رد: العربية بتنتش على الاول
 

شكرا M.Tonsy على التوضيح. لو حضرتك عندك رقم موبايل للمركز ده او لو حتى توصفلى العنوان هاكون شاكر جدا لحضرتك. (انا هاصور الموتور لحضرتك وقولى اذا كان موتور فيرنا ولا لأ لان فى 2 ميكانيكية قالولى ده مش موتور فيرنا !!! واحد فيهم قالى ده موتور اسمه لافيتا وانا مش عارف ده صح ولا لأ)

Mr_astra : النهارده رحت لميكانيكى تانى ولف لفتين بالعربيه وقالى سير الكاتينه هو سبب التقطيع ده والبرجله والتنتيش ....... انا هاروحله بكرة تانى المغرب علشان يظبطه لانه مكنش فاضى النهارده ... اتمنى يكون كلامك حضرتك صح واخلص من الموضوع ده لانه خانقنى وصارف عليه اكتر من 3000 جنيه والله العظيم.

رد: العربية بتنتش على الاول
 

للاسف يا باشا مش معايا رقمه بس ممكن اوصفلك تمشى ازاى
تدخل من شارع العشرينى فيصل وتكمل علطول لحد ما يقابلك تقاطع شا رع المساكن هتدخل شمال مفيش بالظبط 500م هتلاقيه على ايدك اليمين وهو مشهور جدا هناك يعنى لو سألت عليه اى صنايعى فى شارع فيصل هيوصلك ليه علطول وبصراحة هو متخصص فى اعطال الانجيكشن والحساسات
وبالنسبة لموتور اللافيتا ده هو موتور الماتريكس الشكل القديم مو 2001 وموتور وفتيس الماتريكس والفيرنا واحد بالظبط مفيش فيهم اى اختلاف

رد: العربية بتنتش على الاول
 

شكرا M.tonsy على شرحك للعنوان ... بس بالنسبة للموتور اللافيتا .... حضرتك تقصد ان مفيش فرق خالص بينه وبين موتور الفيرنا الاوتوماتيك 2004 ؟ وهل يفرق تركيب وتقسيم سير الكاتينه بين الموتورين؟

شكرا مقدما

رد: العربية بتنتش على الاول
 

فية فرق او ما فيش فرق فى تركيب سير الكاتينة مش دة موضوعنا
احنا نتعامل على الموتور اللى راكب بغض النظر عن نوعة او سعتة اللترية
بس الاهم فى الموضوع نعرف نوع الموتور مهم جداااااااااا ونجيب السير بتاعة لان ممكن يكون عدد السنون مختلف هنا عن هنا
لازم نعرف موتورك فرنا 1600 ولا 1500 ولا لافيتا وبناء علية نشترى السير بتاعة واى ميكانيكى يركبة

رد: العربية بتنتش على الاول
 

طيب اعرف منين نوع الموتور ؟؟؟؟؟؟؟

رد: العربية بتنتش على الاول
 

النهارده رحت للميكانيكى ... حل سير الكاتينه وقاللى انه متركب صح ومفيش فيه مشكلة ...... ورجع ركبه تانى .... بعديها علطول رحت افول لان العربيه مكنش فيها بنزين .... فولت لحد اول تكه ..... بعدين جيت ادور العربية بطلت ... قعدت ادور كذا مره (تقريبا 4 او 5) لحد ما دارت .. المهم كل ما اجى اهدى العربيه تبطل ... فارجع ادور وبقت تدور كل 3 او 4 مرات وبقت بتطبطل كتير وفيه دخنه سوده طالعة من الشكمان وفى ريحه بنزين جوه العربيه كمان(بس مش ملحوظه قوى).

رجعت للميكانيكى قالى كده العطل فى حساس من الاتنين دول (حساس الاكسجين وحساس المانفول)(الحساسين دول حمب بعض فوق الموتور علطول) مكدبتش خبر ورحت اكشف على الحساسات تانى عند كشف الاعطال ... الراجل قاللى مفيش error ظاهر عنده ودى مش مشكله حساسات - دى مشكلة طرمبه بنزين !!!

انا كده غالبا غيرت كل حاجه (بوجيهات - فلاتر - موتور طرمبة بنزين - زيت موتور - زيت فتيس - علبة البيئه لانها كانت بايظه ) مش باقى غير الرشاشات وطرمبه البنزين ...... بس انا خايف اغيرهم والعيب يفضل زى ما هو ...... دلونى اعمل ايه احسن انا زهقت واتخرب بيتى عند الصنايعية بدون نتيجه

اسف على الاطاله وشكرا ليكوا مقدما

رد: العربية بتنتش على الاول
 

*_يا شباب انا معايا فيرنا اتوماتيك موديل 2005 شاريها من 6 شهور بتعمل معايا تقريبا نفس المشكلة ومدوخانى
*_كل ما افول العربيه واملى التانك لاخرة .... اجى ادور العربية تدور وتبطل على طول ... واقعد ادور كذا مره (تقريبا 4 او 5) لحد ما تدور ..ولما تاخد سرعتها تبقى كويسة لكن كل ما اجى اهدى فى حتة زحمة او على مطب العربيه ترعش و تبطل ... فارجع ادور وبقت تدور بعد 3 او 4 مرات وفى ريحه بنزين جوه العربيه كمان (بس مش ملحوظه قوى) بشمها لما اجى ادور العربية
*_والعربية باردة لما اجى ادورها بتلقط وبتبطل بعد حوالى ثانيتين وتفضل تدور وتبطل يجى 3 مرات وبعدين ماتبطلش لوالعربية سخنة بتدور على طول
*_مشكلة التبطل على المطبات والسرعات البطيئة بتقل كل ما مؤشر البنزين يقل بالتقريب خمسة لتر عن الفول تانك ..... كلامى غريب بس دة اللى بيحصل
*_لما العربية تتحرك من السكون واجى ادوس بنزين مالاقيش استجابة للعربية (الميكانيكى قاللى متلتة) واوقات قليلة مالاقيش بنزين تحت رجلى على السرعات العالية ولما اجى اخد يوترن او اى دوران مالاقيش استجابة من دواسة البنزين تحت رجلى
*_والعربية على سرعة 90 او اعلى لما ارفع رجلى من على البنزين و اشعر فرامل عشان اهدى السرعة اسمع صوت طرقعة جاى من تحت العربية بتاع الشكمان قاللى الطرقعة مش من الشكمان