|
رد: أي مقارنه شامله تحتاجها أسأل أحمد سالم.
اقتباس:
صدقاً وحقاً مقارنة هايلة وهادئة ومتميزة وبعيدة عن الميل الشخصى منك أعطيت كل سيارة حقها فى المميزات والعيوب بجد .. بجد ... بجد تسلم أيدك وكان عندى سؤال أخير يشاع كثيراً فكرة أن الچنط الـ 17 فى السيراتو غير عملى بالمره وغير مريح فى القيادة ويُشعرك بالمطبات جداً وبنشوفية العفشة ودبدبة المساعدين فهل هذا الكلام صحيح ؟ أم ان العيب فى شوارعنا ؟ |
رد: أي مقارنه شامله تحتاجها أسأل أحمد سالم.
استاذ احمد طبعا اولا اشكرك على موضوعك الجميل و على افادتك للاخوة اعضاء المنتدى
ثانيا كنت عايز اعرف من حضرتك 1- الاوبترا الصنى اللانسر مين الاحسن 2- الجراند شيروكى موديل اواخر التسعينات ايه راى حضرتك فيها وانا كشاب لو اشتريتها هل هتتعبنى كمصاريف ولا هى عربية اعطالها قليلة وياريت لو حضرتك تعرف سعرها فالسوق كام وفيه ناس قالولى انها غول بنزين يعنى تقريبا بتستهلك قد ايه لكل 100 كيلو واكون شاكر جدا لحضرتك |
رد: أي مقارنه شامله تحتاجها أسأل أحمد سالم.
لو ممكن رأيك يا استاذ احمد .....
شوف حضرتك الموضوع دا : http://www.masrmotors.com/vb/showthread.php?t=29072 |
رد: أي مقارنه شامله تحتاجها أسأل أحمد سالم.
اقتباس:
الكارينز سياره عائليه و عمليه من الدرجه الاولى و سعرها منافس جدا 100 الف جنيه فول اوبشن و المحرك هو نفس محرك السيراتو 1600 سي سي 124 حصانا الصفقه رابحه من وجه نظري |
رد: أي مقارنه شامله تحتاجها أسأل أحمد سالم.
اقتباس:
أنا مش هطول عليك حديك المفيد بدون لف و دوران كتير التيدا سياره هايله بكل المقايس بس اعاده البيع زي ما ناس كتير قالو بالنسبه للانسر مع اختلاف الاراء لا يختلف احد على ان الانسر سياره اثبتت نفسها لكن 1- السياره ليست بجوده التويوتا و عفشتها طبيعيه يعني مش سوبر عفشه موتور الانسر حاليا يعتبر من الحركات العاديه ليس جبارا و مشكلتي ليست في الشكل و لكن في التكنولوجيا و بعدين كفانا من مبدأ هذا ما وجدنا عليه ابائنا السوق تغير و الخاريطه العالميه تتغير و الكوري ليس لانوس و فرنا الان مع العلم والدي يملك السيارتان لانسر 2008 1600 سي سي فول اوبشن اوتوماتيك و السيراتو اللى حقلك في كلمه واحده سياره تكنولوجيا احدث و واخده مراكز على مستوى العالم اعاده سعر بيع هايله لانها مطلوبه و قطع غيار اصبحت موجوده و اسأل و سيبك من كل هذا الهراء و خير دليل التجربه اسرتنا تمتلك سيراتو اس اكس جنوط 17 و يمكن ده سبب ان البعض بيقولوا عليها عفشتها ناشفه ولكنها مش بتبوظ بسرعه على الاطلاق و سعرها 116 الف فقط و انصحك ايضا بالالنترا الهاي لاين فتحه سقف 119 الف جنيه كل الامكانيات +سياره ممتازه و فيها الكلام اللى اتقالك على الانسر من اعاده بيعها و توفر قطع الغيار صاخبي معاه هاي لاين و عمل بيها حدثه طلع فوق حجر وقع من لوري و غير الجير بوكس كله بره التوكيل و السياره فعلا سليمه و اداءها كويس مما يدل على ان برده الناس حفظته دي نتيجه من غير مقارنات فنيه معقده لانك اتهريت اراء و لكن نصيحتي جرب و سوق |
رد: أي مقارنه شامله تحتاجها أسأل أحمد سالم.
اقتباس:
الويترا سياره تكنولوجيا قديمه نوعا ما 106 حصان و 150 نيوتن متر نوعا ما فقيره من الداخل السياره في المجمل لا تساوي القيمه المدفوعه فيه لانه تطورت تطورا طفيفا عن النوبيرا مجرد علامه موضوعه على سياره دايو قديمه مع احترامي لتاريخ الدايو اما الصني فعن تجربه هي سياره جميله موتور قوي جدا 118 حصانا مع عزم يزيد قليلا عن 150 نيوتن متر و لكن المشكله الاساسيه هي تقفيل السياره فستعاني من مشاكل جهاو الانذار,الزجاج الهربائي بعض من الكماليات لكن السياره كميكانيكا هايله و السياره من الداخل معقوله جدا من وجه نظري احسن من الاوبترا لكن من عيوبها قربها من سطح الارض ان كنت تسكن في مكان تكثر فيه المقبات الصناعيه:HAPPY_~211: الانسر سياره تتفوق على الصني في التقفيل فهو انضف بكتير ولكن يبقى عندي ملحوظات على العفشه التي لا ترتقي الى اداء الياباني المعهود + ضعف محركها مقارنه بال1600 2- الجراند شيركي موديل التسعينات هي سياره 4000 سي سي أو 99 5000 سي سي 8 سليندر لا نقاش في استهلاك البنزين قطع غيار زفت + غير متوفره بالمره سعر ما بعد البيع واضح مش محتاج اتكلم فيه والا مكنتش وضعتها في المقارنه مع سيارات ثمنها في حدود ال 100 الف ابعدددددددد |
رد: أي مقارنه شامله تحتاجها أسأل أحمد سالم.
اقتباس:
الرد على اول سؤال انا حختار الالنترا و حتنازل عن جمال السيراتو الداخلي مقابل فرق السعر لصالحي و حركب الفئه المانيوال 94 الف جنيه فتحه سقف و فول اوبشن بالنسبه للجنوظ مما لا شك فيه ان شوارعنا زفت و طبعا معروف ان هناك علاقه عكسيه بين حجم الجنط و راحه الراكب و علاقه ترضيه بين قطر الجنطو ثبات السياره السيراتو مشكلتها انها بحاجه للجنط ال 17 لان ادائها بال 15 و ال 16 مش اد كده في السرعات العالبه و في نفس الوقت العفشه رياضيه يعني مش عايزه ارض زراعيه تمشي فيها فاءما ان تستغني عن الاداء الرياضي مقابل الراحه او الراحه مقابل الثبات |
| الساعة الآن 05:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017