رد: بيكانتو ولا هيونداى I10 ولا شيفروليه سبارك , افيدونى
 

لو حضرتك يعجبك استايل الهاتش باك وحجم مدمج يبقى الاختيار محصور بين السيارات الثلاثه سابقه الذكر ولكن لو الموضوع عربيه صالون او عائليه اكتر واو مساحه تخزين شنطه اكبر اعتقد في رينج الاسعار المكتوبه ممكن فيرنا او او لانوس او افيو الاختيار يرجع لحضرتك في الاول والاخر
وبالتوفيق

رد: بيكانتو ولا هيونداى I10 ولا شيفروليه سبارك , افيدونى
 

جزاك الله خيرا ..
النقطة اللى بتكلم فيها على السعر , لما العربيات الصغيرة سعرها زى الكبير هل معنى ذلك انها أحسن او لها مميرزات معينة تخليها توصل لأسعار السيارات الكبيرة ولا ايه بالظبط؟

رد: بيكانتو ولا هيونداى I10 ولا شيفروليه سبارك , افيدونى
 

الشكل مش اكتر .. العربيات الهاتش بتليق اكتر عالشباب والبنات وبتبقى شبابية اكتر .. غير السيدان فهي عائلية علشان الشنطة الكبيرة

رد: بيكانتو ولا هيونداى I10 ولا شيفروليه سبارك , افيدونى
 

يجب تحديد الاولويات
1 معايا كام
2 محتاج عربية حاعمل بيها ايه
مثلا واحد عنده عربية عائلية تشيل شيل و مشتروات و عربية اطفال و مراته و عياله
لو افترضنا حيجيب عربية تانية لمراته
منطقي يجيبلها هاتش باك أوتو اهي سهلة في السواقة و الركن لان عربيته التانية حتسعفه في مشاوير التحميل
لكن اسرة بتجيب اول عربية لها مش منطقي تجيب هاتش باك

و فعلا عن تجربة فرق السعر او تقاربه بين حاجة صغيرة أوتو و حاجة كبيرة مانيوال يستاهل
اما السبارك ب 72 و صغيرة و مانيوال فده اختيار غير عملي

رد: بيكانتو ولا هيونداى I10 ولا شيفروليه سبارك , افيدونى
 

تماااااااااام ..
يبقى انا كده هاكون فى مجال المينى ..
وبما ان ذلك ..
اذن امامى واحدة من 3 ..
بيكانتو رغم سعرها العالى اللى ماعرفش تستاهله فعلا ولا لأ 74000 مانيوال
هيونداى i10 اللى سعرها اقل من البيكانتو ب8000 جنيه , 66000 مانيوال
سوزوكى سيلاريو اللى اقلهم فى السعر 55000 مانيوال هاف اوبشنز2011 ,,, 60000 مانيوال فول اوبشنز 2011 ,,,70000 اوتوماتيك فول اوبشنز 2011 , ماعرفش 2012 عاملة كام ..
السبارك استبعدتها خلاص مع انها مقاربة للبيكانتو والi10 فى المواصفات بس سعرها زى البيكانتو , هاتقولولى طب مختارة البيكانتو ليه , هاقولكم لإنى حاباها , بس مش معنى كده إنى اجيب اللى حاباه , إنما أجيب الأفيد لى , عشان كده محتاجة رأيكم ..
واشكركم على كل مشاركاتكم .