئ كيف سيكون الحال مع أبو إسماعيل رئيسا. سوف يقبل وزراء الحكومة يدة ويعامل بطريقة هى أبعد ما تكون على الطريقة التى يعامل بها رؤساء الدول المدنية. هل يستطيع احد أن يخرج على حاكم يقبل الناس يديه ويجللونه ويرفعونه فوق سائر البشر على إعتبار أنه العالم بكل شئ والعارف وحدة بالصالح لشعبه. نحن خلعنا رأيس مدنى بقوه وخسائر من شباب هذا الوطن وينادى البعض بشخص سيكون خروجة من السلطة أصعب من خروج الروح من الجسد. أما عن تقبيل اليد فى حد ذاته فهو أمر لا ألتفت له كثيرا ولكن يكون مستهجننا عندما يكون من تقبل يدة هو رئيسك. هل نأتى برئيس دولة أم بعالم دين وفقية؟؟؟ لهذا حتى ولو لم تكن والدة أبو إسماعيل إمريكية فهو شخص مرفوض لانه رجل يريد أن يكون خليفة على بلاد المسلمين. خليفة بالإنتخاب.. وانظر إلى العنوان المذكور فى المشاركة الذى يستخدم لمخاطبة أبو إسماعيل " الشيخ الجليل". نحن نريد أن رئيس وليس زعيم دينى يحكم مصر. تقبل تحياتى |
رد: لية تنتخب الشيخ حازم صلاح ... الجليل
اقتباس:
أولا/ يا دكتورة قولى لى الثلاث مرات اللى بتتكلمى عليهم دول أنى أستهزءات بالدين الإسلامى فيها. ومش لازم هنا فى المنتدى ممكن ترسلى لى على الخاص علشان محدش يقول أنى بشتت الناس. ولو عندك حق أعتذرك. ثانيا قولى لى هل كان الأمر فى التصدى لاحمد الألفى هو فعل أن رد فعل؟ يعنى من البادئ هل هو أحمد الألفى أن سام؟ راجعى التواريخ والمشاركات هتجدى أنك غير منصفة. أنا أبعد ما يكون عن التطاول. وهل كل معارض لفكر وإتجاه هو متطاول. وهل أبو إسماعيل فوق كل أحد حتى لا ننتقده. هل لانه رمز من رموز السلفية يجعله محصن من كل إنتقاد؟ ثالثا: أنتم فاتحين موضوع ليه ننتخب أبو إسماعيل والكل بيقول رأيه وأنا بقول وجه نظرى وهى أنى لن أنتخب أبو إسماعيل لانه يريد أن لا يكون رئيس مدنى لدوله مدنية بل زعيم روحى لدولة دينية... وساندت هذا بصورة ليس إلا.... |
رد: لية تنتخب الشيخ حازم صلاح ... الجليل
بص حضرتك يا استاذ ماندو
الرد علي حضرتك يقتضي شقين الشق الاول اثبات انه امه مش امريكية بالادلة ومعلش سامحني لو حضرتك شفت اخر صور انا حاطاها للوثائق هتعرف انا لية بقول علية امه مش امريكية نبتدي من الاول كسرد للحقائق اما الادلة فهي موجودة في المشاركات السابقة حضرتك قلت ان هي قعدت في بلاد الكفار انا معاك ان في حكم بيقولك ان السفر لبلاد الكفار حرام بس فعلا الحقيقة للسفر ليلاد الكفار لها احكام عدة من الحرام حتي المباح واعتقد ان حضرتك عارف ان من سماحة هذا الدين ان تتعدد فيه الاحكام ولينا في تعدد الاراء رخصة وبصراحة انت عارف ان العلاج بالخارج له مميزات عديدة جدا وتقدم هائل عن هنا وفعلا انا حاولت اسال لنفسي عن الموضوع دة المعادلة الامريكية او كدة لكن للاسف متنفعش بالنقاب هل تعتقد ان التعلم بامريكا مفيهوش فتن بالعكس انا اكره جدا وسامحني السفر للدول الاجنبية لكن في المقابل لو اتعلمت احدث الطرق في العلاج وبطريقة تفيد الناس هنا يبقي لية لأ لكن المهم حاجة معينة انت رايح لية؟ ولازم تحمي نفسك كويس جدا من الفتن او يكون لديك القدرة انك تقف ادام الفتن دي وبالتالي هي لما اتعالجت مش غلط بالعكس وطبيعي انها تتعالج في اخر عمرها بحكم السن انا معاك انها قدمت الجرين كارد وقدمت علي طلب وثيقة سفر او باسبور ابيض لللي هو للناس اللي مش امريكان اما كون السعودية بتقول انها امريكية هو حضرتك مش عارف ان الحكم السعودي اصلا من انصار مبارك مش السعودية هي اللي ساومت مصر عشان تاخد مبارك عندها مش السعودية اللي رفضت تطلع شاحنة البترول من عندها لمصر الا لما مصر تدفع المبلغ كاملا بعد خلع المخلوع نكاية في المصريين حضرتك متعرفش ان الحكم السعودي بيدعم عمر سليمان مقرتش عن خبر اكتشاف تيشرتات دعائية جاية من السعودية لعمر سليمان السعودية قالت بنفس كلام حضرتك هقولك فين الدليل حضرتك سمعت عن ايران وانها بتدعم الحرب ضد سوريا وفي اخر حوار له الاخ الخميني بيهدد السعودية انها لو سلحت او امدت الجيش الحر باي امدادات هتنتقم من السعودية http://www.youtube.com/watch?feature...&v=b2RogUSSeN0 حضرتك متعرفش ان الكويت الي الان بيشتمو المصريين عشان ازاي يخلعو مبارك يعني حضرتك شايف ان الدول العربية والاسلامية قلبها علي بعض اوي اما بقي كلامك في حقي انا هقول لحضرتك انا بدافع عن حازم لية ورغم ان حضرتك بتقول ان انا من اعضاء اللجنة الالكترونية بتاعته اقول لحضرتك يا ريتيني كنت فعلا منهم اقولك لحضرتك كلام يمكن كتير من اللي بيهاجمو حازم مش هيتقبلوه لكن هكلم حضرتك بصراحة شديدة وبكل صدق رغم ان ذلك سيبتعد عن الموضوع الاصلي هي دي الحقيقة انا لا ادعي الالتزام او الاسلام الحق بالعكس يمكن انا اشد المقصرين فيكم ولكن انا قرات فيما قرات وصف الرسول صلي الله عليه وسلم وفعلا تمنيت كثيرا ان اراه ربنا يوعدني بذلك يا رب اصبحت في حياتي احب هذا المنظر الملتزم واحب سنته ومن يطبقها وان كنت لا افعل ذلك كثيرا فليغفر الله لي تقصيري احب الشيوخ جميعا ومش هكذب عليك في الاول كان في شيوخ كنت لا افقه حديثهم ولكن سبحان الله رويدا رويدا احببت حديثهم بصدق وكإن ربنا بيقولي انتي كنتي غلطانة في انطباعك الاول عنهم اكيد كلام الله وكلام رسوله ينفذ الي القلب نفاذا مباشرا وابتلاني الله بابتلاءات كنت افكر كثيرا كيف ساخرج وكنت اظن ان التدبير ياتي من عندي وعقلي المحدود هيأ لي انني يمكنني ان اصل الي الخلاص بامكاناتي وفي كل مرة كانت تتجلي لي قدرة الخالق وما كان ذلك الا للطف الله ورحمته الشديدة بي وبامثالي من العصاة واجزم بعدها بقدرة الله الحق التي تظهر لي امامي عيانا بيانا كان الواحد فاكر انه بقوته وبعقله هيتحكم في مصير الكون وسبحان الله كل ما دبرته في ثانية ينقلب راسا علي عقب لاري بعيني ان تدبير الله وتمكينه اعظم بكثير - جل تعالي - من تدبير البشر حضرتك بتقول ان انا لجنة وغيرك قال ان انا اخدت فلوس ربنا الاعلم بالنفوس وبما عملت وبما تعمل كل نفس بما كسبت رهينة وهقول لحضرتك لا وانا غير كاذبة ويقيني بصدقي وبان للاسلام اعداء كثيرون زي امريكاوغيرها لا يريدون ان يمكن لشرع الله في ارضة يمكن الناس في مصر خايفة من الدين زي ما انا مثلا زمان كنت بسمع اغاني والحمد لله ربنا عافاني مكنتش اتخيل ان هييجي يوم مسمعش فيه اغاني رغم علمي بانها غلط ربنا يعافينا من الاصرار علي الذنوب وانا متاكدة ان رغم خوف الناس لكن هم فيهم الخير الكثير فقال صلي الله عليه وسلم الخير في وفي امتي الي يوم الدين ) لكن بصراحة عمري في حياتي ما كرهت او هاجمت حد ملتزم مش هانكر ان التدرج مطلوب انا نفسي تدرجت مع نفسي في امور كثيرة ولان الرسول صلي الله عليه وسلم قال ان هذا الدين متين فأولجو فيه برفق وده اللي قاله برضة الشيخ حازم لما سئل عن فرض الحجاب قال يستحيل ان انا اجي اقول يا جماعة بكرة البسو الحجاب كل النساء لكن هاجي علي اخر الفترة الحكم هخلي السيدات يعرفو حكم الحجاب ويلبسوه من نفسهم مشكلتنا واللي بشوفها بحكم عملي للاسف بسبب المناهج الناقصة ان ناس كتير مدرستش ومتعرفش احكام كتير في الدين وان الناس خايفة وفاكرة ان هيحط رقاب الرجال كلها ويقطعها بالسيف سبحان الله الدين دة لكل وقت ولكل عصر وفيه مرونة شديدة وهو نفسه قال يا جماعة مش انا اللي هحط الاحكام هتحطها الاوقاف والازهر بس يكون شيخ تاني طبعا غير اللي راح اسرائيل ووالله ما دافعت عنه الا لايماني بالقضية ومدافعتش عنه عشان انا باتسلي واتكلم شوية وخلاص وكان علية باية ان اللي رايح واللي جاي معلش يعني يتكلم بطريقة غير لائقة في اكثر من مرة؟ مش القضية حازم القضية ان نفسي انا نفسي اشوف كل حاجه حوالية تفكرني بالدين لان انا فعلا مقصرة(وبسبب هجوم شديد علي الشيخ هنا في المنتدي انا عملت الموضوع دة ومنه بصراحة ابتديت اشوف الفيديوهات بتاعته واتتبع اخباره) نفسي اشوف مدارس غير مختلطة وجامعات غير مختلطة هل تنكر حضرتك ان دي اكتر فترة حرجه للشباب ان يبقي البنات والولاد مع بعض ومش دي وبس حاجات تانية كتير بس انا مش هطول :) (هو انتي كمان كنتي هتطولي عن كدة اية الرغي دة يا شيخة ) تقدر حضرتك تقولي احنا الفتن اللي احنا فيها دلوقتي تختلف اية عن الفتن اللي موجودة برة ناس كتير علي فكرة بعتتلي وقالتلي انتي اللي هتصلحي الكون خفي شوية وكلمة سمعتها من استاذ علي منير الله يمسيه بالخير كان رد فيها علي حد هنا في المنتدي كان بيهاجم الدين قاله لو انا عندي حماسة للدفاع عن ديني زي اللي عندك كان حالي احسن من كدة بكتير انا بعامل الناس هنا كلها اخواتي فعلا واحب الخير لكل الناس حقيقة ومش هانكر عليك ان انا اللي بستغرب منه حقيقة وبجد ان ييجي واحد مسلم ويقول انا مش عايز رئيس دولة يمسكني يبقي ملتحي ويتريق علي اللحية ويقول مركب دقن سبحان الله بيتريق من سنة الرسول صلي الله عليه وسلم مش هتصدق قلبي بيوجعني اد اية طب طالما اللي بيتريق دة مبسوط اوي بكلامه ده وتريقته معلش سامحني اني اقوله متزعلش لما تيجي يوم القيامة وتقول انا مش شايفه عارف مش شايف مين اللي انت اتريقت عليه اللهم ارزقنا رؤية نبيك الكريم ولا تحرمنا رؤيته اللهم لا تحرمنا شربة هنيئة مريئة لا نظمأ بعدها ابداوارزقنا حلاوة النظر الي وجهك الكريم يا ارحم الراحمين وقال عز وجل: ( للذين أحسنوا الحسنى وزيادة ) فالحسنى: هي الجنة، والزيادة: هي النظر إلى وجه الله الكريم، كما قال النبي صلى الله عليه وسلم: " إذا دخل أهل الجنة الجنة يقول الله تبارك وتعالى: تريدون شيئاً أزيدكم ؟ فيقولون: ألم تبيض وجوهنا؟ ألم تدخلنا الجنة؟ وتنجنا من النار؟. قال: فيكشف الحجاب، فما أعطوا شيئاً أحب إليهم من النظر إلى ربهم عز وجل" ثم تلا رسول الله صلى الله عليه وسلم هذه الآية: ( للذين أحسنوا الحسنى وزيادة. ) اشهدك يا رب وانت علي كل شئ شهيد اني ما تكلمت الا لك يا رحمن اللهم اخلص لنا نياتنا ارجو يا استاذ ماندو انك متزعلش اني محطتش اللنكات لضيق الوقت بس اوعدك هاقولك ارقام المشاركات تاني وادلتي قوية بس لو حضرتك سمعتها بقلب غير متحيز ولسة ادلة اخري ان شاء الله يوم الاثنين وارجو ان حضرتك تكون مصدقني حقيقة سعدت بالحوار مع حضرتك ويمكن اول مرة اتكلم واعبر عن نفسي بهذا الوضوح الشديد رغم ان دة مش من طبعي خالص:10FEE3~1106: اللهم اجعلنا ممن يستمعون القول فيتبعون احسنه ورزقنا الله واياكم التقوي والبصيرة امين تحياتي: |
رد: لية تنتخب الشيخ حازم صلاح ... الجليل
خبر اخير لليوم
قرات ذلك الخبر وجربت الموقع فعلا الى عمرو أديب هل تتذكر الموقع الذي قلت ان والدة أبو اسماعيل مسجلة فى كشوف الناخبين فيه ومصر كلها جربت الموقع ووجدت ان والدة أبو اسماعيل فعلا مسجلة فيه الان وبعد استبعاد ابو اسماعيل...اطلب منك ان تدخل على نفس الموقع وتضع نفس البيانات ستجد ان البيانات اختفت والاسم غير مسجل؟؟؟ ما تفسيرك؟؟ ------------------------------------------------- لينك الموقع https://lavote.net/SECURED/VOTER_REG/Default.cfm ضع الاسم الأخير للدكتورة نوال: Nour ضع تاريخ الميلاد: 11/03/1946 (3 نوفمبر 1946) ضع رقم المنزل الخاص بالدكتورة: 844 ضع صندوق البريد الخاص بها: 90403 -------------------------------------------------- الى عمرو اديب ...لكي نقبل اعتذارك يجب تجربة البيانات على الهواء مباشرة مثلما فعلتها فى المرة السابقة لتثبت الجنسية |
رد: لية تنتخب الشيخ حازم صلاح ... الجليل
جزاك الله خيرا كيا سيفيا علي حوارك الراقي :GROWIN~12:
الاجابة مصرية وساوافيك بالاسباب لاحقا ان شاء الله رزقني الله واياكم نفاذ البصيرة امين |
| الساعة الآن 12:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017