رد: PEUGEOT 504 اسم من ذهب
 

رد: PEUGEOT 504 اسم من ذهب
 

ياااه .. انت لسه فاكر موضوع الدلتا ... ده زمانه صوره طارت من زمان ( بس موجوده عندي لسه 444546)
واحد صاحبي من زمان كان معاه 504 .. كان بيقولي ان العربيه وزنها النسبي على سرعه 100 كم/س = 5 كجم ... يعني لو مشيت على زلطه في الشارع العربيه تطير في الهوا !!
هو غالبا كان بيبالغ في الوصف ... بس وصل لي اد ايه العربيه دي خفيفه على السرعات

رد: PEUGEOT 504 اسم من ذهب
 

معلش بس قبل ما نسمع لاى حد نعقل الكلام - اى عربيه جديده دلوقت - ما عدا المرسيدس وال ب ام والفئه المماثله - الوزن الكلى للعربيات تحت ال 1400 كيلو - كامل الحموله - ال 504 وزنها كامل الحموله تدخل على 2 طن - يبقى كل الجديد بقى مفروض لو معدى جنب حد ننفخه يتقلب

الاشاعه دى طلعت زمممااان لما الناس كانت بتقارن بالعربيات المرسيدس مو 68 والفورد بتاعة افلام ليلى مراد بال العفريت الجديد اللى طلع وكان بيجيب ال 120 فى ثوانى - سموها اسامى كتير لان السرعات وقتها كان اللى بيجيب ال 100 بيبقى طيار - طبعا اشهر اسم كان النعش الطائر - بس مر الزمن والنعش دفن كل اللى قبله واللى بعده كمان - بصراحه عربيه اسطوره

رد: PEUGEOT 504 اسم من ذهب
 

يا سيدي الفاضل احنا بنقول وزنها النسبي ... مش وزنها ... الطياره البوينج وزنها كام ... و رغم كده بتطير !!!!
ليه علشان شكل الاجنحه مع قوه دفع الموتور النفاث بيخلي وزنها النسبي اخف من زن الهوا ... تخيل !!!
والمركب بتعوم علشان وزن الحجم المزاح من المياه اتقل من وزنها الكلي .. تخيل برضو !!
البيجو شكل شنطنها عامل زي جناح الطياره ... فبيخلي مفيش حاجه اسمها داون فورس Down Force
اللي هو ضغط العربيه على الطريق نتيجه وزنها و انسيابيتها مع الهوا و شكلها .. يعني العربيه مع السرعه وانسياب الهوا من فوقها و تحتها بيشكل مع عوامل تانيه قوه ضغط على الطريق او ما يطلق عليه GRIP


عموما بدل الرغي الكتير ... الموضوع ده ممكن يكون مفيد ... علشان نبقى بنقعل الكلام قبل ما نقوله ... ايه ياترى
وشكرا
عن الانسـيـابيـه ... و الثـبــات ...

رد: PEUGEOT 504 اسم من ذهب
 

http://www.youtube.com/watch?v=udutovObPC4

http://www.youtube.com/watch?v=QaC3O...eature=related

رد: PEUGEOT 504 اسم من ذهب
 

أنا كان عندى معلومة فى الموضوع ده ان والدى -الله يرحمه- قالهالى من زمان أيام ماكان بيعلمنى السواقة على عربيتنا البيجو ال505 و عشان يحدرنى من السرعة , قاللى أن وزن العربية عالطريق عند سرعة 180 كم/س بيبقى صفر و كمان أعتقد أنه هو قاللى أن الطيارة عشان تعمل Take off بتجرى على ال Runway لحد مايبقى سرعتها 180كم/س و هنا بيبقى وزنها على الRunway صفر و يبدأ الTake off , ممكن تكون الداكرة خانتنى لأن الكلام ده عدى عليه وقت طويييييييييييييل و لو فكرنا فى الموضوع من الناحية العلمية هنلاقى أن وزن السيارة عبارة عن القوة اللى بتمثلها كتلة السيارة على الأرض و أعتقد -و اعدرونى لو معلوماتى مش دقيقة- أن عند تحرك السيارة , الوزن ده اللى هو قوة بينقسم الى جزئين فى اتجاهين متعامدين على بعض الاتجاه الأول العمودى على الأرض الى أسفل و الاتجاه التانى الموازى للأرض فى اتجاه جركة الجسم اللى هو عندنا هنا السيارة و لأن القوة زى ماحنا شايفين انقسمت نصين فبالتالى الجزء اللى ضاغط على الأرض أصبح أقل من لو كانت السيارة ساكنة يعنى واقفة مابتتحركش , أنا آسف لأن كلامى مش دقيق لأن أنا طبيب مش مهندس و آخر مرة أشوف فيها الفيزياء و الميكانيكا كانت فى شهر 7 - 1994 , بتاريخ حصولى على الثانوية العامة , بس المعلومات الميكانيكية و الفيزيائية , انا كنت باخدها من والدى -الله يرحمه- كأمر مسلم بيه لأنه كان أستاد دكتور فى كليه الهندسة .

رد: PEUGEOT 504 اسم من ذهب
 

تقرير رائع, انا كانت معايا واحده وزعلت اوى لما بعتها