رد: اى سؤال بخصوص الرخام و الجرانيت انا تحت امركم
 

رد: اى سؤال بخصوص الرخام و الجرانيت انا تحت امركم
 

اخى الكريم
اهلا بك وباهلنا فى الجزائر
على فكرة انا من عشاق الجزائر حيث فى عام 2009 كان لى شرف زيارة الجزائر لمدة 10 اشهر لتجديد سفارة قطر فى الجزائر . بلد جميل و شعب متحضر
خالص تحياتى لكم ولاهلنا فى الجزائر وفى انتظار الصور رغم تاكدى ان شاء الله سوف تكون ولا اروع
:fun_36_3_9[1]::fun_36_3_9[1]:

رد: اى سؤال بخصوص الرخام و الجرانيت انا تحت امركم
 

السلام عليكم استاذ هانى ممكن من فضل حضرتك تفيدنى سعر متر الرخام الأول من الشمال فوق اللى هو اسود بخطوط بيضاء بكام وهل ممكن يوصل سعره إلى 750ج للمتر ولحضرتك جزيل الشكر

رد: اى سؤال بخصوص الرخام و الجرانيت انا تحت امركم
 

معلش كمان انا أسفة ... هى لو الرخامة طولها ٣متر انا عملاها كطربيزة لفتحة المطبخ الامريكانى (أرش) بتبقى حتة واحدة على بعضها اصل الراجل بيقولى ما ينفعش وعايز يعملها على نصين كل حتة متر ونص ..... جزاك الله خيرا

رد: اى سؤال بخصوص الرخام و الجرانيت انا تحت امركم
 

وعليكم السلام ورحمة الله وبركاتة
الصورة فى الصف الاعلى على الشمال مش رخام اسود . دة رخام امبرادور دارك وبيكون ارضية بنى غامق مع عروق بيج و بطش بيضاء
اما بخصوص السعر
السعر معقول حيث ان المسطح مش كبير . وبالتالى التكاليف من نقل و تركيب و مصنعيات كلها متحملة على 3 متر رخام
* ملحوظة هامة السعر 750 جم للمتر المربع ( 3م* عرض الكاونتر ) فمثلا لو الكاونتر ( القرصة الرخام ) عرض 60سم يكون الحساب 3*0.6*750 = 1350 جم
واخيرا بخصوص المقاس
فعلا المقاول عندة حق 3متر صعب تيجى على قطعة واحدة لانها سوف تنكسر اما فى النقل و التشوين او اثناء التركيب
بس انا مابحبش اللحام يجى فى النصف الافضل يكون قطعة فى النصف بطول 2 متر و قطعة فى الشمال و اخرى فى اليمين بطول 50 سم للواحدة
* الافضل تركيب تخانة للقرصة بحيث يكون سمك القرصة 4 سم بدل 2 سم مع عمل حلية
مع خالص تحياتى

رد: اى سؤال بخصوص الرخام و الجرانيت انا تحت امركم
 

اشكر حضرتك جداً على الرد وفعلا مع حضرتك حق ان الرخام بنى غامق مع عروق بيج وانا مش عارفة القرصة فيها تخانات ولا لأ بس هو هيعمل حاجة عاملة زى درجة السلم بطول الرخامة من الجهتين (اعذرنى فأنا اول مرة اتعامل مع الرخام) و القرصة عرضها الأساسي ٥٠ سم .... وان شاء الله أراعى كلام حضرتك فى موضوع اللحام ... .بس لو مافيهاش إزعاج لحضرتك ممكن تنصحني ازاى انظف الرخامة وأخليها بتلمع لأنى حاسة أنها مطفية شوية ... مع الشكر وكل سنة وحضرتك طيب رمضان كريم

رد: اى سؤال بخصوص الرخام و الجرانيت انا تحت امركم
 

للاسف مافيش حاجة اقدر انصح حضرتك بيها لتلميع الرخامة لان دى عملية صعبة ولابد من ان يقوم بيها عامل متخصص فى الجلاء
والسؤال . لية الرخامة مابتلمعش كويس مع انها لسة راكبة ؟؟
اما بخصوص تنظيف الرخام تجنبى تنظيف الرخام بالمنظفات الصناعية مثل فيرى وبيريل حيث ان تلك المواد تطفى اللمعة
التنظيف بيكون بقطعة قماش مبلولة و معصورة كويس و لو فى بقع ممكن اضافة القليل من شامبو اطفال
وكل عام وحضرتك و الاسرة الكريمة بالف خير