مصر موتورز مجتمع السيارات - زقه لوجه الله ... العربيه مش عاوزة تمشى

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - زقه لوجه الله ... العربيه مش عاوزة تمشى (https://www.masrmotors.com/vb/showthread.php?t=96589)

رد: زقه لوجه الله ... العربيه مش عاوزة تمشى

اقتباس:

المشاركة الأصلية كتبت بواسطة zing0 (المشاركة 756711)

السلام عليكم
رحت للميكانيكى و شاف العربية , قاللى بنظرة أبو العريف المعهودة : الكهرباء واطيه يا بشمهندس, و فضل يلعب شوية فى الإسبراتير و بعدين قاللى جرب. قولتلوا طيب العربية بتنط فى الغيارات, يا ريت تشوفها معايا. أخدته و طلعنا على الأوتوستراد نجربها. برضه لسه بتنط مع الغيارات بس الحمد لله عدت حاجز الـ 80 كم /س
راح عاكس أسلاك البوجيهات و مدى قنبلتين,ضبطت شويه و بعد ما أخدت العربيه و مشيت رجعت تفصل و تنط تانى.
قولت أرجعله لاقيته قفل الورشة. قولت لنفسى أنضف الكربراتير و أبقى أشوف.
محتاج بس أعرف فين مسمار بيك الكربراتير بتاع الهواء و البنزين و السلانسية؟؟؟؟؟ - أعرفهم منين؟

اخي بلاش تلعب في الحاجات دي بنفسك لان لو لاقدر الله البيك وقع منك في الكربرتير حتحتاس
وبعدين معلش يعني اية بتنط في الغيارات
انا اعرف النط دة في الاتو مش المنويل
ياريت توضح الصورة شوية
وماهيا اقصي سرعة وصلت لها بعد 80ك

رد: زقه لوجه الله ... العربيه مش عاوزة تمشى

اقتباس:

كل ما أنقل غيار و أرفع رجلى من عالدبرياج العربية تفضل مكلبشه و تروح نطه فجأه عالغيار اللى بعده طبعاً بعد ما أكون زودت بنزين كتير(لأنها مكلبشه) , أنا مثلاً طلعت عالأول, و بعدين بأدوس دبرياج و أجيب التانى و أرفع من الدبرياج بالتدريج و أنا بزود بنزين, العربية تفضل ماشية عالأول شويه أثناء حركة الدبرياج مع البنزين (مفيش أى إستجابه) و فجأه إلاقيها نطت , بالضبط كأنك كنت مزود بنزين و ماسك الدبرياج للآخر و رحت سايبه فجأة , و ده طبعاً مع كل الغيارات.

أخى العزيز Mr_astra بيرشح إن ده عيب من الدبرياج. هل فيه أى إحتمالات تانيه؟

رد: زقه لوجه الله ... العربيه مش عاوزة تمشى

اقتباس:

المشاركة الأصلية كتبت بواسطة mr_astra (المشاركة 754225)

اخى الكريم عمرو السيسى
فى مشاركة لاخونا zingo بيقول انة لما بيمور العربية بتبقى زى الفل
من كلامة نستنتج ان العربية مفهاش قفشة فى الفرامل

والعربية دى متكتفة من المكنة بامر الله
اما ان التاكيهات او الكاتينة مش مظبوطة
او ان الاسبراتير دة بيخرف ودة عيب شائع فى لادا الصينية بتاعة الاسبراتير بتتحرك بمزاجها ....تبقى انت ظابط التقسيمة تمام وتلاقى العربية مش مظبوطة
بس انا شاكك اوى فى التاكيهات انها تكون محملة زيادة عن اللزوم او انها عاوزة تتظبط تانى بعد اما الجوان اخد الضغط بتاعة

اقتباس:

المشاركة الأصلية كتبت بواسطة حسام البورسعيدى (المشاركة 753040)

بص يا باشا .. الاحتمالات كده كذا حاجه ..

اكتر حاجه انا شاكك فيها من خلال كلامك هو الاسبراتير .. ممكن يكون محتاج تظبيط .. تغيير ابلاتين وكوندنسر وكده ... غالبا المشكله فيه ..

ممكن على فكره لو مش عيب كهربا يبقى فى احتمال ان وش السلندر يكون مش راكب كويس او جوان وش السلندر مركبش كويس او ضرب .. واحيانا جوان وش السلندر لما يضرب يعمل برجله فى الموتور لو ضرب من ناحيه غرفه الاحتراق .. حصلت قبل كده معانا فى تويوتا 84 ودوخنا لمده يومين لغايه ما اكتشفنا انه جوان وش السلندر ...

بس انا مش مرجح الاحتمال ده اوى لان العربية بتدور وتمشى معاك ..

صحيح اخبار السخونه ايه ؟؟

عموما احتمال كبير يكون عيب كهربا اسبراتير او موبينا .. روح لميكانيكى كويس يكشف عليها وخليك داخل نطاق الاسبراتير والموبينا الاول ومتخليهوش يقعد يفتحلك فى شغل ع الفاضى ...

صحيح موضوع العادم شوفه والعربية مزوده بنزين جامد علشان يبان وانا متوقع انه هيكون فى عادم طالع منها ......

اقتباس:

المشاركة الأصلية كتبت بواسطة احمد سويلم (المشاركة 753204)

هو العيب ده ان شاء الله مش هايكون اكتر من عيب كهرباء
هاتغير كوندينسر وابلاتين وتظبط الاسبراتيسر بتاعك وتبص ع البوجيهات يمكن يكون العربيه متلته ولا حاجه
هاتقولى البوجيهات جديده وغيرتها فى العمره
اونا بقولك بص عليها ومش هاتخسر حاجه
وان شاء الله الموضوع بسيط

ومتقفلش من العربيه ولا حاجه لان اللادا عربيه محترمه جدا جدا ابويا جابها ع الزيرو 94 وبعناها فى 2005 يعنى استخدمناها 11 سنه وبعناها من غير مانعمر المكنه حتى ، لانها فعلا عربيه محترمه
تعرف ان انا حلم من احلام حياتى ان انا اجيب لادا واشغلها اجره !!!!!!!

اقتباس:

المشاركة الأصلية كتبت بواسطة cars admire (المشاركة 753238)

ضرورى تظبط تاكيهات وتراجع على تقسيمة الكاتينة هل مقدمة هل متاءخرة !!!

:1281F1~121::12A96E~160:

راجع علي الحاجات الي الزملاء زكروها
وغير الميكانيكي
وهل غيرت بوجيهات وفلتر بنزين وابلاتين وكوندنسر مع العمرة:w6w200504112220146 b
وهل غيرت زيت وفلتر العمرة:k_crying77[1]:

رد: زقه لوجه الله ... العربيه مش عاوزة تمشى

العربيه صوتها بيعلى فى الطلعه جامد جداااا
ولا ايه ؟؟؟؟
العربيه بيتفوق بعد اد ايه من بعد ما تاخد الغيار؟؟؟

طقم الكهربا والسيرفيس اخبارهم ايه ؟؟

العربيه بتدفع (بتضرب مدافع ) وهى ماشيه ؟؟؟؟

رد: زقه لوجه الله ... العربيه مش عاوزة تمشى

اقتباس:

المشاركة الأصلية كتبت بواسطة محمدصلاح القاضى (المشاركة 757087)

العربيه صوتها بيعلى فى الطلعه جامد جداااا
ولا ايه ؟؟؟؟
العربيه بيتفوق بعد اد ايه من بعد ما تاخد الغيار؟؟؟

طقم الكهربا والسيرفيس اخبارهم ايه ؟؟

العربيه بتدفع (بتضرب مدافع ) وهى ماشيه ؟؟؟؟

- بالفعل العربية صوتها عالى جداً و خاصة لما بأكون على مطلع بأبقى كأنى راكب جرار زراعى.
- أعتقد إن الكهربا الحمد لله كويسه - و الله أعلم, بس لو فى حاجه محدده أكشف عليها ياريت تدلنى.
- العربية بتكتشف الغيار الجديد و أنا تقريباً فى نص الدبرياج ( وأنا بأرفع رجلى فى نص المسافه)
- لأ الحمد لله مفيش مدافع, هو صوتها العالى بس.

معلش يا أستاذ محمد تاعبك معايا. جزاك الله كل الخير