رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

السلام عليكم
اول حتجه تبص علي رجلاش الفرامل ممكن يكون منه
2- تيل الفرامل الأمامي (ليه كلبس) لو لسا مغير التيل ممكن سايب أو ممكن يكون التيل هواا (نعيم) فا التيل بيتحرك فى مكانه من ضغطه الفرامل
أول ماتسمع صفاره مع التكه أغسل التيل أو نضفه بالهوا (الأفضل شيله ونضفه) لأن الصفاره ديه يا تراب أو كلبس التيل بيحك فى الطنبور يبقى لازم تغير التيل علشان ميعملش ريجه فى الطنبور

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

السلام عليكم
أضافه لرد أ/ أحمد كار مع شكره
الرفرف الأمامي للفيرنا ب 125 جنيه (مش توكيل) أنا بركب فيرنا من 7 سنين والتوكيل أشتغاله
أنا بجيب حاجه التوكيل من بره ونفس الخامه والكفائه والمنشأ والنوع........هو هو تبكل والسعر أقل النص ولما بغلب بجيب استيراد خارج
لو أنت من الأسكندريه يبقى أطلس (صلاح الدين - فيكتوريا) وأنصح بفيكتوريا صاحب المحل أسمه حنا وهيجبلك لبن العصفور بس بيحب الفصال
لو فى القاهره _ فى 6 أكتوبر المول ألى بعد ميدان فودافون محل أسمه الفتح صاحب المحل أسمه أحمد وميزته أنه بيتقى الله فى البيع والشراء (رجعتله سير بعد شهر ووالله بطيب نيه رجعه) ومش بيفاصل والسعر محدد وأقل من السوق
التركيب زي ما أ/أحمد قال 50 جنيه حلال أوي

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

السلام عليكم
أولا ألف سلامه والحمد لله جت فى الصفيح وانت بخير بحمد الله
أنت عندك حوار طويل بس سهل بأذن الله - ونمسك الموضوع بالترتيب
أنا حتكلم عن مشكلتك وأشرح حبت حاجات فى السكه

1- الجنط
الجنط مينفعش تعدله عند بتاع كاوتش لازم عند واحد بتاع تصليح جنوط علشان يظبط ميزان ميه علي القطر كله (أي عوجه بسيطه تبرجل العربيه)
بتوع تصليح كاوتش
- الأسكندريه ( ميدان كابو فى الحضره أسمه الحاج محمود) لو جنط عادي 30 جنيه لو نيكل 90 جنيه
- القاهره (شارع الملك الصالح من الكرنيش أسمه مينا) جنط عادي 20 جنيه
بدل الفرده المخبوطه وحطها ورا وشوف (لو لسا الصوت يبقى حوار من ألي تحت) بس فى كل الحالات لازم تظبط الجنط ولو سليم حيقولك ده سليم (مش حتخصر المشوار أهو تطمن)

2- رمان البيل
وده بالبلدى عباره عن مجموعه بلي فى علبه وبيلفو
لو باظ حتسمع صون ونه مع السرعه وممكن يروح مع السرعه العاليه لو الرمان مش بايظ تماما
رمان البيل الأمامى بيعمل 120 جنيه (فرده واحده مش طقم) الطقم صعب تلاقيه وده ب 200 جنيه

3- الصره
لازم تشيك عليها (انا مش عارف سعرها ) بس لو معوجه لازم تغيرها فورا علشان ديه تؤثر على الطنبير وبالتالى تاكل كاوتش وتيل

4- المساعد
لازم تشيك عليها (والمساعد مكون من 3 أجزاء)
أ) البطاحه , وديه ألي محمله المساعد علي جسم العربيه , شغلتها أن حمل المساعد ميسمعش فى جسم العربيه
لو الخبطه هزت البطاحا أو مسمار ريح أي هزه فى المساعد تسمع فى كل جسم السياره يعنى صوصوه وهوهوا وكل الحيوانات :260309~352:
ب) الياي , السوسته بالبلدي ألي بين المساعد والبطاحه , وديه صعب تتعوج بس مع الزمن بتريح, بس شيك علي الجلب ألى بين البطاحه والياي (لو بيظه مش حتسمع صوصوه بس حتسمع تكه فى المطبات

ج) المساعد نفسه وده لو لاحظت ماسورتين بيدخلو فى بعض شبه المنفاخ لو المساعد بايظ تعرف أزاي (1- هز العربيه من فوقه بالظبط وبعدين من فوق المساعد التانى لو لقيته ناشف فى الرد لفوق يبقي يتغير )(2- تلاقي زيت على المساعد ) وفى كلا الحالتين لازم تغير المساعدين (2) فورا
طقم المساعد الأمامي 400 الي 500 جنيه وطبعا فيه ب 250 جنيه بس ده ممكن لو انت غاوي تغير مساعد كل شهر
أنا بستخدم نوع أسمه مندو وده ب 450 جنيه وزي الفل
طقم المساعد الخلفى مندو ب 380 جنيه

وطبعا لازم تظبط زوايا و ترصص

مستنى ردك وطمني عملت أيه:CHUBBY~36:

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

السلام عليكم
تونسي باشا
أنا معلوماتى أن فيسكو هو زيت ممتاز ولكن لسيارات الغاز وليس البنزين ودرع الحمايه فى غرفه الحرق من أضرار التأكل ألي بيسببه الغاز
لآن أحد دعايا الغاز أن ب 120 جنيه زيت العربيه تمشى 10,000 كيلو وكارجازهى محطات غاز
ممكن تكون معلومتي خطأ ويا ريت لو حد يفيدنا (أصل لو بالشكل ده يبقى التوفير كله) علشان شيل هيلكس و موبيلXHP الأثنين 5000 كيلو ب 120 جنيه برضه

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله