مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

- - بيجو 504 الرائعة (https://www.masrmotors.com/vb/showthread.php?t=53938)

رد: بيجو 504 الرائعة

يا رجاله العربيه دى يتقال عليها وحش بمعنى الكلمه

العربيه دى شافت اصعب ايام من يوم ظهورها ولغاية دلوتى بصراحه فى ناس بتعاملها اوسخ معامله

بس ميعرفوش قيمتها دول

انا بصراحه مستنيها بفارغ الصبر هاجيبهاان شاء الله شهر او شهرين بالكتير

بس هعدل فيها اللى مش موجود فى الحديث

العربيه دى مصر كلها اجمعت اراء عليها انها عربيه مفيش زيها

فى كل حاجه

رد: بيجو 504 الرائعة

اقتباس:

المشاركة الأصلية كتبت بواسطة Mahmoud Sayed (المشاركة 604283)

يا أخي الكريم أنا لم أقل أنها فشلت بالعكس دي محترمة جدا دي دبابة مش عربية

أنا بأتكلم عن المبدأ بشكل عام وقلت في الآخر رأيي اللي استنبطته من مشاهداتي ودراستي

وربنا يرزقك بالعربية اللي نفسك فيها :fun_36_3_11[1]:

أولا ألف ألف ألف شكر على الدعوة الجميلة دى ..كلك زوق والله
ثانيا أنا بوضح بس أن التكنولوجيا الحديثة فى أى عربية مش مستوى قياسى
الواحد مننا بيشترى عربية عشان تعيش معاه العمر كله مش تستعمل مرة واحدة و تترمى
كل اللى عاوز أقوله أن العربية دى بالرغم من أن التكنولوجيا الحديثة المطلوبة لدى كل الناس اللى مش موجودة فيها أثبتت جدارتها و متانتها و أثبتت أيضا أن التكنولوجيا ملهاش أى لازمة بدون متانة و جودة و ده اللى خلاها محبوبة لدى ملايين من الناس
و يا سعده يا هناه اللى معاه 504 و مهتم بيها و محافظ عليها
تحياتى للجميع:THE_PR~18::THE_PR~ 18::THE_PR~18::THE_PR~18:

رد: بيجو 504 الرائعة

اقتباس:

المشاركة الأصلية كتبت بواسطة خالد الجوكر (المشاركة 604427)

لو كانت على كبالن و دفيرنس ياريت تكشف عليهم هم و الموتور أما لو كانت على كورونة فامفيش مشاكل إن شاء الله
وربنا يبارك لك فيها و ألف مبروك:CONGRA~238::CONGRA~ 238::CONGRA~238:

رد: بيجو 504 الرائعة

اقتباس:

المشاركة الأصلية كتبت بواسطة Mahmoud Sayed (المشاركة 604275)

بص يا أخي الكريم هاقول لحضرتك رأيي المتواضع

بحكم مهنتي ودراستي (مهندس ميكانيكا - إدارة صيانة سيارات) أنا شايف إن الحديث أفضل لإعتبارات كتير أوي

والتحديث لا يقارن بالتكنولوجيا الأصلية مطلقا لأن السيارة منظومة متكاملة كل جزء فيها يعتمد على أداء باقي الأجزاء

إحنا في مصر يناسبنا العربيات القديمة نظرا لظروف التشغيل والبيئة في مصر لكن ده لا يمنع إن فارق الأداء كبير (خصوصا في موضوع استهلاك الوقود)

لكن ده لا يمنع إن القديم أمتن وأأمن أنا معاك في دي

يعني أنا على سبيل المثال خدت حجر بتاع ربع طن كدة بين العجل الأمامي في عربيتي القديمة (لادا 1600 موديل 83) وسحفت بيه بتاع خمسة متر كده . وطلعت منها زي الفل والعربية اتكلفت حوالي 300 جنيه تصليح بس كانت محتاجة تغيير قنطرة المحرك وأنا كسلت وبعت على طول

طبعا ده لو حصل مع عربية حديثة كانت ممكن تيجي نصين أوتتقلب باللي فيها

ومن الإعتبارات السابقة دي أنا كونت فلسفتي الخاصة . أحسن عربية ممكن تشتريها في مصر - في رأيي - هي العربية التي تقع في منطقة متوسطة بين القديم والحديث بحيث تجمع لك بين ميزات الإثنين

متانة وأمان وأيضا تكنولوجيا متطورة إلى حد ما

الأنسب في رأيي الموديلات من 97 إلى 2000

وتقبل تحياتي

لو على أستهلاك البنزين فهى بتاكل بنزبن فعلا بس فى ناس أعرفهم معرفة شخصية مركبين (تيربو) و من ساعتها العربية بتشمم البنزبن شم و تلاقيها صاروخ
وده اللى عرفته منهم
و فى عربيات (أجرة) متسقطلها متوتر تويوتا سولار( أيام ما كان السولار رخيص) و العربية مترخصة بالموتور ده و حاجة زى الفل وناس مركبه عليها غاز طبيعى
و حققوا مكاسب من الحدوته دى

رد: بيجو 504 الرائعة

السلام عليكم
انا ليا تعليقات بسيطة على الموضوع ده :-
العيوب

1- ال 504 عربية ثابتة على الطريق !!!!!!!
زمان كانوا بيسموها النعش الطائر ...نظرا لكثرة حوادتها على الطريق ... و كانوا بيقصدوا العربية ال 7 راكب الى لسة لغاية النهاردة شغالة بين المحافظات
بالمناسبة ... العربية الصالون الى شغالة تاكسى وزنها 4 كيلو جرام و هى على سرعة 120 .... نظرا لشكلها الايروديناميكى الممتاز و بخاصة الشنطة .... فبيخلى الهواء يساعد على رفعها من الارض
2- استهلاك بنزينها عالى حبتين

المميزات

1- العربية واسعة جدا من جوة و مريحة .. و انا عاجبنى شكل التابلوه
2- كل اجزائها الميكانيكية قابلة للفك و التركيب ... ده بيدينى امكانية التغيير و التحديث .. الشنابر و الشمايز فى المحرك بتتفك وو تركب لما تيجى تعمل عمرة مفيش خراطة ... العربية بترجع زيرو زى الاول
3- الدركسيون خفيف جدا .... يقارب من خفة الباور
4- العربية عالية عن الارض ... دى حاجة كويسة فى المطبات و وحشة فى الثبات
و حاجات كتيرة صغيرة فى الميكانيكا مخليانى بحب العربية دى

فى النهاية ... انا كنت ناوى اجيب عربية 504 السنة الى فاتت ... بس ما كانش معايا فلوس :w6w200504112236376d

رد: بيجو 504 الرائعة

اقتباس:

المشاركة الأصلية كتبت بواسطة ahmed_eng2001 (المشاركة 604917)

الكلام ده بيحصل عشان 504 الـ7 راكب لها كرونة مش بتوفر المرونة فى المنحنيات مش زى 504 الـصالون اللى على كبالن و ديفيرنس
تحياتى للجميع
:01FDAB~189::01FDAB~189:: 01FDAB~189::01FDAB~189: