مصر موتورز مجتمع السيارات - تمبرا - شاهين - دوجان .. ايه الفرق و مين احسن ؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - تمبرا - شاهين - دوجان .. ايه الفرق و مين احسن ؟ (https://www.masrmotors.com/vb/showthread.php?t=51343)

رد: تمبرا - شاهين - دوجان .. ايه الفرق و مين احسن ؟

اقتباس:

المشاركة الأصلية كتبت بواسطة CARDIO (المشاركة 389735)

شكرا رينو :)
طيب احنا متفقين ان المستعمل اهم حاجه فيه ااحاله
لكن مين الاحسن الايطالى 94 و اللا المصرى 2000 ؟

لو الاتنين بنفس الحالة يبقى طبعا الايطالى

رد: تمبرا - شاهين - دوجان .. ايه الفرق و مين احسن ؟

اقتباس:

المشاركة الأصلية كتبت بواسطة حسام البورسعيدى (المشاركة 389757)

هههههههههههههههه

شاهين ايه بس يا باشا اللى حاجتها غالية .. دى مش بعيد تلاقى حاجتها فى السوبر ماركت فى يوم من الايام هههههههههه

ممكن كلامك ينطبق على التمبرا مثلا لكن الشاهين صعب يا باشا ...

امال هى منتشرة ليه وفى ناس بتجيبها زيرو ليه ؟؟!!!!!

عن تجربة مع اخويا العربية الشاهين اتخبطت فى الجنب كلة من سنتين ، ولقينا ان سمكرة الجنب مش هتبقى تمام
اولا لم نجد لها باب استيراد لأنها مصرى ثانيا سألنا على الباب جديد ( صاج اسود محتاج معاملة بوية) لقيناة ب 900ج اضطررنا لشراء قشر ابواب عارف القشرة بكام ب 100ج وبعد كدة سمكرة وبوهية ...اخ
عارف بقى طقم ابواب الادا استيراد بلون العربية وكاملين على التركيب ب 600-700ج حسب الحالة يبقة اية الميزة فى الشاهين ؟
بعد كدة حبينا نعملها طقم شمبر فقط صرفت 1400ج عارف شمبر الادا بكام؟ تمنة 90ج وبالجوانات والزيت والمصنعية يصرف كلة 250ج
هى دى خبرتى العملية مع الشاهين ، ولكن لا أنكر انها عربية ناعمة وانسيابية وواسعة وشكلا احسن من الادا

رد: تمبرا - شاهين - دوجان .. ايه الفرق و مين احسن ؟

اقتباس:

المشاركة الأصلية كتبت بواسطة ايمن عبدالحميد (المشاركة 389780)

مش عارف اقولك ايه بس واضح ان حظك كان وحش اوى مع الشاهين ههههههه ..

بس انت بتقول جبت باب جديد فلازم يكون اغلى من الاستيراد .. وكمان حاجة الشاهين اللى اعرفه انها اغلى من الادا شوية ...

موضوع طقم شنبر الشاهين ده اتكلف معاك كتيييير اوى بس اكيد المشكلة مكنتش فى سعر قطع الغيار ...

بس غريبة اوى حكاية طقم الشنبر بتاع الادا ده اللى اتعمل بـ 250 جنية .. ازاى اذا كانت مصنعية طقم الشنبر (نص عمره) بتكون فى حدود 150-250 جنية لوحدها ده غير قطع الغيار والزيت وغيره .... إزاى ؟؟؟

عموما هو معروف ان حاجة الادا رخيصة جدا جدا ومتوفره بكثره جدا .. وتعتبر من ارخص العربيات فى قطع الغيار ..

فأكيد صعب تقارنها بالشاهين برضو ...

عموما انا اصلا عمرى ما اتعاملت مع الشاهين مباشرة بس كنت بلاحظ توافر حاجتها ورخص سعرها فى السوق ....

تحياتى يا جميل ...

رد: تمبرا - شاهين - دوجان .. ايه الفرق و مين احسن ؟

اقتباس:

المشاركة الأصلية كتبت بواسطة حسام البورسعيدى (المشاركة 389798)

طقم شمبر ب 90ج+جوان وش سلندر20ج+50ج زيت رخيص هينزل علطول+10ج فلتر زيت+100ج ولو حبيبك الميكانيكى يبقى 80ج=250او 270ج كل دة علة فرض انك مش محتاج المخرطة وإلا هندخل فى 800 او 900حسب الشغل شمايز تتخرط او كرنك اللة اعلم
ليلتك سعيدة

رد: تمبرا - شاهين - دوجان .. ايه الفرق و مين احسن ؟

اقتباس:

المشاركة الأصلية كتبت بواسطة ايمن عبدالحميد (المشاركة 389810)

مصنعية الميكانيكى دى رخيصة اوى يا باشا ... :crazyW14:

عموما هى الادا حاجتها رخيصة اوى كده فعلا ولكن برضو الشاهين ليست بهذا السوء ...