مصر موتورز مجتمع السيارات - فلتر الهواء الرياضى, كمان وكمان.

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - فلتر الهواء الرياضى, كمان وكمان. (https://www.masrmotors.com/vb/showthread.php?t=26135)

رد: فلتر الهواء الرياضى, كمان وكمان.

طيب يا باشا أنا عندى فى الأبيزا 2002 أثنين فلتر هواء واحد عادى وتوئمة بس علية زيت وهما موجودين داخل الوش البلاستيك اللى فوق الموتوروأنا لما نظفتهم حسيت بفرق كبيرجدا فى السحب وفى أداء العربية السؤال بقى أزاى أركب الفلتر الرياضى اللى هو المخروطى مع العلم أن الوش البلاستيك بتاع الموتور فية فتحة بتركب على بوابة الهواء يعنى لازم يكون موجود وكمان فى خراطيم هواء خارجة منة ورايحة للموتور يعنى من الاخر كدة الوش البلاستيك دة مش منظر وبس لئة دة مسئول عن دخول الهواء الى الموتور يبقى أركب الفلتر فين أنا مش عارف ؟
طيب هو ينفع أشيل الفلاتر الاصلية اللى هى جوة الوش وأركب الفلتر الرياضى من برة وأوصلة بفتحة الهواء اللى فى طرف الوش ؟
يارب تكون فهمتنى علشان أنا نفسى تهت وأنا بكتب بس مش عارف أشرح غير كدة .

رد: فلتر الهواء الرياضى, كمان وكمان.

اقتباس:

المشاركة الأصلية كتبت بواسطة Diller (المشاركة 256709)

موضوع فوق الممتاز واكيد من شخص متميز
انا عندى عربيه جولف موديل 89 كاربرتير يا ترى اقدر اركب عليها ايه احسن
ومين يفيدنى فعلا هل الميكانيكى يفهم فى الكلام ده وله هيقولى على اى حاجه يركبها وخلاص ؟

ربنا يخليك ياباشا معلش أتأخرت عليك, الكاربراتير بيركب عليه فلتر مدور مش مخروطى, بيبقى زى فلتر الكاربراتير الأصلى بالظبط بي بس بيحسن مرور الهواء وبيسهل دخوله للموتور, فبيدى زيادة بسيطة فى الأداء لكن مبيديش صوت مميز.

الفلتر ده موجود فى الحرفيين, بس مش كتيروغالبا بيبقى مضروب, وممكن لو عايز من الأخر تروح عند حد بتاع تعديل زى عادل وجدى أو tps وهتلاقى عندهم فلاتر k&n أصلية.

الميكانيكية للأسف أغلبهم حافظين مش فاهمين:), وممكن يفتى فى أى حاجة ميعرفهاش, وأسأل الميكانيكى ياباشا ممكن يكون عارف معلومة من هنا ولا من هنا, ربنا يكرمك بميكانيكى فاهم.

اقتباس:

المشاركة الأصلية كتبت بواسطة السيد العيسوى (المشاركة 233325)

شكرا انجكشن0000

العفو ياباشا, شرفت الموضوع.

اقتباس:

المشاركة الأصلية كتبت بواسطة zoomaa2007@maktoob.com (المشاركة 263958)

طيب يا باشا أنا عندى فى الأبيزا 2002 أثنين فلتر هواء واحد عادى وتوئمة بس علية زيت وهما موجودين داخل الوش البلاستيك اللى فوق الموتوروأنا لما نظفتهم حسيت بفرق كبيرجدا فى السحب وفى أداء العربية السؤال بقى أزاى أركب الفلتر الرياضى اللى هو المخروطى مع العلم أن الوش البلاستيك بتاع الموتور فية فتحة بتركب على بوابة الهواء يعنى لازم يكون موجود وكمان فى خراطيم هواء خارجة منة ورايحة للموتور يعنى من الاخر كدة الوش البلاستيك دة مش منظر وبس لئة دة مسئول عن دخول الهواء الى الموتور يبقى أركب الفلتر فين أنا مش عارف ؟
طيب هو ينفع أشيل الفلاتر الاصلية اللى هى جوة الوش وأركب الفلتر الرياضى من برة وأوصلة بفتحة الهواء اللى فى طرف الوش ؟
يارب تكون فهمتنى علشان أنا نفسى تهت وأنا بكتب بس مش عارف أشرح غير كدة .

والله أنا كمان تهت ياباشا:), بس مش مشكلة, أنا دورت على صورة موتور الأبيزا ال 2002 ولقيت دى

http://carphotos.cardomain.com/ride_...0006_large.jpg
ودى
http://img225.imageshack.us/i/image2ir.jpg/http://img225.imageshack.us/img225/3246/image2ir.jpg
وكمان دى
http://carphotos.cardomain.com/ride_...0022_large.jpg
http://carphotos.cardomain.com/ride_...0029_large.jpg

دول اللى طلعت بيهم من النت, أنت ياباشا علشان تركب فلتر مخروطى فيه طرق كتير جدا, أشهرها وأبسطها أنك بتخلع صندوق الفلتر الأصلى وتركب الفلتر المخروطى على الموتور, زى الصورة اللى فيها الفلتر البمبى والأزرق (ده معدل فى المواسير كلها أصلا:)), المشكلة فى الطريقة دى أن فى عربيات بتبقى الحساسات فيها متركبة على علبة الفلتر مش الخرطوم بتاعه, ودى عقبة يمكن تجاوزها بأى أفتكاسة.

وطريقة الماسورة الحديد زى أول صورة, هو شال كل حاجة (علبة الفلتر بالفلتر بالخرطوم الأسود اللى واصل للموتور) وركب الفلتر الجديد بالماسورة الأستانلس, والماسورة فيها لخرطوم الفاكيوم اللى كان راكب على الماسورة السودة القديمة, والماسورة اللى بتلمع دى هو ماددها لتحت حوض الموتور علشان تدخل هواء ساقع للفلتر.

أنا حاولت أفيد حضرتك على قد ماقدر, لوحضرتك عندك صورة لحوض الموتور يبقى كويس قوى, ولو عندك أى أستفسار تانى أنا فى الخدمة.

رد: فلتر الهواء الرياضى, كمان وكمان.

شكرا يا باشا على تعبك معايا والفكرة اللى فى الفلتر البمبى هى اللى كانت فى دماغى معلش يا أنجكشن باشا تعبينك معانا

رد: فلتر الهواء الرياضى, كمان وكمان.

متشكر جدا على المجهود الجامد ده بس كان عندى سؤال اناعربيتى ايبزا 1998 وعدل المتور الى 1800سىسى هاف انجكشن فهل من الممكن تركيب فلتر هواء واى نوع افل للعربيه؟؟؟؟؟؟؟

رد: فلتر الهواء الرياضى, كمان وكمان.

(what)4BANAA7TG(ص)Y44BY44 BY44BY4GIFT4U

رد: فلتر الهواء الرياضى, كمان وكمان.

معلش ياباشا أتأخرت عليك سامحنى, ظروف والله.

ال single point injection أو الهاف أنجكشن نظام نادر فى مصر حبتين, وفى العالم كله كمان, بس عامة طريقة دخول الهواء للنظام بتختلف, فيه أنظمة الفلتر فيها عادى زى الأنجكشن ودى يركب عليها الفلتر المخروطى.

http://img255.imageshack.us/img255/7066/951512fm0.jpg
http://www.metropower.org.uk/media/g...1.4_john/2.jpg

الفلتر هيركب مكان الصندوق الأسود على الشمال, أو على الخرطوم الأسود اللى خارج من مدخل الهواء للموتور بدل الفلتر القديم.

وأنظمة تانية الفلتر فيها فى العمة, ودى الفلتر الرياضى بتاعها من الحرفيين, ومش هيفرق فى الصوت كتير وهيبقى زى الفلتر الأصلى وممكن يفرق فى الأداء حبتين.

http://www.dnspares.co.uk/images/fie...i%20engine.jpg

وأنظمة تانية غريبة شوية, وأنا بصراحة مش عارف أيه اللى يركب, بس غالبا هيبقى فلتر مخروطى (الأسطوانة دى هتتشال, والفلتر يركب على الخرطوم بتاعها, بس ده فتى منى علشان مشفتش الموتور على الواقع :)).

http://i246.photobucket.com/albums/g...APlocation.jpg

فالموضوع كله بيعتمد على موتور حضرتك, لو فلتر بوكس عادى زى الأنجكشن يبقى الفلتر المخروطى هيركب, لو عمة زى الكاربراتير ممكن تركب فلتر كاربراتير, لو فلتر عجيب ومالوش وصف, الموضوع هيعتمد على الخرطوم الخارج منه, هلى هينفع يركب عليه فلتر مخروطى ولا لأ.

أرجو أنى أكون أفدتك ياباشا, وبعتذر على التأخير مرة تانية.

رد: فلتر الهواء الرياضى, كمان وكمان.

يا جماعة انا روحت لى محل وقال ليا سعر الفلتر الى هو مخروطى الصينى 65 ومحل جنبة قال 70 فا قولت لى عاوز اركبة تحت الحوض قالى عادى ..المهم اى مكان فاضى ومش اتكلم على المسورة ولا اى حاجة
فى حاجة تانية ؟ بقولة هو الفلتر دة بيعمل فرق فى السحب؟ قالى مين الى قالك الكلام دة ؟؟ وهو مجرد بيعمل صوت بس ومش بيدى اى ختلاف فى الاداء زى ما الناس بتقول وكل واحد بيوهم نفسة ؟؟ وقولت لى على k.n قالى دة ممكن بيكون بيدى اداء احسن بس انا مش سمعت عنوا وهو مش عندى ؟
فا انا الصوت مش مهم اوووى بالنسبة ليا انا عاوز الاداء ؟ فاهل الصينى والامريكى صوت فقط ولا فى صينى نزل صوت بس ؟ وهل الكلام دة صح ولا خطاء ؟

وياريت حد فاهم ياجماعة يرد عليا ؟؟؟