مصر موتورز مجتمع السيارات - نداء عاجل لخبراء 128

اقتباس:

المشاركة الأصلية كتبت بواسطة hoda3010 (المشاركة 634398)

والله انا مش عارف اعمل ايه رحت لحوالي 3 ميكانيكي مش عارف هم عاوزين ايه ولا معندهمش ضمير عموما انا من الجيزة يعني القاهرة ياريت عنوان الميكانيكي لاحسن انا خلاص زههقت من الميكانيكية دول بصراحة الواحد حس ان مفيش حد عنده ضمير واسف علي الاطالة بس ده من زعلي:cry2W9:

بص ياباشا هجبلك نمرة تليفونه
وهو اسمه الاسطى / عادل لطفى
والورشه بتاعته فى البساتين - بير ام سلطان - عند الملعب البلاط .
وصفه على البسيط كده مش هتاخد ربع او نصف ساعه بالكتير هتبقى عنده بأذن الله :-
هتيجى من عند سنما فاتن حمامه اللى فى المنيل كأنك نازل على الفسطاط او عين الصيرة بس مش هتعدى الكبرى اللى فوئك انما هتاخد يمين مع الكورنيش كأنك داجل على المعادى تفضل ماشى علطول لغاية ماتلاقى صنيه وبنزينه فى وشك فى نصف الشارع هتلف مع الصنيه شمال هتلاقى طلعة كوبر ( كوبرى العاشر ) اطلعه وبعد ما تنزل كمل علطولحوالى 4 دقائق لغاية ما تلاقى مسجد ابيض واخد نصيه ادامك والطريق بعد كده بيخش شمال انت بقى هتخش يمين هتلاقى قبل النصيه بمحل او اتنين راجل بتاع كوتش تخش من جنبه وتمشى علطول هتلاقى على يمنيك الخياله بتاعة الدخليه كمل لغايه ما تلاقى الطريق المسفلت داخل شمال خش معاه مفيش 100 متر هتلاقى موقف المكروباص ( بير ام سلطان ) هناك قول فين الملعب البلاط اللى عند عمارات الاوقاف او حتى الملعب البلاط وخلاص الف مين هيدلك عليه وهو يبعد عن الموقف حوالى 250 متر تقريبا ده بالكتير وهتلاقى قصاد الملعب قهوه كبيرة اسمها ( قهوة تمر حنه ) هناك هتلاقى رصيف بصنيه هناك قول فين ( الاسطى عادل لطفى المكانيكى ) الف مين يدلك عليه وورشته قصاد قهوة اسمها ( قهوة فارس ) ومش بعيد عن الملعب الا 20 متر اساسا .
وبأذن الله توصل بالسلامه

ROSE4U

وانا هجبلك تليفونه وهديك تليفونى علشان اقف معاك لغاية ما يخلص وتجرب وهو على فكره عنده ضمير جدا ومبيعرفش يكروت خالص للامانه

انتظرنى شويه وهجبلك تليفونه بأذن الله