رد: لازم ادوس سنه بنزين
 

جرب طقم NGK شمعه واحده

بنفس أبعاد البوجيه بتاعك الحالى

رد: لازم ادوس سنه بنزين
 

السلام عليكم م سمير
انا معجب جدا بشرح الوافى وعطائك الفياض لكل استفسار من الاخوه فى المنتدى
سؤالى الى حد ما مكرر بس مش فاهم الاجابة بالظبط لغياب الصور وان شاء الله هحاول احط صور واضحة لكن بعد ما حضرتك تقولى اصور ايه بالظبط
اولا انا عندى ستروين ax مو95 (زى د/ مصطفى tegani ازيك يا دكتور؟؟؟)
فى البداية العربية كانت بتاكل بنزين كتير والسبب باب وا أكس الكربراتير روحت مغير الكربراتير كله بقى استهلاك البنزين ممتاز
المشكلة فى موضوع غياب الدوارة دى الاول كانت بتغيب لاول دوارة فى اليوم سواء الصبح او بعد الظهر ولكن لما بتدور وامشى بيها مشوار ولا حاجة واسيبها وارجع ادورها فى اى وقت تدور تمام
دلوقتى بقى بقت تغيب اكتر من الاول وتدور بعد ما (اكارك بنزين كتير) لدرجة انى بشم ريحة البنزين وانا قاعد فى العربية وبعدين تدور ولازم افضل دايس بنزين ورافع الـ RPMلغاية 20 على الاقل ولو سحبت الشفاط وسيبت البنزين تفضل تنزل لغاية ما تبطل تانى(الشفاط مش عامل حاجة فى اول الدوارة على الرغم انه سليم - وبحس انه بيعلى الـ rpm بس بعد فترة من دوران الموتور)
مؤخرا بقى لقيت العربية بطلت منى مرتين وانا ماشى على الاول او التانى فى حتة زحمة كده طبعا قلقت جدا وارتبكت خصوصا انها بطلت فى جو زحمة (وودنك ماتسمع الا كلاكسات)
1- ليه بقت تغيب فى الدوارة اكتر من الاول؟
2- ليه بطلت وانا ماشى ؟؟
نوع البوجيهات NGK الفرنساوى بتاعها (مش عارف كام شمعة) وراكب من حوالى شهرين

ياريت حضرتك تدلنى اعمل ايه واصور ايه بالظبط والمعلومات المطلوبة
لانى لما اروح للميكانيكى ويقولى دور (طبعا بتدور) ماهو ده المعتاد
(وبعدين مش معقول اخد الميكانيكى واخليه معايا على التابلوه جنب المناديل)
وربنا ما يحرمنا من خدماتك

رد: لازم ادوس سنه بنزين
 

بس كنت مشعر بنزين ........مظبوط ولا لا ..........؟

وأيه أخبار عدد لفات المكنه على السلانسيه .......عامله كام ........؟

وهل كشفت على البوجيهات بمجرد تبطيل المكنه الأخير ........وشوفت لونها عامل أيه ؟

وماهو موقف المكنه من زيت التزييت .........الزيت ثابت ولا بينقص .........؟

وطلمبة البنزين .....أعتقد عندك وعن الدكتور / مصطفى ( كهربيه ) .........؟

ياريت تجاوبنى على الأسئله دى أولا

علشان نفكر فى حل مناسب

وطبعا لايفوتنى شكرك العميق على زوقك يا أستاذ : أيمن

رد: لازم ادوس سنه بنزين
 

اشكرك جدا لسرعة اهتمامك بالرد
معلش انا على قدى فى المصطلحات
يعنى ايه مشعر بنزين؟؟؟ لو قصد حضرتك دايس سنة بنزين يبقى مش فاكر لان المفروض لما بمشى فى الزحمة وكل شوية بقف ادوس دبرياج عشان العربية ماتبطلش لانى كل شوية هقف واطلع وهكذا بس انا عملت حسابى بعد كده (بديهى) انى لما ادوس دبرياج لو كنت هقف او امشى بالراحة خالص انى ادوس سنة بنزين صغيرة على غير المعتاد عشان ماتبطلش لو قصد حضرتك ان ده تشعير البنزين يبقى عملته بس مش فى وقتها

ايوه ايه بقى السلانسية ده ؟؟؟ عدد لفات الموتور والغربية واقفة تقريبا 5 او اقل وعلى الاول الهادى بتبقى حوالى من 10 الى 15 (يعنى ايه سلانسية؟؟؟) انا برضه غشيم

طبعا ماكشفتش ع البوجيهات لانى ماعرفش بيتكشف عليها ازاى وزى ما ذكرت لحضرتك البوجيهات نوعها جيد وجديدة كنت جايب الاربعة بـ 60ج

الزيت لسة مغيرة من حوالى 400 كم والحمد لله مابتاكلش زيت وتمام

طرمبة البنزين كانت فى الاول خالص(بعد ما اشتريت بكام يوم ) بايظة وغيرتها يعنى الطرمبة جديدة وسليمة

وطبعا فى النهاية انا اللى بشكر حضرتك للمرة التانية وهفضل اتشكرلك دايما حتى بدون اسئلة

ملحوظة الكربراتير هوه هوه نفس اللى فى الصورة بتاع tegani لانها نفس العربية
ROSE4UROSE4UROSE4U

رد: لازم ادوس سنه بنزين
 

عادى مفيش مشاكل

نبسط المصطلحات مع بعض

زى ما أنت بتقول ....محمل رجلك على دواسة البنزين

سلانسيه

كلمه معربه من الكلمه الأنجليزيه SILANCE أى السكون

والسكون بالنسبه لمكنة السياره معروف ( عدم حركتها )

وعدم حركتها ...........يعنى المحرك دائر والسياره مموره

وبتسمى هذه الحاله للمكنه

حالة الخمول للسرعه idle speed

يعنى مفيش قدره مأخوذه من المكنه ( لأن السياره واقفه )

عاوزك تفهمنى دى شويه

فهل عدد لفات المكنه ( على السلانسيه )

بيكون ساعات 500 لفه / دقيقه

وهل بتلاحظ رجه ورعشه للمكنه فى الأحوال دى

رد: لازم ادوس سنه بنزين
 

والله مش قادر احكم على حكاية الرجة بس نادرا لما بحس ان الموتور عالى او بيتهز وهى ع السلانسية
انا لاحظت امبارح انى لما اجى ادخل على مطب واهدى السرعة من الثالث للتانى واول ما اعدى المطب(ونا على التانى الهادى) ممكن مش دايما تبطل لكن مابتبطلش وانا مشعر بنزين
روحت لميكنيكى تعبان عندنا طبعا قعد يكارك بنزين لغاية ما البنزين خرج حوالين الكربراتير وشال العمة وقالى: (مالهاش لازمة شيلها وابقى حط نقطتين بنزين فى الكربراتير ودور عشان فى كاوتشة بتسرب وكاوتشة مسدودة) ده اللى قالهولى وعلى قد مانا مش بفهم فى العربيات الا انى حسيت انه هوه اللى مش فاهم او مش عايز يشتغل
الخلاصة ايه العمل دلوقتى

رد: لازم ادوس سنه بنزين
 

اللى لاحظتة ان عداد PRM بيكون على 5 فى السلانسية ولما بشد الشفاط بيبقى على 8 او 10
نقطة الرعشة او الرجه بلاحظها احيانا مش دايما
واخدت بالى ان العربية بتبطل ع التانى وانا مش مشعر بنزين وتلقائيا بقيت ادوس سنة بنزين لما اجى على الغيار التانى وبالخصوص وانا طالع من مطب

ده اللى لاحظتة