رد: الثورة المصرية علي خطي الثورة الفرنسية
 

بالمناسبة سوسن يتسلم عليك وبتفكرك ... ان اللى جرى ملايين الامن المركزى بسوادهم وخوزهم ودروعهم وشومهم ورصاصهم ومدرعاتهم ومطاطهم بشوية طوب قادر يجرى اللى اكبر منهم علشان صاحب الحق مبيخافش


http://img145.imageshack.us/img145/2...pt22812011.jpg

رد: الثورة المصرية علي خطي الثورة الفرنسية
 

قلتلي سوسن ههههههههه

الصورة دي بتوضح مين المعتدي ومين اللي استخدم ضبط النفس ولم يقم بمهاجمة بلطجية التحرير

ياريت حضرتك كنت معانا في الباطنيه علشان كنت تعرف تتعامل معاهم هناك ...

حضرتك بتتعامل مع المهندس والمهندسه والدكتور والدكتورة وحبيبي وصاحبي وميمي وتوتو وسوسو

احنا بنتعامل مع ناس اسهل حاجه عندهم القتل

يعني كنت بجيبه وانيمه علي الارض واحط البياده علي راسه لانه مينفعش معاه الا كدا

ياباشا احنا متخرجين من حاجه اسمها" مصنع الرجال" يعني لادووول ولا اللي اتخن منهم واحنا بنعرف نتعامل معاهم كويس

ياباشا انا بيقف قدامي رجاله بشنبات زي الالف محدش يقدر يهرش الا لما اقوله ...

مش هنعرف نتعامل مع شوية عيال ...

انا اسف بس انته شكلك مادخلتش جيش وماتعرفش يعني ايه رجاله الجيش

رد: الثورة المصرية علي خطي الثورة الفرنسية
 

رد: الثورة المصرية علي خطي الثورة الفرنسية
 

الاخوة الاعزاء : ابو نورا ، و حضرة الضابط اللى مش عارفين اسمه ايه

رجاء ممكن نخفف حدة الحوار ، يعنى سوسن و قطط و ينونو اعتقد هذا الكلام لا يفيد و لا يقدم و لا يؤخر ، و ارجو ان نرتقى قليلا بالحوارو اسمحولى اروى لكم قصة قصيرة :

كان هناك ثلاثة من العميان المولودين بهذا الابتلاء ن و لم يروا قط فى حياتهم
و فى احدى التجارب ادخلوهم الى حظيرة بها فيل و بعد ذلك طلبوا من كلا منهم وصف الفيل:
- الاول : الفيل يشبه العامود الضخم
- الثانى: الفيل يشبه الانبوب المرن (الخرطوم)
- الثالث : الفيل يشبه المكنسة
أيا منهم مخطئ و ايهم صواب
فى الواقع كلهم صواب و لكنهم حكموا على الفيل من واقع تجربتهم الشخصية فقط دون محاولة تمعن و استعانة بخبرات الاخرين و لذلك اصطدم الاول برجل الفيل فظن انع مثل العامود
و الثانى بزلومة الفيل فظن انها مثل الخرطوم ، و الثالث بذيل الفيل فظن انه مثل المكنسة.

ارجو ان تكون الحكمة من هذه القصة قد وضحت للجميع ، اى ان لا تبنى ارآئك بناء على تجاربك الشخصية فقط فقد تكون تجاربك وضعتك فى زاوية محدودة من الصورة الاجمالية.
و اعتقد ان هذا حدث معكم
نكمل لاحقا حيث انى مشغول الان

رد: الثورة المصرية علي خطي الثورة الفرنسية
 

رد: الثورة المصرية علي خطي الثورة الفرنسية
 

ضحكتك صورة سوسن مش كده هعهعهعهعهعهع اصبر لسه هضحكك اكتر :THUMBS~220:

بص يا سيدى بس الاول علشان نكمل هزار مع بعض من غير زعل
الصورة ديه من يوم 28 يناير جمعة الغضب فهى ملهاش اى علاقة بما تطلق عليه بلطجية التحرير

لاحظ انا بسألك على تعريفات واضحة لمرادفات كتير بتدرجها فى كلامك

وبعدين برضو همشى على كلامك ان صح

ينفع الداخلية بالامن المركزى بالدروع والعتاد ديه تستخدم ضبط النفس مع بلطجية

بذمتك اللى يستخدم ضبط النفس مع بلطجى يبقى ايه ؟؟

طيب لو مكانوش بلطجية وعندهم اوامر واضحة بالتعامل معاهم ينفع يبقى كل واحد لابس خوزة وفى ايدة نطفة قد الشومة الخبطة منها تنزل على الدماغ تزن وفى ايده التانية درع وفى ضهرهم مدرعات وضباط وزخيرة لا تقل بل تزيد عن زخيرة وعتاد اعتى قوات مكافحة الشغب فى العالم ؟
نماذج لضبط النفس
http://www.youtube.com/watch?v=-sNnvWKZNow
http://www.youtube.com/watch?v=J8uaEeiuBQc

http://www.youtube.com/watch?v=yPLY3afNpjI

رد: الثورة المصرية علي خطي الثورة الفرنسية
 

فضيت شوية يا جماعة
نرجع لقصتنا ، المهم ليس المقصود اى اى اح اعمى ( لا سمح الله) و لكن المقصود كل منا له زاوية خبرات معينة و ليس من الحكمة التسرع و الحكم قبل رؤية زوايا الاخرين فقد نجد ان الصورة اختلفت تماما و وصلنا للفيل.

و على رأى توفيق الدقن - العلبة فيها ايه -
"
الشرطة ياأخي الكريم يجب أن تكون لها هيبتها التي تستمدها من هيبة القانون التي تسعي بكل قوتها لتنفيذه ولكن اذا سعي بعض الناس الي اسقاط هيبة الشرطة هي تريد اسقاط هيبة الدولة بل منهم من دعي الي "كسر عين الجيش"
صدقني لاتوجد هناك حرية بغير أمان لان وقتها ستتحول الحرية الي انفلات كما نراه الان..."

عنك انت يا ابو نورا هاطلع انا الطلعة دى على الباشا:3mla:

للاسف هذا هو الخيانة العظمى التى حدثت فى مصر ، لا يوجد ما يسمى هيبة و خلافة ن المطلوب تحقيق العدل و تنفيذ القانون على الجميع - عندما تستطيع فعل هذا - تستطيع ان ترتقى بالامة
و لا تنسى قول المصطفى (إن الله يقيم الامة العادلة و لو كانت كافرة) و علشان كده امريكا تسود العالم (لان هناك عدل داخلها بين مواطنيها و لا اتحدث عن السياسة الخارجية).
الذى تعانى منه انت الان هو نتاج سياسة الخشونة و العنف مع الناس فصار هو القانون الحاكم الان

و السب و القذف و ضرب الناس لا يذهب سدى ن انظر ان الناستكيل لهم الصاع صاعين الان ،لانه لم يعتمد على حب الناس بل اعتمد على ارهابهم و هذه هى النتيجة.

و الحمد لله انك تغلبت على البلطجية ن و ربنا يحميك ، و لكن اريد ان الفت انتباهك لا تفرح كثيرا بقوتك ، فما تصنعه العقول اقوى بكثير

ياباشا احنا متخرجين من حاجه اسمها" مصنع الرجال" يعني لادووول ولا اللي اتخن منهم واحنا بنعرف نتعامل معاهم كويس

لا انكر ان الجيش مصنع للرجال - و لكنه ليس المصنع الوحيد - لماذا تعتقد ان الرجال فقط فى الجيش؟
هناك العديد من المهن التى تعلم الجلد و الصبر على الشدائد و قوة التحمل و الادارة و التعاون و خلافه
(هل تذكر كيف هزم ارشميدس بمفرده اسطول الرومان بالكامل باستعمال العدسات)
سوف تواجه الكثير من الصعوبات و لكن حاول ان تكسب حب الناس.

ياباشا انا بيقف قدامي رجاله بشنبات زي الالف محدش يقدر يهرش الا لما اقوله ...
ارجو ان يكون ذلك هيبة و ليس خوفا و شتان بينهما ، و هذا ما اردت توضيحه لك الشرطة كانت تفعلها بطريقة خاطئة اعتمدت على الخوف و ليس الهيبة
يعنى بلغة الادارة (و اعتقد ان المنتدى به خبراء يمكنهم توضيح هذه النقطة:
هناك فرق بين ان تكون مدير و ان تكون قائد
- المدير يتعامل مع الناس من منطلق السلطة و يحكم علاقاته معهم تجنب بطشه او تفادى عقابه و يستعمل ذلك لتنفيذ المهام
- القائد : هو شخص يستطيع زراعة حب الناس و يستعمل ذلك فى تنفيذ المهام و يحتفظ بحق العقاب للفئة الشاردة فقط

ارجو ان تكون وضحت الصورة
و مستنيك علشان نكمل:12C025~123: