|
|
رد: السيارات الجديده في مصر
اقتباس:
فخليك في الالنترا التوكيل تمام و انا معرفش الفرق اللي في الاوبشنز بالظبط بس الخليجي دايما بيبقي فيه ايرباجز زياده و ممكن حساسات باركينج مش موجوده في العربيه التوكيل و اي استفسار انا تحت امر حضرتك |
رد: السيارات الجديده في مصر
احمد باشا ليه مش تتطلب من ابو نورة يثبت الموضوع المفيد.....
والبنسبه للخليجي طبعا النترا بيكون فيها ايرباج وتحمل قوة االحرارة والبويه احسن بكتيير شكرا.... |
رد: السيارات الجديده في مصر
اقتباس:
و طبعا انا مقتنع تماما بوجهه نظره دي و علي العموم الموضوع الكويس بيتكلم عن نفسه من غير تثبيت و ربنا يقدرني علي افاده اعضاء المنتدي ان شاء الله و ميرسي علي الاقتراح و تصدق انا كنت ناسي موضوع البويه ده ؟؟؟؟؟؟؟؟؟؟؟ كويس ان انت فكرتني |
رد: السيارات الجديده في مصر
ازيك يابوحميد وكل سنه وانت طيب ارجو المقارنه بين متسوبيشى 1600-نيسان سوبر صالون 1600-كرولا 1300 موديل 2007 من حيث سعر قطع الغيار وسعر اعاده البيع والتحمل وخلافه -كما يمكن موافتى بسعر كل منهم تقريبا وايهم ترشحلى مع كامل شكرى وتقديرى
|
رد: السيارات الجديده في مصر
اقتباس:
طبعا شيل الكرورلا ال 1300 cc من اختياراتك عشان المحرك صغير جدا بالنسبه لوزن العربيه يبقي هنقارن بين اللانسر و الصني : الاتنين 1600 cc و ياباني و بيتقفلوا في مصر و اداءهم كويس و خاماتهم كويسه و اسعار قطع غيارهم معقوله الصني تفوق في المساحه الداخليه و الشكل الخارجي اللانسر تتفوق في الانتشار و سعر اعاده البيع يبقي لو عايز عربيه عمليه و لما تيجي تبيعها مش هتغلب يبقي خليك في اللانسر و لو عايز عربيه كبيره عائليه يعني و ليها برستيج كويس يبقي خليك في الصني و يارب يكون ردي افاد حضرتك و متنساش صلاه الاستخاره |
| الساعة الآن 12:39 PM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017