المشاركة الأصلية كتبت بواسطة مفيش مني اتنين (المشاركة 408446)

شكلها جميل وسعرها كمان بس معلش العلم نور صيني دي

المشاركة الأصلية كتبت بواسطة حسام البورسعيدى (المشاركة 407764)

والجيلى دى تتركب ولا تتاكل يا كورسير ههههههههههه

لا طبعا اللي بتتركب انتا شكلك لسه مفطرتش علي فكرة صحصح كدا معايا


ههههههههههههههههه

هو مقتنع بيها علشان اسمها جيلى بس هههههههههه

حبيبى يا كورسير :hd:

المشاركة الأصلية كتبت بواسطة corsair (المشاركة 409147)

هيه صيني بس معلش برقبة الماروتي وعلي فكرة الماروتي دلوقتي تعتبريها مصري يعني تشتري مصري ولا صيني

وثانيا الماروتي فاضية من اي اوبشن بمعني الكلمة

لكن العربية ديه فيها تكييف وسنتر وازاز كهربا واحنا داخليين علي ايام الجو بيكون حر جدا وهتحتاجي التكييف ضروري جدا

المشاركة الأصلية كتبت بواسطة حسام البورسعيدى (المشاركة 409086)

اكيد طبعا صينى ..

نصيحة بلاش الماروتى دى لانها ما بين العربية والموتوسيكل (او التوك توك)

الماروتى 800 cc و 3 سلندر يعنى موتور صغير وضعيف جدا .. ولكن طبعا الحق يتقال قصاد ده توفير كبير فى البنزين ...

عربية صغيره جدا وعفشتها غير مريحة (نظرا لحجم العربية الصغير) ..

مفيش اى كماليات فيها (مفيش باور او تكييف او ازاز كهربا) وده يخلى الـ 38 الف خسارة جدا فيها ...

غير مناسبة للسفر ولو انها ممكن تسافر ولكن هتبقى رحلة عذاب ..

لو مستعملة اقولك ماشى لكن جديدة حرام ترمى فلوسك فيها ...

علشان ابقى محايد برضو لازم اقول على مميزات العربية ..

- حجمها الصغير بيخليها سهلة جدا فى السواقة فى الزحمة وتتركن بسهولة شديدة ..

- قطع غيارها رخيصة ومتوفره جدا ..

- موفرة بشده فى البنزين وممكن تمشى ببنزين 80 من غير مشاكل ..

- ممكن يركب لها تكييف (وده حصل فعلا على ايد استاذ "حبيب الناس" هنا فى المنتدى) .. بس طبعا مش هيكون على كفائة عالية ...





رأيى انك لو هتشتريها مستعملة اوكى لكن جديدة بالش لانها هتخسر جامد لما تيجى تبيعيها ..

المبلغ اللى معاكى معقول جدا وممكن يجيب عربيات كتير مستعملة ممتازة ....