مصر موتورز مجتمع السيارات - لو معاك 90 الف وعجباك واحدة من النوعين دول هتشترى انهى فيهم؟!

اقتباس:

المشاركة الأصلية كتبت بواسطة mohm_016 (المشاركة 761995)

ليه بئا ؟؟؟ انا محوش المبلغ دا مخصوص علشان العربية مع انى بعديها هكون على الحديدة بس هيتبئالي مرتبى طبعا وانا مرتبى مش وحش علشان كدا انا عاوز عربية لا تستنزف أموالى بالذات قطع الغيار وخلافه وبعدين هى ممكن تعمر معايا شوية علشان كدا بإذن الله هجيبها جديدة لان من تجاربى مع المستعمل جاتللى عقدة منه بصراحة وانا مش ناوى افقد الحتة اللى باقية من مخى واجيب مستعمل تانى وانا بفكر الوقتى فى الصنى

انا متشكر جدا وربنا يخللى حضرتك يارب

انا هتكلم مع حضرتك شوية المستعمل له ميزاتة وله عيوبة نخش فى مميزات السيارات المستعملة القديمة مثلا موديلات 83 إلى 90 فى الحقبة دية كانت السيارات تصنع بأتقان وصاج قوى ويوجد سيارات مشهورة جدا فى هذه الحقبة وأنا هقولك عن السيارات اللى كانت أنا أو أصاحبى بنستخدمها من هذه الموديلات بس الكلام اللى هنتكلمه عنها هى لسيارت سليمة جدا كأنها لسة طالعه من المصنع فترة شرائنا لهذه السيارات 127 فيورا كانا نروح ونيجى من القاهرة إلى الإسكندرية مرتين باليوم والسرعة 140 كيلو متر بالساعة رايح جاى فيات ريجاتا موديل 85 برده ولله الحمد سيارة سليمة جدا جدا ولسه مع وأحد صاحبى بقلها معه حوالى أربع سنين وحمالة أسية العربية بتكون حالة ويكون أيد حضرتك فيها هتبقى أحسن من الجديد 100 مرة ثالث عربية وديه جبنها من عندكو من القاهرة كانت جولف GTI موديل 89 ويكفى أنى أقول لحضرتك انها سيارة مذهلة بكل المقاييس وثابته الطريق ثابت مذهل كنا بناخد الملفات على 180 وكانت هذه السيارة مرفوعة بداخل فيلا ولم تمشى الا عدة كيلومترات وصاحبها كان عند ثلاث سيارات غيرها وكان لا يركبها الا القليل القليل.
العيوب بعض قطع الغيار قد لا تجدها وأن وجدت تكون غالية.
حاجة تانية السيارات الجديد ماشية ومظبوطة كل مسمار له وقت ويبوظ بعكس القديم له عمر أد أيه الله أعلم مش زى الجديد كل حاجة فية بوقت ديه خلفيتى وتفكيرى من ناحية السيارات الجديدة والمستعملة وغير كدة ناس زمان كانت محترمة ومن كثرة أحترامها فلست علشان الحاجة بتاعت زمان كانت تصنع بآتقان أما الأن فالكل علشان يكسب حتما ولابد لأزم يغش علشان يكسب ويعيش ويبيع قطع غيار وميفلسش وأفضل سيارة ممكن تتعرف عليها وهى جيدة هما نوعان الفرنساوى القديم والألمانى وأنا قدر أرشح لحضرتك البيجو 405 والبيجو 504 قطع الغيار غاليو شويتن بس معمرة لدرجة كبيرة جدا جدا وخالى بقية الفلوس معاك ليك وللعربية وللزمن بس يشترط الحالة الممتازة للسيارة وتمتع بسيارة شكلها جميل وثبته مركزها لغاية دلوقتى والعربية اللى فى الموديلات الحديثة محترمة هى تويوتا كورلا بس للأسف معرفش موديل كام بس أعرف شكلها كويس هى وسيارى آخرى تويوتا هاى لوكس دوبل كابينة دفع رباعى وفتيس غرز هى دية العربيات التى تشدنى وتجبرنى على إحترامها لكونها سيارت أكثر من رائعة وأكثر من محترمة وجديرة بالآحترام.
ودية خلفيتى يا باشا وأرجو أنى أكون قدرت أفيد حضرتك ولو بالقليل مما اعرفه.
وموفق باذن الله فى سيارة جميلة وسليمة قدرة على أن تبهرك وتحترمها.

أخوك محمد