|
رد: نظره على الأحداث
فيه نقطه تانيه مهمه بس الاول نشوف المشاركتين دول قبل اي كلام
http://www.masrmotors.com/vb/showpos...46&postcount=2 http://www.masrmotors.com/vb/showpos...39&postcount=5 نييجي بقى للنقطه اللي عاوز اقولها : ايه هوا المطلوب النهارده ؟ يعني مليونية 18 نوفمبر كانت مطلوبه للضغط على المجلس العسكري لتعجيل تسليم السلطه بدل ما هوا عاوز يفضل متبت فيها وبيماطل في تسليمها طيب خلصت المليونية والناس مشت وتاني يوم جت الشرطه وتعاملت بعنف مع المعتصمين تمام ؟ وحصل اللي حصل من حشد وتجميع للناس والشباب من كل مكان وبقى فيه اصابات وقتلى طيب وبعدين ؟ ايه هوا المطلوب ؟ طيب اعتصام حتى سقوط طنطاوي والمجلس العسكري .... تمام مين يحكم ؟ مجلس رئاسي .... تمام برضه مكون من مين ؟ طيب مين يقول دول هما اللي يمسكوا ؟ طيب لو اللي مسكوا دول مش على مزاجي ومزاجك تضمن منين ان ما فيش مظاهرات وشغب وحرايق تحصل تاني ؟ على فكره مش اسئله تعجيزيه .. دي اسئله للمناقشه او بمعنى اصح تصحيح مسار المناقشه بدل ما تبقى تراشق واتهامات تبقى بحث عن حلول او حتى تشغيل الفكر او تشغيل العقل لتصور حل بدل من تبادل الاتهامات |
رد: نظره على الأحداث
متابع..................
|
رد: نظره على الأحداث
اقتباس:
انظر على نتائج الحرية المزعومه . انعدام الامن فى مصر . انهيار اقتصاد . تعطيل المصالح . ناس تركوا شغلهم واتخربت بيوتهم . قتنه القاتل والمقتول فيها مسلم .اصبحنا شيعآ كل شيعه تخون الاخرى والله اعلم ممكن تحاربها فى المستقبل . بلطجيه فى كل مكان . سرقة . اغتصابات .قطع طرق . فوضى . سرقة اطفال . . سقوط مصر .هى ده الحرية |
رد: نظره على الأحداث
مجلس رئاسى ؟ مجلس رئاسى ؟ يا ربى انا سمعت الكلمه دى فين قبل كده ؟ على العموم مش مهم
المهم واللى انا اكتشفته ان الموضوع والزيطه دى كلها مش اكتر من صراع على السلطه وبيستغلوا فيه البسطاء من الناس تحت شعارات الثوريه وحماية الثوره وان ثورتنا لسه مكملتش وحاجات كتير كده !!! والمصيبه الاكبر انى اكتشفت ان فيه ناس تانيه عايزة تسرق الثوره لحساب اشخاص معينه وتفرض وصايتها على المصريين من خلال الضغط على المجلس العسكرى لكى يترك السلطه ويسلمها لمجلس رئاسى غير منتخب تمهيدا لتاجيل الانتخابات والبهوات لا يهمهم مصلحة شعب ولا المصانع اللى بتقفل ولا الناس اللى بيوتها اتخربت وكل همهم ان الكرسى ميروحش منهم . وعشان الناس دى متاكده انها معندهاش شعبيه فالشارع ولو نزلت الانتخابات بالتاكيد هتخسر لانها مقدمتش حاجه للناس وبالتالى عايزه تلتف على اراده الشعب اللى قال كلمته فالاستفتاء وتنط على السلطه من غير انتخابات عن طريق اللغز المسمى بالمجلس المدنى الرئاسى وانا عايزكم كده تسالوا اى واحد تعرفوه يكون من اللى بيطالبوا بمجلس رئاسى اسالوه كده هيتكون من مين ؟ والسؤال الاهم مين اللى هينتخبهم ؟؟؟ وشوفوا هيرد عليكم ويقولكم ايه !!! الهيصه اللى انتم شايفينها دى كلها ما هى الا صراع على السلطه بين قوى كانت موجوده فالشارع من عشرات السنين ولها حضور وشعبيه جارفه واكثر فصيل تم تهميشه والتنكيل به من النظام السابق واعنى بالطبع الاخوان والتيارات الاسلاميه او المحافظه بصفه عامه ومن جهه اخرى تجد قوى هبطت علينا من السماء لم يكن لها اى حضور فى الشارع على الاطلاق اللهم الا من انصارهم المدفوعين من الخارج محيطين انفسهم بهاله من الاعلاميين والصحفيين ومن يسمون انفسهم بالمثقفين وكذلك بعض من منظمات حقوق الانسان ومنظمات المجتمع المدنى وهذه المنظمات تنفذ اجندات واهداف خارجيه بامتياز واستطيع ان اؤكد لكم ذلك من خلال عملى بصفتى محامى فى احدى هذه المنظمات فتره معينه و تركتها فور تيقنى من اهدافها المشبوهه رغم الراتب الخرافى والاغراءات الماديه . وهذه القوى الاخيره هى ما تسمى نفسها بالليبراليه وهى ابعد ما تكون عن الليبراليه الحقيقيه بمفهومها الغربى هذه القوى الاخيره ولانها ليس لها حضور فالشارع وتخشاه فهى تريد اقصاؤه وابعاده من الساحه باى شكل وتتهمه دائما ــ تماما كما كان يفعل مبارك ــ بالجهل والتخلف والاميه وبانه مضحوك عليه ولا يعرف مصلحته وبصفه عامه تستخدم نفس مفهوم مبارك بان الشعب غير مؤهل للديموقراطيه !!! لذلك فهذه تتستر خلف فكرة المجلس الرئاسى الذى يريدون به ازاحه المجلس العسكرى من الساحه لانه هو الضامن الوحيد الان لانتقال السلطه بطريقه ديموقراطيه عن طريق صندوق الانتخاب وتراهم دائما ما يتهمون الجيش وقادته لابتزازهم والضغط عليهم للرضوخ والقبول باللغز المسمى بالمجلس الرئاسى حتى يستطيعوا تاجيل الانتخابات الى حين ايجاد ارضيه لهم فالشارع . ولكن حينها لن يجدوا الا بقايا دوله ليحكموها فالاقتصاد منهار وهناك من يصطاد فى الماء العكر بفتح ملفات الاقليات وتضخيمها واستخدامها كورقة ضغط ( الاقباط والنوبه و سيناء ) وهناك من وصل به الامر الى محاولة جر الجيش فى مواجهه عسكريه مع اسرائيل من خلال محاولة اقتحام سفارتها وقتل سفيرها فى مصر وتخيلوا انتم حجم الكارثه التى كان من الممكن ان تحدث لولا فضل الله ويقظة رجال القوات المسلحه لهذا المخطط . فيه ناس فى مصر يا اساتذه عندهم استعداد انهم يحرقوا مصر بحالها عشان يوصلوا للحكم والجيش هو الوحيد اللى واقف فوش الناس دى فيا ريت مهما قالو وعادوا ففضائياتهم وصحفهم اوعوا تخلوا حد يهز ثقتكم فالجيش مهما حصل .... وربنا يحفظ مصر |
رد: نظره على الأحداث
ويا ريت محدش يقولى انهم معتصمين عشان الشهدااااااااااء وحقوق الشهداااااااااااااااااء عشان بصراحه مسلسل الشهداء ده طول وبوخ اوى
لان النهارده كلمه الشهداء بقت لبانه فبق كل واحد عايز يكسب موقف سياسى ولا يروج لوجهة نظر اللى عايز مجلس رئاسى يقولك حق الشهداء واللى عايز الدستور الاول يقولك الشهداء واللى عايز يزيح المجلس العسكرى باى طريقه يقولك الشهداء ... هو فيه ايه بالضبط الشهداء ماتوا عشان احنا نعيش احسن ... مش ماتوا عشان الناس تموت مالجوع جمبهم !!! وطبعا الكلام ده مش جاى على هوى ناس معينه ... ناس عايزه ملف الشهداااء ده يفضل مفتوح للابد ... عشان تجارتهم متبورش ... التجاره بدماء الشهداء |
| الساعة الآن 11:11 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017