رد: دخولك هنا لايعنى انك معجب بموضوعى
 

فكره حلوه يابو حميد وكلام جميل

رد: ظاهرة الشتائم بالكلاكس والإشارات
 

ظاهرة قلة الذوق في الشارع المصري للأسف انتشرت زيادة عن اللزوم أنا شخصيا مش باحب أروح أي مشوار في الليل بسبب الاضاءة العالية يعني بتبقى ماشي في شارع اتجاهين الاتجاه اللي قدامك كلهم منورين النور العالي جدا لدرجة تخليك مش تشوف اللي قدامك وكمان اللي وراك لو عاوز يعدي منك تلاقيه راح منور نور عالي جدا لدرجة ان عينيك تزغلل وماتشوفش اللي قدامك والحركة دي بالذات اكثر حاجة بتضايقني يعني اللي بيعمل كده مش عارف أنه ممكن يتسبب ان اللي قدام يلبس في أي حاجة وساعتها هتبقى مأساة في الشارع في الحالة دي هو استفاد إيه؟؟ لا عدى ولا ساب غيره يعدي الظاهرة دي بلاقيها بالذات على الطريق الدائري كل اللي جاي وراك كل همه الجري وخلاص ثم استفاد ايه لما اللي قدامه يعمل حادثة بسببه وممكن يموت ... المشكلة انهم فاكرين انها شطارة ... ربنا يهديهم

رد: أدب الرحلات
 

في 2007 رحت البحرين و كانت برضوا اسبوعين و كان ليا ترانزيت في دبي و دي كانت تاني مرة اسافر و مكنش عندي خبرة كافية
المهم في مطار القاهرة الموظفة بتاعت ال check in سألتني انت عندك ترانزيت في دبي تحب تاخد الشنط في دبي و لا البحرين؟ انا طبعا استعملت ذكائي و قلت لها دبي طبعا و كان في نيتي اني اخد اي حاجة من الشنطة اسلي نفسي بيها في ال 4 ساعات ترانزيت
طبعا انا مش معايا تاشيرة للامارات وو صلت دبي و اكتشفت اني عشان اخد الشنط لازم ادخل صالة المطار و لازم يكون معاايا تأشيرة
قلت بس الشنط راحت و بقيت اضرب اخماس في اسداس و مش عارف اعمل ايه
سألت بتوع الامن قالي روح لشركة الطيران و اعمل بلاغ معرفش فين عشان الشنط يودوها البحرين
رحت لموظف الشركة
يا أستاذ انا حصل معاياا كذا كذا و عايزك تساعدني
هوا كان بيكلم بنت بصراحة صاروخ و كانت الي لابساه اقل بكتير من الي قالعاه و الراجل كان متنح لها بطريقة عجيبة
فالراجل مبصش في وشي اصلا و فضلت 10 دقايق واقف اكلمه و هوا و لا هنا
المهم عشان يزحلقني خد البيانات و قالي نص ساعة و اشنط بتاعتك تبقي في الطيارة
و انا زي الاهبل صدقته و كانت النتيجة اني استلمت الشنط بعد ما وصلت البحرين ب 3 أيام

رد: أدب الرحلات
 

سافرت مرة السعودية و كان موسم اجازات و الطيارات الي رايحة مصر كلها محجوزة وحصل مشاكل في الشغل و اضطريت أأجل السفر لمصر المهم كان خلاص الفيزا بتاعتي هتخلص ورحت شركة مصر للطيران في الرياض عشان اغير حجز الطيارة
بصراحة انا اتصدمت من معاملة الموظفين الزبالة ليا و قلة ذوقهم و رفضهم اني اغير المعاد علي الرغم اني وريتهم ان التأشيرة بتاعتي خلصت خلاص و فاضلها كام يوم و اني مستعد ادفع اي فلوس فرق في التذكرة
للحظ انا ساعتها كنت بشتغل لهيئة الطيران المدني في السعودية و حكيت لهم القصة فواحد سعودي ليه قريب شغال في مصر للطيران راح متصل بيه عشان يغيرلي التذكرة
يعني اجيب واسطة من واحد سعودي عشان يمشيلي حاجة في شركة مصرية!!!!

رد: أدب الرحلات
 

كنت في جنوب افريقيا السنة الي فاتت ايام كاس العالم للقارات
طبعا كمسلم في بلد غير مسلم لاززم اتأكد ان الاكل حلال
المهم اول 3 ايام بقيت اكل في اي مطعم و هاتك يا اكل و قبل ما اكل اسألهم ده فيه خنزير؟
يقولولي لأ اقوم اكل بكل اصرار و انا من النوع الي يحب الاكل بصراحة
المهم تالت يوم و انا ماسك طبق فراخ بفترسه بحط الاكل في بقي و افتكرت حاجة
يادي النيلة انا كل مرة اسأل هوا ده فيه خنزير و لا لأ و ناسي خالص اني لازم اسأل هوا مدبوح حلال و لا لأ
يعني بقالي 3 ايام باكل لحم فطيس و انا مش واخد بالي

رد: أدب الرحلات
 

انا بحب الاكل الهندي جدا و اول مرة اجرب الاكل الهندي كان في دبي
كنت شغال في بنك الامارات الوطني و اتعرفت علي جماعة هنود و ضربت معاهم صحابية
و هم كانوا مبسوطين اوي لاني كنت بتعامل مهم ببساطة لان للاسف كتير من الخليجيين بيعاملوهم مش كويس
المهم اخدوني مطعم هندي و كان مطعم صغير قوي و فقير جدا شبه المطاعم الملوثة بتاعتنا
دخلت المطعم كان كله هنود و بيبصولي بارتياب شديد
طلبنا رز و فراخ
انا اعرف ان الفراخ لونها ابيض و كانت اول مرة اشوف فراخ لونها احمر من كتر الشطة هم غالبا مش بيدبحوا الفراخ هما بيجيبوا الفراخ صايحة و يرموها في الشطة و لما تموت ياكلوها
المهم ال 3 هنود الي معايا طلبوا ايه؟ كلهم طلبوا رز و زبادي
انا مفهمتش بصراحة ايه علاقة الرز بالزبادي
الرز وصل و راحوا فاتحين علب الزبادي و راحوا دالقينها علي الرز
انا طبعا توقفت عشان اتابع المشهد الرهيب ده
بدأو يعجنوا الزبادي مع الرز بايديهم واحد منهم داق الرز لاقاه ناقص ملح راح دالق شوية ملح عالزبادي و الرز شوية و راح داقه تاني و يظهر لاقاه ناشف شوية فراح مادد ايده في كوباية المية و اخد شوية مية سقسقها عالرز و قعد يقلب و ياكل بايده
طبعا انا في المطعم الهندي ده كنت اضحوكة لاني اول ما بدأت طلبت من معلقة و كانت معضلة و فضلوا يدوروا لحد مالقوا معلقة و غالبا انا الزبون الوحيد في تاريخ هذا الممطعم الي طلب معلقة
بدأت اكل الفرخة و لسة مع اول لقمة الشطة بهدلتني و دخلت في حالة كحة هستيرية و بعد 5 دقايق فقت منها و لقيت المطعم كله بيضحك عليا لاني لحد مابدأت اكل الفرخة كنت فاكر ان اللون الاحمر ده صلصة و عمري ما تخيلت انه ممكن يكون شطة

رد: عايزة اتجوز
 

اختنا اللى كاتبة الموضوع
اعيب عليكى كلمة محدش يفهمنى غلط ويتقدم لى والكلام ده حتى ولو كان كلام بنات من ماركة يتمنعن وهن الراغبات
ياستى ايه المشكلة هو عيب والا حرام
هو فيه افضل ولا اشرف ولا اطهر ولا أعظم من السيدة خديجة اللى خطبت النبى محمد اشرف الخلق لنفسها
وبلا حرج او خجل انا بقول
لو فى هنا شاب كويس ومتدين ومحترم اكتبى لى اسمه على الخاص وانا اجيبه من قفاه لحد البيت