مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   فيات FIAT (https://www.masrmotors.com/vb/forumdisplay.php?f=22)
-   -   ال 126 كلت دماغى بتعديلاتها (https://www.masrmotors.com/vb/showthread.php?t=81340)

كمال.... 21-05-2012 08:42 PM

رد: ال 126 كلت دماغى بتعديلاتها
 
:018A1D~146::018A1D~146:: 018A1D~146::018A1D~146:

A7MED NASSER 21-05-2012 10:01 PM

رد: ال 126 كلت دماغى بتعديلاتها
 
الفيات 126 عربيه جميلة و غلبه في نفس الوقت

انا عن نفسي هي غلبه ليا لان اختي عندها عربيه 93 حتى كانت هتبيعها الفتره اللي فاتت و عملت عنها
اعلان بس للاسف رجعت في كلامها و سابتها و هي غلبه بالنسبالي علشان الحاجات التاليه :-

1. تصور لما تنزل من عربيه سيراتو و تركب ال 126 هي نفس العفشة تقريب ههههههه
اللي في السيراتو بس عربيتى طبعا تفرق كتير عن ال126 في كل حاجه

2. كل يوم لازم اوديها للعفشجي . عفشة ما يعلم بيها الا ربنا . بتعوم علي 50 كيلو يعني نفس السرعه
اللي بمشي بعربيتي بيها في الزحمة في نص البلد

3. مشكلة الحراره و ه مشكلتها اللي ما ينفعش يتقال عليها مزمنه علشان هي لو موتورها
صح و علي الشعره زي ما بيقولوا ما تسخنش . بس مين اصلا اللي يخليلك موتورها علي الشعره
ده احنا عندنا صناعيه يخربوا اجد عربيه فما بالك بعربيه 2 سلندر

و في نفس الوقت لازم اقول فوايدها و ليه جميله في نفس الوقت بالنسبالي :-

1. ان اختي بقت عندها عربيه و بقت مستقله بذاتها عني و عن عربيتي

2. ان استهلاك العربيه روعه بجد علشان تنكها صفيحة بالظبط 20 لتر و احنا عن نفسنا بنمشيها
90 و 92 للاسباب التاليه ( حلو للعربيه و مريح المكنه و لا كركره و لا غيره - العربيه بتجري بيه جري حلو
و طبعا الجري اللي علي ادها برضوا - مشكلة ال 80 و الزحمه بتعته) فعلشان كده ال 90 و ال 92 افضل

3. العربيه حجما جميل جدا في العصر اللي احنا عيشنه الوقتي في مصر . يعني ركنها سهل جدا و ممكن
ما تركنهاش انت تحطها في الشارع و سبها و مش هتسبب اي مشكله . و في الزحمة بتنجز كتير جدا
عن مثلا عربيتي اللي ببقى ماشي بيها في الزحمة مش عارف امشي من الخوف عليها انها تتحك و لا
كده و لان حجمها كبير كتير عن ال 126

فهي 126 عربيه و حلوه و مش حلوه في نفس الوقت و ده بالنسبه لرائيي الشخصي
و شكرا جدا ليك (صاحب الموضوع)

بالحق قبل ما انسى : انت كنت بتسال علي مكان تنك البنزين بتعها و هو تحت الكنبه بس علشان توصله
و دي مشكله فيها برضوا لازم ترفع العربيه و تنزل تحتها علشان من تحت الكنبه بتعتها صاج مقفول
ما في حاجه توصلك ليه من جوه العربيه

و شكرا ً

eslamafify 22-01-2013 04:35 AM

رد: ال 126 كلت دماغى بتعديلاتها
 
اخيرااااااااااااااااااااا ااااااااااااااااااااااااا بيعت عربيتى وجارى البحث عن عربية 126
:shyy:

eslamafify 22-01-2013 06:13 AM

رد: ال 126 كلت دماغى بتعديلاتها
 
حاجة تعقد :fun_10_1_124[1]:
http://www.youtube.com/watch?v=TRC6uH7vRwk

http://www.youtube.com/watch?v=se_35zsPvhc

Eg_Sword 15-09-2013 06:33 PM

رد: ال 126 كلت دماغى بتعديلاتها
 
الأستاذ eslamafify
بجد موضوعك شيق جداً وعاجبني إصرارك برغم أن بعض الأخوة انتقدوا اختيارك
ونفسي تكمل الموضوع للآخر لأنه موضوع مميز جداً
وأنا تقريباً بأمر بنفسك موقفك وعندي نفس الدماغ العنيدة لكن واضح إنك سابقني بخطوة
أنا يادوب بأدرس الموضوع وعندي إصرار عليها وخاصة إن استخدامي للسيارة بسيط جدا جدا
متوسط الحركة اليومية حوالي 12 كيلو خلال اليوم كله
وعندي مشكلة ثانية في قطع غيارها لأني من سكان 6 أكتوبر ومعلوماتي إن قطع الغيار ليها هنا غير متوفرة
وأتمنى لو أي حد عنده معلومات عن موضوع الحرارة وإيه حلول منعها وإيه حلول تبريد السيارة لو سخنت يعني أركن على جنب واستنى جنبها لحد ما تبرد ولا إيه النظام ؟؟
وأخيراً وأنا بأشتري أسأل عن إيه بالضبط في السيارة لأن كل سيارة وليها تكة خاصة بيها
وسمعت ان في تعديل شائع في الكبالن أتمنى حد يفهمهولي
مع الشكر للجميع


الساعة الآن 01:20 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017