رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

انا رايى الفيرنا مناسبة لظروفك . ما تحملش نفسك مصاريف زيادة خاصة انك حاتستلف . بلاش ديون ياما على العربية صدقنى حاتتخنق منها قبل اول 10000 ك .
الفيرنا عملية و حمالة اسية و متجربة . و كمان انت حاتبيع انا شايف الفيرنا سوقها احسن و بتتباع بسهولة .
و فى حاجة تانية النيو اكسنت نازل لها هى و الالنترا اشكال جديدة 2011 .
خليك فى الفيرنا و بعد 3 سنين انشاء الله بيع و غير للاشكال الجديدة .
و ربنا يباركلك فى للى حاتشترية

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

انا جبت تيل فرامل كورى للفيرنا من 4 شهور ب 45 جنية

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

ط§ظ„ظ†ظٹظˆ ط£ظƒط³ظ†طھ ظ…ط¹ط§ظٹط§ ظˆط§ظ„ط*ظ…ط¯ ظ„ظ„ظ‡ ظ…ط±ظٹط*ط§ظ†ظ‰ ط¬ط¯ط§

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

طبعا الموضوع يحتاج الى بحث ولكنى انا مشكورا قمت بالبحث والفحص والتمحيص وقد شكلت لجنة فرعية ايضاً لدراسة موضوعك وقد اخذت اللجنة الفرعية على عاتقها حل موضوعك وكونت لجنة منبثقة لسرعة الفحص والتمحيص والفحص والرد على اللجنة الفرعية بتقرير مستوفى الشروط وستقوم اللجنة الفرعية بدراسة جوانبة والبت فية ورفعة الينا لكى نصدر قرار بموضوعك وانشاء الله يكون قبل 3 سنين وفوت علينا بكرة يا سيد
اما عن رأيي الشخصى خليك فى التيو اكسنت ولا تنازل
والله الموفق

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

باشا النيو اكسنت حلوة بس عيبها قطع غيارها ......وتخيل ان انا برده محطوط فى نفس الموقف اللى انت فيه بس الفيرنا على قد ايدينا قطع غيار فى الارض عايزها غاز ماشى عايز تمشيها 80 ماشى مش هاتقولك لا من الاخر اقتصادية جدا.....

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

اولا السلام عليكم شوف يا باشا راى بقى بينى و بينك الاتنين غالين بصراحة بس ممكن تشوف كدة نظرة موضوعية
1- انت بتسافر كتير يبقى هات اكسنت لو سفرك قليل يبقى فيرنا
2- هل الطرق فى مصر ينفع نجرى فيها او داخل المدينة فى الاغلب مش هانعدى 70ك بالكتير يبقى فيرنا
3- قوة المتور هاتفرق معيا لما اشغل تكيف فى الحر النتيجة لا يبقى الفيرنا هاتادى الغرض بدون قرف
4- هل الشكل يفرق معاك بصراحة الفيرنا شكلها يعر الاكسنت احلى لو الموضوع عادى يبقى فيرنا لو انا هاتعب نفسيا يبقى الاكسنت
5- الموضوع بعد الى قلناة دة مستاهل انى اداين نفسى بصراحة راحة البال احسن 10000000 مرة من العربية الحلوة خصوصا انا شايف انك لو حسبتها مش هاتفرق بين الاتنين

و ما اتكلمناش بقى فىاسعار قطع الغيار الى غالية على الفاضى و خلاص يبقى خليك فى العادى مادام الامور المادية مش متيسرة اووووى

و احب اقولك انا الفيرنا ممتازة اوووى فى الفئة السعرية دى ماتور قوى شكل ضعيف لكن عربية شغالة و ماتنساش انها تاكسى و مجربة 10000000 مرة و مازات تبيع بالالاف كل عام يعنى سيبك هاتبقى شعبى هية شعبى فعلا الان زيها زى اى عربية بسيطة السعر الاسبرانزا شغالة و الفيرنا شغالة و الbyd كلة شغال

اتوكل على الله و هات فيرنا و ما تستلفش

رد: أجيب فيرنا ولا أزنق نفسي واجيب نيو اكسنت ؟ هل الفرق يستاهل؟
 

انا معنديش فكرة عن اسعار قطع غيار الاكسنت بس الفكرة انها كوري 100%. وانا بشتري عربيتي صاحب المعرض قال ان الفيرنا الاوتوماتيك ناس بتتشتكي منها . وانا عن نفسي ارجح الاكسنت .تكنولوجيا موتور كوري 100% الفرامل احسن كتير من الفيرنا والثبات احس بردة. وممكن تفكر في rio .او تعصر نفسك وتجيب صني