رد: إلحقونى يوجد زيت فى قربة المية معقول
 

ذهبت اليوم للميكانيكى وتم عمل الأتى تم تغير وير الدبرياج على الرغم إن الوير كان سليم وتم تغير البيجوهات على الرغم إن البيجوهات القديمة سليمة وتم ضبط التيكهات ووطى الدبرياج وقلى جرب وشوف وكانت النتيجة بعد الشغل دة إن سحب السيارةأصبح بطىء واقصى سرعة كانت 120 بالعافية حتى كنت دايس على دواسة البنزين على الأخر والمشكلة السابقة كما هى رعشة فى السرنسية وصوت المحرك غير منتظم وبتنتش وبتسقف كما هى ورجعت له وقالى لازم نفك ونشيك على الشغل إللى إتعمل عند الميكانيكى إللى عمل وش السلندر ونراجع على التقسيمة وربنا يستر وما باليد حيلة وبصراحة أنا أحترت وأصبح تفكيرى مشلول ومش عارف أعمل أية غير إنى أسمع كلامة وأدينى ورا الكداب للأخر يمكن يوصل لحل المشكلة التى حدثت بسبب وش السلندر وحسبى الله ونعم الوكيل 0

رد: إلحقونى يوجد زيت فى قربة المية معقول
 

هى العربيه عامله كام ألف كيلو معاك

وهل سبق لك وعمرت الدبرياج

رد: إلحقونى يوجد زيت فى قربة المية معقول
 

ناخد الموضوع ده معانا كمان بالمره يا أخ : محمد

لأن واضح أنهم قالولك أن مشكلة الرعشه قادمه من المانيفولد

http://www.masrmotors.com/vb/showthread.php?t=37682

رد: إلحقونى يوجد زيت فى قربة المية معقول
 

العربية عاملة 106500 ك وغيرت ديسك وأسطوانة من سنة تقريبا ودى أول مرة أعمل ليها وش سلندر وأول مرة الموتور يتحل

رد: إلحقونى يوجد زيت فى قربة المية معقول
 

أشكرك على إهتمامك

رد: إلحقونى يوجد زيت فى قربة المية معقول
 

أنت شوفته وهو بيظبط التاكيهات قدامك

وياريت تدينا فكره ظبطها أزاى

لأن أنا عارف أن الدايو ملهاش ظبطة تاكيهات

إلا أذا كانت الماتيز نوع تاكيهاتها مختلف عن الانوس والنوبيرا ( يبقى ماشى الحال )

وهل كشفت كمبيوتر وهل كشفت على وضع قرص البوابه ولقيته قافل كويس

والمكنه مبطله وأنت فاصل خرطوم الهواء القادم من فلتر الهواء لزور البوابه

رد: إلحقونى يوجد زيت فى قربة المية معقول
 

كشف كمبيوتر وحسب ماقالى إن الجهاز لم يسجل أى أعطال وبالنسبة لضبط التيكهات كان شغال ومعاة سلسلة بها شرائح معدنية وكان بيضبط بيها طبعا بعد ما فك غطا التيكهات وبالنسبة للبوابة بصراحة ما أخدتش بالى ولكن بكرة أشوفها وأقولك
وشكرا مرة ثانية على الأهتمام