مصر موتورز مجتمع السيارات - ايه الفرق بين الاتوس والاى تن

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - ايه الفرق بين الاتوس والاى تن (https://www.masrmotors.com/vb/showthread.php?t=89216)

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة مشمش1 (المشاركة 691836)

السلام عليكم
الأي تن اسعارها
66000 مكيف ومنوال
72000 جميع الكماليات منوال
74500 اوتوماتيك
76900 اوتوماتيك كامله :CHUBBY~36:
http://www.contactcars.com/compare_n...2995,2996,2997
والله المستعان

ربنا يخليك متشكرة جدا يبقى اكيد ام 64000 دى فاضية يا رب يبقى فى الموديلات التانية عنده وبردو هشوف البيكانتو هو مش عنده لوجان هو توكيل هوينداى وكيا بس وانواع تانية زى ايسوزو

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة MR_SELVESTER (المشاركة 691841)

اسعار موديلات كيا بيكانتو 2012

- كيا بيكانتو 2012 مانيوال LX
73.500 جنيه مصرى

- كيا بيكانتو 2012 مانيوال EX
77.500 جنيه مصرى

- كيا بيكانتو 2012 اوتوماتيك EX
83.500 جنيه مصرى

- كيا بيكانتو 2012 اوتوماتيك هاى لاين
95.900 جنيه مصرى

كماليات كيا بيكانتو 2012

تكييف هواء - زجاج كهربائى امامى و خلفى - مرايات حرارية و تعمل بالكهرباء - المرايات الجانبية بلون السيارة- المقابض بلون السيارة - الاكصدام الامامى و الخلفى بلون السيارة - فوانيس ضباب - نظام تعليق مرتفع على الارض - راديو سى دى - مساحات خلفية بسائل تنظيف - الشبكة الامامية من الكروم - قفل مركزى للابواب - تحكم عن بعد فى غلق و فتح الابواب - جيوب بظهر المقاعد الامامية - خاصية ضبط ارتفاع الكرسى - حامل اكواب - رف خلفى - باور ستيرنج - عجلة القيادة متحركة - امكانية طى ظهر المقاعد الخلفية

امكانيتها رائعة بس سعرها غالى عليا شوية الاي تن ب 66000 وهى73500 فرق كبير فى السعر وكمان الاى تن بيقولوا اوسع من جوا

رد: ايه الفرق بين الاتوس والاى تن

انا كنت بقول رأيي الشخصي وبحاول اني افيدك ... لان البيكانتو سعرها فيها وماسكة سعر وفي اعادة البيع بتتخطف خطف
بس القرار الاخير ليكي
بس من رأيي طالما هتجيبي هاتي الي يريحك سنين مش سنة واحدة

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة الزيرو (المشاركة 691844)

السلام عليكم
نصيحه لوجه الله تعالى ماتجبيش حاجه مش مكيفه او حاجه فاضيه خالص لأنها مش هتعرفى تبعيها ثانى بسهوله ولسبب أخر التكيف بسوى كثير في الحر بتاع الصعيد لأن اسيوط زي المنيا في شدة الحراره وال2000 جنيه الفرق مش كثير مع القسط مع الوضع في الأعتبار السهوله في اعادة البيع
والله المستعان

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة مشمش1 (المشاركة 694825)

اعتقد ان فيها يا مشمش تكييف وبور وازاز كهربا انا شفت اللى ب64000 منوال على النت لقيت دى امكانيها وبردو لما هروح المعرض هشوف بس المشكلة دلوقت فى حكاية التقسيط مخليانى بلف حولين نفسى ومش عارفة اعمل ايه فى جزئية فى التقسيط بخصوص بنك ناصر عايزة حد يفهمهالى انا كتباها بالازرق

تحويل مرتب لايقل عن قيمة القسط
وجود ضامن حكومى او اكثر بمرتبات لاتقل عن قيمة القسط
يتم عمل تأمين على الحياة طوال فترة التقسيط مبلغ يدفع مرة واحدة فقط عند التمليك
يجب ان تكون فترة التقسيط طوال فترة تواجد العميل بالخدمة
فى حالة سداد العميل أكثر من 50% من قيمة السيارة كمقدم يمكن تقديم تعهد من العميل بتحويل مرتب عنـد طلب البنـك يغطى قيمة القسـط الشهرى والتـأمين على حياته لصالح البنـك وبموجب دراسة من الفرع لمعرفة قدرة العميل على السداد

انا فهمت كده انى لو دفعت اكتر من نص تمن العربية مش هيعملولى تحويل مرتب الا لما يحتاجوا هل اللى فهمته صح وحكاية لازم اكون شغالة خمس سنيين انا شغالة خمس سنيين بس منهم سنة ونص حصة وتلاتة ونص تعاقد انا مدرسة بالعقد هل كده مينفعش وكمان انا مرتبى 615 اساسى وحوافز وبدل نقدى كله على بعضه 615 وانا سمعت انهم بيحسبوا الاساسى بس يعنى كده مينفعش انا ممكن ادفع 10000 قسط واحط 29000 اللى هى 40% من تمن العربية بس هيكون القسط فوق الالف وده مش هقدر عليه عايزة حد يفهمنى بالراحة يا جماعة عشان انا مش عارفة اعمل ايه انا عجبانى الاى تن ونفسى اجبها وسالت على سعرها الاسبوع اللى فات فى ناشيونال موتورز لقتها ب64000 انصحونى اعمل ايه انا من اسيوط زى مانتوا عارفيين وشايفة بنك ناصر انسب حاجة فى البنوك اللى متعامل معاها التوكيل