|
رد: ليه الهيونداى ؟؟؟
اه صحيح
ملخص مقاله اوتو بلوج .. او العظه منها ان تويوتا ابتدت تعمل حساب لهيونداي و بتحاول تقتحم السوق الكوري بعربيات تويوتا علشان ميجيش اليوم اللي تلاقي فيه هيونداي تفوقت عليها في المبيعات زي ما حصل مع هوندا ونيسان غررررررريييييييييبببببببب بببه مع ان الكورين نفسهم عارفين ان الياباني احسن منهم ... لكن الظاهر اليابانيين مش واخدين بالهم ptmnlo123per1147 |
رد: ليه الهيونداى ؟؟؟
يا بدر باشا .. لو بنقارن لمجرد المقارنه
يبقى نسيبنا من الكوري و الياباني و الصيني و نقارن بقى مازيراتي مع جاجوار وفيراري مع لامبورجيني لكن المقارنه الحقيقيه بتكون لواحد معاه مبلغ محدد و عايز يجيب بيه احسن حاجه واحسن حاجه دي مش معناها احسن عربيه .. وانما معناها احسن تركيبه او افضل قيمه للمبلغ اللي معاه لكن مع احترامي لحضرتك لو بتقارن العربيات راس براس بغض النظر عن السعر يبقى كلامنا كله حيبقى نظري بحت و نتيجته معروفه مسبقا مش محتاجه اساسا نقاش او حوار |
رد: ليه الهيونداى ؟؟؟
وانا معاك ماهو احنا بنتكلم يافلوس وكده الحوار حسم لانه مافيه مجال للنقاش او بعيدا عن الفلوس ويبقى بنتعلم من بعض حاجات جديدة وبنتكلم كناس مهتمة بمجال العربيات وبنستفيد من بعض وده مهم برضه وانا بجد سعيد بالنقاش معاك يااستاذ سامح انت شخص مميز اوى بجد فرصة وعاوز اقولك على حاجة انا بحب المدرسة الالمانى رقم واحد عندى مش اليابنى فانا مش متعب للمدرسة اليابانى |
رد: ليه الهيونداى ؟؟؟
وانا اسعد بالنقاش مع حضرتك يا استاذ بدر
لاني ببقى سعيد جدا باختلاف وجهات النطر لانها بتضيف ليا معلومات جديده او توضح مفاهيم مختلفه اخر حاجه بس احب اضيفها ... انا كنت من 3 سنين بدور على عربيه في رينج 85 الف زيرو كان قدامي لانسر 1300 و ياريس و ماتريكس اوتوماتيك وبصراجه انا كنت عايزها اوتوماتيك ... واتفرجت كويس عليهم و استقريت على الماتريكس والحمد لله العربيه مريحاني جدا و بتوفر ليا كل متطلباتي من العربيه مش بقوبل ان الماتريكس احسن من الانسر او الياريس لكنها فعلا انسب عربيه ليا في رينج سعرها برغم شكلها الصندوقي الغير عاطفي ... لكن لو بغض النظر عن فرق السعر أكيد حفضل الانسر ... بس ال 1600 :) |
رد: ليه الهيونداى ؟؟؟
اقتباس:
مفيش شركة فى العالم بتعمل خط انتاج مخصص لكل بلد لوحدها, خاصة و اننا سوق صغير, يعنى مستحيل يكون فيه خط انتاج مخصص لمصر فقط كما يحدث مع الولايات المتحدة فقط. أى شركة بتعمل تصميم للمحرك ثم تنزل هذا التصميم على عدة أحجام, و بعدين تدرس كل سوق على حدة و تنزل فيه المحركات المناسبة, فمثلا مصر و الدول النامية للمحركات الصغيرة, الولايات المتحدة محركات كبيرة, اليابان و اوروبا محركات صغيرة الى متوسطة و هكذا. السيارات القديمة بتكون غالبا تجميع خارجى لنفس القطع التى تبقت من خط الانتاج القديم, و بدلا من اعادة تدوير هذه القطع فانه من الأفضل تجميعها فى شكل سيارات و بيعها فى الأسواق النامية, لذا فان البومة الحالية هى هى نفس البومة القديمة, و لكننى لا اعرف هل يتم تجميعها فى اليابان أم خارجها. تويوتا برا هى هى تويوتا هنا, و هيونداى فى امريكا هى هى هيونداى هنا, مع فارق التجميع المصرى فقط, و هو لا يشكل فارقا كبيرا الا فى جودة بعض المكونات البسيطة مثل الزجاج و الكاوتش و هى القطع التى تصنع بمصر. أما بقية السيارة فتأتى فى كراتين من كوريا و كل ما يفعله غبور هو تركيب هذه القطع فى مكانها الصحيح!! لاحظ برضو انو مقياس الاعتمادية يتركز على السنوات الأولى من عمر السيارة, و أى سيارة فى الزمن الحالى لا تتسبب بالعديد من المشاكل فى سنوات عمرها الأولى, سواء كانت كورية أو يابانية أو أوروبية, لكن على المدى الطويل لا تصمد الأسيويات أمام الأعطال و بيتبهدلو بسرعة, العربيات الأسيوية عموما بتقدم بشكل أسرع من الأوروبى و بتفقد رونقها سريعا. |
رد: ليه الهيونداى ؟؟؟
انا مقولتش ان كل شركه بتعمل خطوط انتاج مخصوصه لكل بلد داخل مصانعها
لكن شركات كتيره جدا بتصنع عربيات مخصوصه لبلاد معينه زي الهوندا سيتي فيات سيينا فولكس بوينتر و باراتي تويوتا افانزا موديلات رينو التي تحمل شعارات اخرى بجانب الرينو زي سامسونج و داتشيا نيسان صني الكوري ( مفيش حاجه اسمها صني حاليا في اليابان ) وغالبا الموديلات دي يتم تصنيعها في مصانع غير البلد الام و بالتالي حيبقى في اختلاف في المواصفات و الخامات و الموردين وغالبا بل اكيد بيكون الاختلاف مقصود (ابسط مثال طاره الماتريكس المصري مختلفه عن طاره الماتريكس الاوروبي مع إن الاتنين كوري !!! ونفس الكلام في الاي 30) http://www2.0zz0.com/2009/06/20/21/158256406.jpg جاوبني طيب على السؤال ده ليه الهوندا سيفيك على الموقع الرسمي موتورها 1800 سي سي فقط ومفيش اي ذكر لأي مواتير تانيه و شكلها مختلف عن الهوندا سيفيك اللي في مصر و موتورها 1600 سي سي 1 - غلطه من موقع هوندا .. 2 - نسيو يقولو ان عندهم موتور 1600 3 - عدلو شكل الفوانيس و نسيو يغيرو الصوره ( مع انها في كل الدنيا بنفس الشكل الا في مصر و دول الاغاني الهابطه ) 4 - طلب التوكيل المصري وسبحان الله .. هوندا بتقول ان الموتور ال 1800 140 حصان .. و الفطيم بيقول ان الموتور ال 1600 140 حصان .. بركاتك يا شعبولا وبعدين انت ليه مسكت في الموتور و سبت الفوانيس ؟؟!! http://automobiles.honda.com/civic-sedan/ الصور من الموقع الرسمي http://automobiles.honda.com/images/...ry/gal_lg2.jpg http://automobiles.honda.com/images/...ry/gal_lg3.jpg http://automobiles.honda.com/images/...y/gal_lg16.jpg طيب ده معناه ايه .. ان هوندا بتميز عربيتها اللي بتنزلها للعالم عن عربيتها الموجهه لدول حوض بعرور عبد الرحيم والامثله كتيره :- تويوتا افانزا لا تحمل من تويوتا الا الشعار !!! اي عربيه خليجي بتلاقي مواصفاتها و خاماتها بتختلف عن عربيات التوكيل في مصر واتفرج على كورولا الخليج و الجنوب افريقي ذات الفتيس الخلوزعي المكونات الاساسيه اكيد واحده من حيث التصميم والتصنيع .. خصوصا الكراتين اللي بتيجي مقفوله من المصنع الام لكن حتلاقي الموردين بيخنلفو من بلد للتانيه و بالتالي الخامات و الجوده حتختلف والا تبقى بي ام المصري زي الالماني و البولو الصيني زي البولو الالماني دي حتى الميجان بقت هاتشباك بس و حينزلو السيدان منها بأسم فلونس زي ما رينو عملت في الكليو و السيمبول مع انهم المفروض انهم العربيات السيدان لنفس الموديل الهاتشباك !!! انها العولمه يا صديقي يعني هو سندوتش الفول من جاد اسكندريه زي سندوتش الفول من جاد وسط البلد ... مع انها نفس المكونات... فول و عيش وحبشتكنات!!!! تفتكر لييييييه ؟؟!!!!!!!ptmnlo123per1147 |
رد: ليه الهيونداى ؟؟؟
اقتباس:
اقتباس:
مش حنسى منظر الطوارق و هي بتتحول لكومه خرده !!! وده لأن صيانه عربيه عمرها 10 سنين حيبقى اغلا من شرا عربيه جديده لكن احنا عندنا المستعمل له تمن و بنعيش بالعربيات و نورثها للاولاد ptmnlo123per1147 |
| الساعة الآن 10:10 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017