مصر موتورز مجتمع السيارات - بنزين 92 وتسقيف في المكنه

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - بنزين 92 وتسقيف في المكنه (https://www.masrmotors.com/vb/showthread.php?t=52903)

رد: بنزين 92 وتسقيف في المكنه

اقتباس:

ياباشا دنتا اللي كلك زوق

الله يباركلك

اقتباس:

العلبه الكبيره فيها حاجات بتجرى (نقريبا عايزه تتفك وتتنظف)

علبة البيئة لو موجودة عندك بتبقى اصغر من علب الشاكمان و مبططه يعنى علب الشاكمان العادية بتبقى واحدة ورا و واحدة فى النص
انما علبة البيئة قدام الى فى النص تقريبا تحت عصاية الفتيس

اقتباس:

بص هو انا سمعت صوت تسقيف جامد جدا في العربيه قدرا لاقيت مؤشر الاحراره بيعلى وقرب علي red zone بس الحمد لله لحقتها وقفت علي جمب لحد مابردت وقعدت امشي واقف وهكذا (انا كان معايا جوليت فمكنتش بزود ميه غير في القربه الرئيسيه بتاعه الميه انما في الاكسنت المفروض بزود في القربه والريداتير نفسه ودا عرفته بعد الموضع متحل ) طبعا المراوح مكنتش شغاله علشان الريداتير فاضي وكمان فيوز المراوح ضرب - حاليا غيرت الفيوز وغيرت الميه خليتها خضرا والحمد لله مفيش اي تسريب خالص والموضوع كويس الحمد لله

الحمد لله كده الموضوع ده عدى على خير و انت لحقتها

اقتباس:

اهلا وسهلا بيك انا فخور جدا بيك وانى عرفت شخص محترم زيك

ده من كرم اخلاق حضرتك

اقتباس:

دا بسبب ان اغلب العربيات عندنا بتفول 80 - يامحولين غاز

بس بأمانة انا كنت لما بفول 92 من بورسعيد بتسقف فورى و لما بمشى على سرعة منتظمة بيروح التسقيف

اقتباس:

هو مش المفروض التسقيف دا يبقي شغال علي طول - انا عندي علشان العربيه اتوماتيك - فتقريبا لما بتيجي تنقل عل التانى الصوت بيروح خالص - هى المشكله كلها لو انا ماشي عل الاول بس او لسه طالع

تسقيف الكهرباء هو الى بيبقى على طول لكن تسقيف البنزين بيظهر عند الاحمال العالية زى كبس البنزين و زى المطالع و بالذات فى الحر

و طالما التسقيف ضعيف و غير مستمر فمش حيبقى منه ضرر
و ممكن تجرب تضيف للبنزين على تنك كامل عبوة منظف دورة البنزين fuel system cleaner اهو ينضف الرواسب الكربونية الى على الصمامات و غرفة الحريق و ينضف الرشاشات و لو جاب نتيجة ابقى استعمله كل 30 الف كم

رد: بنزين 92 وتسقيف في المكنه

اقتباس:

المشاركة الأصلية كتبت بواسطة احمد على 1999 (المشاركة 437406)

علبة البيئة لو موجودة عندك بتبقى اصغر من علب الشاكمان و مبططه يعنى علب الشاكمان العادية بتبقى واحدة ورا و واحدة فى النص
انما علبة البيئة قدام الى فى النص تقريبا تحت عصاية الفتيس

تمام موجوده انا حتفظ شكلها كنت مغيرها في العربيه القديمه

تسقيف الكهرباء هو الى بيبقى على طول لكن تسقيف البنزين بيظهر عند الاحمال العالية زى كبس البنزين و زى المطالع و بالذات فى الحر

طب كدا وصلنا لنقطه مهمه جدا انا عندي فعلا التسقيف زى مقولت عل الاول ودا اعلى عزم في العربيه وكمان في الحر بيبقي مصيبه

و طالما التسقيف ضعيف و غير مستمر فمش حيبقى منه ضرر
و ممكن تجرب تضيف للبنزين على تنك كامل عبوة منظف دورة البنزين fuel system cleaner اهو ينضف الرواسب الكربونية الى على الصمامات و غرفة الحريق و ينضف الرشاشات و لو جاب نتيجة ابقى استعمله كل 30 الف كم

وانا بغير الرداخ اخر مره الكهربائي قالي ان التانك عندي مليان رمل وعايز يتنظف (ممكن يكون فيه مشكله هنا)

انا جبت منظف دوره الوقود امريكي الصنع وفضيته علي تفويله

هو لو صاحب العربيه اللي قبلى كان هاريها 80 وانا اخدتها منه مش ممكن يكون هو دا اللي لسه مقصر علي المكنه ولسه بتنظف مثلا ومحتاجه وقت (يعنى لسه فيه كاربون عل الصمامات مشلش

رد: بنزين 92 وتسقيف في المكنه

اقتباس:

المشاركة الأصلية كتبت بواسطة ORGANIC_MAGIC (المشاركة 437580)

وارد جدا فالمنظف الكامل لدورة الوقود مش حيخسر و حتى لو مضيعش التسقيف اهو حينضف الدنيا ( من بعد الفلتر )

رد: بنزين 92 وتسقيف في المكنه

ازيك يابشمهندس

انا عملت المنظف دا ومفيش فايده

بص هو فيه واحد صاحبي كان راكب معايا وقالى عربيتك مطلعه صهد والجو كان بليل جمب البحر كمان - يعنى تقريبا كدا درجه الحراره بتعلي جدا وعداد الحراره قبل النص بشرطه

ممكن يكون العيب من منظومه الشكمان -يعنى علبه من ضمن العلب كعلبه البيئه مثلا او الماسوره مطبقه من مطب مثلا

طب دا ليه دخل بالصوت اللي بسمعه ولو حراره ليه مبيدومش بعد 40 كدا ويفضل علي طول

رد: بنزين 92 وتسقيف في المكنه

الله يسلمك
جرب اكشف على الشاكمان بالاخص علبة البيئة و لو حد يفكها و يبص فيها يكون احسن و لو طلعت لسة فيها المادة و ابتدت تسيح يستحسن تتلغى و يتحط مكانها ماسورة عادية
و احتمال تفسير ان بعد ال 40 التسقيف يقل او يختفى ان سرعة العربية بتساعد على التبريد

و ما زال رايى جرب فول 95 و شوف اخبار التسقيف