رد: السيارات الجديده في مصر
 

استاذ بهاء
مقدامكش الا فيات بونتو كلاسيك 1300 سي سي و فيها الكماليات المطلوبه ( اشمعني الكماليات دي مش عاااااارف ؟؟؟؟ ) ب 72000 جنيه صناعه و تقفيل ايطالي عربيه ممتازه بس قطع غيارها غاليه حبتين و لازم تتابع صيانتها في التوكيل
مفيش اي عربيه كويسه ( و ركز علي كلمه كويسه ) هاتش باك بالمبلغ ده لو تعرف تزود شويه ممكن تجيب سكودا فابيا 1400 سي سي كل الكماليات ب 89000 جنيه ( فرق 14000 جنيه )
قدامك هيونداي اي تن او كيا بيكانتو 1100 سي سي ( مينفعوش في السفر ) وكمان عربيات كوري ضعيفه
و كمان قدامك سيريون 1500 سي سي الكماليات المطلوبه اوتوماتيك ب 94000 جنيه
و طالما انت مصمم علي الهاتش باك يبقي دي الاختيارات اللي قدام حضرتك
لو هتزود شويه او تكنسل موضوع الهاتش باك ده هيبقي في اختيارات افضل باذن الله
قرر هتعمل ايه و قولي و لا تنسي صلاه الاستخاره

رد: السيارات الجديده في مصر
 

ميرسي علي المجامله اللطيفه دي ده اقل واجب ممكن نقدر نعمله
ميتسوبيشي لانسر 1600 سي سي مانيوال فول اوبشن ب 106000 جنيه اما الاوتوماتيك ب 111000 جنيه و فيه موديل سبورت ( تقريبا عفشه رياضيه و بفتحه سقف بقول يمكن انا مش متاكد بس دي معني كلمه سبورت ) اوتوماتيك ب 123000 جنيه و طبعا الميتسوبيشي عربيه ممتازه و متجربه بقالها سنين طويله مش محتاجه سؤال ( بس مفيش حاجه كامله الكمال لله و حده عيبها ان الفتيس محتاج رعايه خاصه شويه يعني براحع علي العربيه بس كده ) اما السيراتو حجم اكبر و كماليات اكتر و لكن اعتماديه و اداء اقل و كفايه ان اللانسر ياباني و السيراتو كوري و اظن ان المقارنه محسومه لصالح اللانسر اما موضوع موديلات 2011 هي موديلات 2010 لسه بردت ههههههههههه عشان نسال علي موديلات 2011 علي العموم موديرت 2011 هتنزل في شهر 4 او 5 بالكتير من سنه 2010 ان شاء الله
ارجو ان اكون قد افدتك و لا تنسي صلاه الاستخاره

رد: السيارات الجديده في مصر
 

فين الاسئله يا جماعه ؟؟؟؟؟؟؟؟؟؟؟؟؟

رد: السيارات الجديده في مصر
 

ياريت يااستاذ مادا ترشحلي عربية في حدود الستينات

رد: السيارات الجديده في مصر
 

اولا احيّيك على فكرة الموضوع ونشاطك الملحوظ

بالنسبة للسؤال

بفكر في اوبترا اوتوماتيك

او صني اوتوماتيك

او ياريس اوتوماتيك ايضا

مع العلم كل ىمشاويري داخل القاهرة ويمكن مشوارين او اكثر في الستنة خارج القاهرة

بخبرتك ماذا ترشح لي

يهمنى ان تكون السيارة موتور قوى قليل الاعطال

السحب قوي

تكون عزل الصوت كويس

على فكرة انا معايا تويوتا كريسيدا 91 سيارة ممتازة

لكن عاوز اغير في مصر للاوتوماتيك

شاكر لكم مجهودكم الرائع

ملحوظة هل هناك اختيارات افضل ؟:HAPPY_~211:

رد: السيارات الجديده في مصر
 

هيونداي فيرنا 1600 سي سي مانيوال فول اوبشن ب 68000 جنيه
شيفروليه لانوس 1500 سي سي مانيوال فول اوبشن ب 70000 جنيه
هيونداي اي تن 1100 سي سي مانيوال فول اوبشن ب 64000 جنيه
كيا بيكانتو 1100 سي سي مانيوال فول اوبشن ب 63000 جنيه
فيات بونتو 1300 سي سي مانيوال فول اوبشن ب 70000 جنيه
رينو لوجان 1600 سي سي مانيوال فول اوبشن ب 67000 جنيه

انا مرشحلكش حاجه تانيه لانها هتعدي ال 70000 جنيه و شوف حضرتك استخداماتك ايه

1- لو استخدامك خفيف و ميهمكش الشنطه يبقي خليك في هيونداي اي تن او كيا بيكانتو او فيات بونتو

2- لو مشاويرك طويله و ممكن تسافر و محتاج الشنطه يبقي خليك في هيونداي فيرنا او شيفروليه لانوس او رينو لوجان

في الحاله رقم واحد ارشحلك الهيونداي اي تن ( عشان منتشره اكتر من الكيا بيكانتو و الفيات بونتو اللي محركها اكبر و خاماتها افضل بس توكيلها نايم في الدره و قطع غيارها مش موجوده )

في الحاله رقم اتنين ارشحلك هيونداي فيرنا ( معايا واحده نبيتي ) عشان ارخص من اللانوس مع انهم تقريبا عربيه واحده و محركها افضل من الرينو لوجان اللي قطع غيارها نااااااااااااار و صيانتها صعبه و ارجو ان اكون قد افدتك و لا تنسي صلاه الاستخاره و انا تحت امرك اي وقت

رد: السيارات الجديده في مصر
 

[COLOR=purple]انا سمعت ان العربيات الرينو فيبر مش صاج هل ده صحيح ؟ و بالنسبالي انا مشاويري مش بعيده بس ممكن اسافر احيانا و المشكله ان الفلوس حدودي برده لحد السبعين و ده كمان علي اساس اني هادفع الفلوس اللي معايا مقدم و اقسط الباقي علي سنتين فا ياريت فعلا ترشحلي العربيه المناسبه انا ملاحظه ان دايما بترشع الهيونداي i10 اكتر مع ان الماتور 1100 cc اسمع برده ان التكييف بيكون ضعيف و في خلال سنتين من الاستعمال التكييف هايكون مالوش لازمه خالص و يعتبر ده عبها الكبير عشان كده لما فكرت لقيت ان الرينو الهاتش باك هي اقرب حاجه لاحتياجاتي من حيث الشكل و المساحه و قوه الماتور بس لو طلعت فيبر فعلا تبقي مقلب كبير اوي فا ياريت تفيدوني في الموضوع و ربنا يقدم اللي فيه الخير [/COLOR]