رد: مشكله رعشه في السلانسيه ومش لاقي لها حل ....ارجو المساعده
 

المشكله دي والعربيه بارده بس لما بتسخن كويس .... مش هقولك بتروح لكن بتبقي بسيطه يعني ترتيله بسيطه كده مش رجه منتظمه زي وهيا بارده

رد: مشكله رعشه في السلانسيه ومش لاقي لها حل ....ارجو المساعده
 

باش مهندس سمير ايه اخبارك ؟

الرشاش طلع برىء الحمد لله
لو تفتكر ان آخر تجربه لينا حطينا الرشاش رقم ٢ ( البوجيه اللي بيهبب ) في رقم ١ والعكس
النتيجه ان البوجيه رقم ٢ ( اللي كل مره بيهبب ) هبب برده

اعتقد كدا الرشاش سليم
يبقي انا قدامي حل من اتنين يالبوجيه نفسه تعبان يا اما خرج البوبينه تعبان

وانا وديت البوجيه التعبان لرقم ١ وحطيت في رقم ٢ واحد سليم
يبقي كده لو البوجيه التعبان هبب برده يبقي العيب منه
لو السليم هبب في رقم ٢ يبقي خرج البوبينه وحش

صح كده ولا ايه ؟؟

وليا سؤال ازاي اقيس خرج البوبينه واتأكد اذا كان سليم ولا لأ ؟؟ هل الكهربائي ممكن يقيسها ؟


ويا رب تكون البوجيهات نغيرها وخلاص وربنا يستر

رد: مشكله رعشه في السلانسيه ومش لاقي لها حل ....ارجو المساعده
 

تمام

وبكده الرشاشات زى الفل

_______________

وعلشان نمشى للنهايه صح وندفع فلوس فى مكانها الصح ( مثلما تريد )

ركب طقم بوجيهات جديد

وكل حاجه فى مكانها ( رشاشات وسوست )

لقينا البوجيه الخاص بالغرفه 2 ( الجديد )

لسه بيهبب عن أخواته

يبقى

وجب تغيير البوبينا

أن أردنا التخلص من هذا العيب الخبيث

رد: مشكله رعشه في السلانسيه ومش لاقي لها حل ....ارجو المساعده
 

الغريب فى كلامك هذا

أن المفروض العكس ( لو كانت البوبينا معطوبه )

تظهر المشكله مع السخونه وتتلاشى مع البروده

وكده أنا بدأت تقريبا

أقتنع بأن العيب

بوجيهات وليس بوبينا

رد: مشكله رعشه في السلانسيه ومش لاقي لها حل ....ارجو المساعده
 

هو الموضوع ده خلص على ايع يا استاذ سمير
لان ده العيب اللى عندى
رعشه على السلانسيه وبوجيهات مهببه
ياترى هو غير بوبينا ولا ايه؟

رد: مشكله رعشه في السلانسيه ومش لاقي لها حل ....ارجو المساعده
 

صاحب الموضوع لو للسه بيدخل يفيدنا

رد: مشكله رعشه في السلانسيه ومش لاقي لها حل ....ارجو المساعده
 

باشمهندس سمير ربنا يباركلك بصراحة مجهود واهتمام رائع وسريع .
الموضوع شدنى جدا وتابعته لما لقيت اصرارك على اكتشاف العيب وانت بصراحة ماقصرتش خالص وربنا يجعله فى ميزان حسناتك ويطمنا على الاستاذ عمرو صاحب المشكلة لعل المانع من دخوله خير ان شاء الله.


انا حقيقى مبسوط لأنى معاكم هنا فى المنتدى الجميل ده واللى كله فوائد لما تصفحت بعض صفحاته سريعاً.
ثانياً:المشكله اللى عندى واتمنى من الخبراء مساعدتى
عربيتى اكسنت اوتوماتيك 1500cc موديل 2000 مشتريها من من 3 شهور وهى ماشية زى الفل بس بقالها حوالى اسبوع بتبطل فى السلانسيه بعد ما بتحرك بيها بحوالى 30 دقيقة علماً بان:-
1- عملت سيرفس كامل اول ما اشتريتها ( سيور وفلاتر وزيوت)
2- غيرت غطاء التاكيهات مع الجوان
3- تنظيف الانجكشن .
ولما بدأت العربية تبطل فى السلانسية من اسبوع بس رحت عند ميكانيكى عمل تنظيف للبوابة ولحساس تانى كده مش فاكر اسمه وقالى جرب كده ولو عملت كده تانى روح عند واحد يحطها على الجهاز وتعرف ايه العيب بالظبط.
طبعا ظهر العيب تانى بعد ما مشيت من عنده علطول قمت رايح عند واحد عنده الجهاز وبعد ما ركب مرتين يفك الوصلة ويعمل ريستارت واخيراً قرأ العربية بس قالى مافيش أى ايرور ظهر على الجهاز، طبعاً طلبت منه يعيد تانى وحصل بس نفس الرد،
سامحونى على الاطالة واتمنى المساعدة من أهل الخبرة.....