|
رد: أسوأ شخص فى مصر لعام 2009
اقتباس:
اقتباس:
اقتباس:
أستاذ ابراهيم مع احترامى الشديد لحضرتك واعتزازى لك بعد مقابلتك الشهر الماضى بس اسمحلى أقول لك " على النعمه مافهمت من الكلام ده حاجه " !!! Dr. Bolbolan ptmnlo123per1127 |
رد: أسوأ شخص فى مصر لعام 2009
أنا مع الدكتور يوسف بطرس غالى فى أنه يحاول أن يحسن من إقتصاد البلد فى عصر انهارت فيه إقتصاديات بلاد كثيرة والحمد لله أننا ما زلنا بخير ولم نقع مثل بلاد كثيرة ، ولكنى أختلف مع سيادته فى أن يحصل ضرائب على المسكن الذى نعيش فيه مهما كانت قيمته ، هناك أناس إشتروا الشقق التى يعيشون فيها منذ سنوات طويلة بأسعار زهيدة ومع مرور الوقت إرتفعت أثمان هذه الشقق فلا يجب أن نحاسبهم ضريبياً بأسعار الوقت الحالى ، يجب أن يرفع الدكتور يوسف يده عن الشقة السكنية المملوكة للفرد بغرض سكناه ، ولكن إذا كانت له شقة أخرى فى نفس المدينة عندها يطبق عليه القانون
وكل الشكر والتقدير لكل من ساهم فى هذا المعترك ولو بكلمة |
رد: أسوأ شخص فى مصر لعام 2009
مع احترامى لرأى جميع الأخوة وأعتز جدا برأى الدكتور عبد السلام هل من المنطق والعدل أنى أدفع ضريبة على الشقة التى أسكن فيها؟ لو قدر ثمنها بـ 600 الف مثلا؟ وفى نفس الوقت لو هناك من يمتلك 4 أو 5 شقق ثمن كلا منها أقل من نصف مليون لايدفع ضرائب!!! فى بعض الدول يتم تحصيل الضرائب لمن يمتلك أكثر من عقار ويدفع على العقار الزيادة فقط . والأخ المحترم ابراهيم يقول " عهد بناء تخيل وانظر لما تم فى مصر من بناء ومشاريع" ، فى أى دولة هناك مشاريع ولكن الفرق أن نمو مشاريعنا بطئ جدا جدا, مع عدم تمكننا حتى الآن باللحاق بدول كثيرة بدأت معنا أو بعد منا، فأين الصحة؟ وأين التعليم؟ وأين النظافة؟ كل ذلك ندفع له الضرائب ولكن أى المردود؟ فهل لك يا سيدى أن ترد على ابنى الصغير؟ أحيانا يسافر معى الى دول عديدة ويسألنى!! لماذا مصر مش نظيفة مثل تلك الدول؟؟ لماذا لايوجد نظام ولا أى ملامح جمالية فى مصر مثل أى دولة آخرى؟؟ هل لك يا سيدى أن ترد بالمنطق على طفلى الصغير؟ |
رد: أسوأ شخص فى مصر لعام 2009
بصراحة الموضوع بقى ملخبط خالص ومحتاج اعادة نظر فى اكثر من جانب
مبدئياً بالنسبة لما جاء فى مشاركة الاستاذ شادى من تعدى على عضو اخر فسيتم اتخاذ الاجراء الادارى وفقاً لقوانين المنتدى . وقبل اى حاجة بشكر الدكتور تامر على فتح الموضوع والشكر موصول لكل المشاركين على اثراء الموضوع بالاراء القيمة بالنسبة للموضوع فانا شايفه من اكثر من زاوية اولاً كما ذكر استاذ شادى ان منظومة الضرائب اعادت جدار الثقة بين الممول والمحصل وانا اسأل منين تيجى الثقة ؟ الثقة تيجى لما الممول يبقى عارف ان اللى بيدفعه بيروح لمن يستحق يعنى انا بدفع ضرائب معقولة قدام خدمات ملموسة حضرتك بتقول " الدولة بتاخد منك عشان تصرف عليك امن و دفاع مدني و صحة و تعليم وكل شيء" امن يعنى ميبقاش فيه امين شرطة ياخد منك خمسين جنية علشان يعملك محضر زى الناس ومبيقاش فى حرامية وبلطجية فى كل حتة وكل مكان ومبيقاش فيه تجارة مخدرات فى كل حتة وعلى مرائى ومسمع واحيانا دعم من الشرطة امن يعنى مفيش اسرائيل ويعنى عندك منظومة تسليح حقيقية فين الامن ده ؟ دفاع مدنى ؟ يبقى حضرتك مشوفتش ومسمعتش كم الحرائق اللى حصلت فى السنة اللى فاتت بس ومتابعتش اداء الدفاع المدنى المخزى فيها فضلا عن كارثة الدويقة اللى الدفاع المدنى معرفش يطلع جثث الناس من تحت الصخرة لحد ما تعفنت صحة ؟ يبقى حضرتك متعرفش اننا بقينا من اكتر الدول الموبوئه فى العالم مابين كل انواع الانفلونزا طيور وخنازير الى امراض الكبد والدم والايدز لسرطانات والقائمة طويلة ممكن الدكاترة يفيدونا فيها اكتر ده غير مصايب التامين الصحى والمشتشفيات الحكومية وفضائح سرقة الاعضاء وكوارث المستشفيات الخاصة والاستثمارية تعليم ؟ الحمد لله مفيش برضو لا تعليم ولا تثقيف ولا تربية وزى ماقال دكتور عبد السلام اصلاً كل الخدمات ديه مدفوعة الاجر يعنى انا بدفع للتعليم وللصحة وللمواصلات والكهرباء والمية والتليفون وكل حاجة ايه اللى عليه دعم ؟ العيش اللى محدش بيلاقيه ولا بياكله اصلاً ولا المستشفيات الحكومية اللى محدش يقدر يهوب جمبها ولا مدارس الحكومة اللى بتخيب مش بتعلم ولا ايه ؟ انت عارف ايه الحاجة اللى عليها دعم فعلاً الغاز اللى بنوديه لاسرائيل انا عايز اعرف فين جدار الثقة ده بقى اذا كنت مش حاسس بقيمة اى خدمة باخودها فى مقابل الضرائب ديه ؟ ينفع اتنازلك عن كل الخدمات ديه فى مقابل انى مدفعش ضرائب ؟؟ ينفع اشترى عربية بضرائب هى الاولى من نوعها فى العالم كله فى مقابل الشوارع اللى زى الزفت ديه وخدمات المرور اللى تخرج الواحد من هدومة طبعاً مفيش ثقة ولا فيه اقتناع بس بدام بقى فيها حبس يبقى لازم ندفع اما الضريبة العقارية فعلشان نناقشها لازم نرجع سنتين ورا لما الحكومة باعت اجزاء كبيرة من الاراضى لمستثمرين اجانب وسهلت للاجانب عامة شراء الشقق والاراضى فزادت اسعار الاراضى والشقق اضعاف مضاعفة تمهيداً للقانون ودلوقتى بيستكملو اللعبة وده اللى فات واللى جاى لسه لان الاسعار بايديهم وممكن تانى برضو بين يوم وليلة تلاقى العقار بتاعك دخل فى الشريحة المفتكسة وده اكيد هيحصل لان كل حاجة بتزيد وبس ما عدا قيمة الجنية هو ده بقى تحسين وتحرير الاقتصاد !!؟ وبعدين انا بتفرس بصراحة لما بسمع الناس بتردد الكلام الحكومى بتاع الازمة العالمية اللى احنا متأثرناش بيها الحمد لله والدنيا كلها مش لاقيه تاكول واحنا اخر حلاوة وبشبشه والفلوس مش عارفين نوديها فين احنا اتأثرنا بالازمة طبعاً والحال مازال زى الزفت سواء فى البورصة او فى القطاع العقارى والقطاع الائتمانى والسوق عامة هو احنا لازم تحصل مجاعة علشان يبقى اتأثرنا هو كان حصل مجاعة فى امريكا ولا اوربا ولا اسيا يعم وصلنا لدخل ورفاهية الناس بره وبعدين دخلنا فى ازمة زيهم برضو انا موافق بصراحة الموضوع الكلام فيه بيعصب والواحد مش قادر يتكلم بالمنطق بدون انفعال فرحانين بجابى ضرائب شاطر ويقولك ده حرر الاقتصاد ونعنش البلد يا سلام امال اللى بيوفر ويدبر ويحاسب الكبار يبقى ايه لاء يا سيدى انا عايز الاقتصاد يبقى مقيد والبلد تبقى متخلفة بس رخص الزيت والسكر اللى زادو اضعاف مضاعفة من ساعة ما ممسكت ptmnlo123per1106 |
رد: أسوأ شخص فى مصر لعام 2009
السلام عليكم ورحمة الله
أنا عادة مش بحب أشارك بس بحب أشوف المواضيع اللى فعلا مفيدة وأنا باستفيد جدا من المنتدى والناس المحترمة اللى بتحط المواضيع بس الموضوع مستفز فعلا وأنا مع أبو نورا فى كل اللى قاله |
رد: أسوأ شخص فى مصر لعام 2009
يا سلام عليك يا وائل
ابو نورا جمع الكلام من على طرف لسانى فين الخدمة اللى باخدها مقابل كل هذه الضرائب ptmnlo123per195 تحياتى للجميع |
رد: أسوأ شخص فى مصر لعام 2009
اقتباس:
فى ذكرى لان الزكاه فى الاسلام نص العشر اى 5% مع زكر كلمة ( تقريبا ) كان قصدى ان الزكاة مش موحده فزكاة الفطر غير زكاة الزروع غير زكاة المال غير زكاة التجاره وتتفاوت النسبه فى الزكاه من وضع لاخر فلما قلت 5% تقريبا كنت حابب احط قيمه نسبيه تقريبيه لاجعل منها شاهد على فكرتى والتى هى ان قيمة الزكاة والتى هى اقل من قيمة الضرائب بمراحل كانت لعدالة التوزيع تفى بالغرض واكثر...هذا والله اعلم ... وذلك مع حبى واحترامى لردكم المفيد ولشخصكم الكريم . |
| الساعة الآن 02:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017