مصر موتورز مجتمع السيارات - ** أيام في امستردام

آسف يا شباب علي التأخير ،، أحداث الثورة و متابعتها مش مدية الواحد وقت للتركيز

اليوم الثالث ،،

كان من المفترض وجود موعد سابق مع أ / جنيدي لنقوم بجولة خارج امستردام
و حصل سوء تفاهم غير ظريف أدي لتأخيري عليه ،،

كنت متحمس جدا أن استكشف بعض المتاحف و المزارات الغريبة في امستردام ،، حاجات غريبة كده ،، متحف التعذيب ، سوق الزهور ،، حاجة تانية كده غريبة زي عرض مسرحي مرعب في مبني بالكامل بيقوم به ممثلين باللغة الإنجليزية و بينتهي بركوب قطر افعواني في بدروم المبني

المهم يعني العرض ده بيطلبوا منا نقفل الموبايلات ،، و طبعا التزمت و العرض مكنشي ينفع أخرج في نصه مما أدي إلي إني أتأخر علي أ / جنيدي و طبعا بعد ما فتحت الموبايل ،، اتصلت ب أ / جنيدي و كان زعلان جدا بسبب عدم إلتزامي بالموعد المسبق ،، بس عموما قلبه الأبيض ،، كمل اليوم علي خير و عملنا رحلة جميلة جدا

صور من متحف التعذيب الغريب

http://sub3.rofof.com/img4/03vblxj21.jpg

http://sub3.rofof.com/img4/03pjkti21.jpg

صور لسوق الزهور وسط امستردام

http://sub3.rofof.com/img4/03mkbye21.jpg

http://sub3.rofof.com/img4/03svhqc21.jpg

ركبت الترام الظريف و روحت لأقرب محطة لبيت أ / جنيدي

صور من عند محطة المترو اللي روحت استني فيها أ / جنيدي

http://sub5.rofof.com/img3/02tecxs18.jpg

http://sub5.rofof.com/img3/02hjuoa18.jpg

وصل ا / جنيدي و بعد العتاب ،، انطلقنا ،، بحكم معرفتي ب أ / جنيدي ،، من خلال منتدي سيارات ،، قعد أ / جنيدي يشرحلي نظام المرور و الطرق السريعة في هولندا ،، شرح مستفيض ،، و إزاي أن في هولندا ممكن لو توهت ترجع بسهولة للمكان اللي كنت فيه لو فضلت علي اليمين و معلومات آخري ،، بس الصراحة مكنتش مركز و بتهيقلي مقدرشي بسهولة أسوق في أوربا

صور واحدة من الطريق الخلاب ،، غالبا عندي صور تانية بس علي الموبايل و مش عارف أجيبها

http://sub5.rofof.com/img3/02rqlfw18.jpg

صورة و أنا بأمون عربية أ / جنيدي ،، و عزمني علي واحد قهوة و كرواسون بالمرة في المحطة
و علي فكرة هناك مفيش عامل بيمونلك العربية ،، أنتا بتمون بنفسك و تخش تحاسب بنفسك ،، و حاجة كمان مفهمتهاش أووي لكن كل واحد بيكون مشترك مع شركة محطات بنزين واحدة ،، و لو محاسبتش فيه كاميرات مراقبة هتجيبك هتجيبك ،،، تكنولوجيا بقه

http://sub5.rofof.com/img3/02fmcut18.jpg

استمرينا في الطريق اللي مكنشي ممل أبدا بسبب الصحبة و المناظر الجميلة و استمر الحوار عن شخصيات مشتركة و عن المنتديات و عن الشغل و عن مصر و عن هولندا

كان الهدف إننا نروح مطعم مشارك فيه ا / جنيدي مع صديق مصري ،، بيقع علي بحيرات جميلة جدا

صور حول البحيرات الخلابة عند مطعم أ / جنيدي

http://sub5.rofof.com/img3/02mxrjd18.jpg

http://sub5.rofof.com/img3/02nehlc18.jpg

http://sub5.rofof.com/img3/02ruzqg18.jpg

http://sub5.rofof.com/img3/02zqegm18.jpg

http://sub3.rofof.com/img4/02azufr19.jpg

http://sub3.rofof.com/img4/02fnzki19.jpg

http://sub3.rofof.com/img4/02szwji19.jpg

http://sub3.rofof.com/img4/02urjcp19.jpg

http://sub3.rofof.com/img4/02wqjgl19.jpg

http://sub3.rofof.com/img4/02xwgou19.jpg

صورة من داخل المطعم لشريك و صديق أ / جنيدي ،، مصري ايضا من مدينة السويس الباسلة و يظهر فيها يقوم بأعمال التشطيب بنفسه
(( ربنا يوفقهم و يكرمهم و يكون وش الخير عليهم ))

http://sub3.rofof.com/img4/02thcqb19.jpg

صورة لصديق مصري آخر ،، من القاهرة ،، يتابع معهم الأعمال في المطعم

http://sub3.rofof.com/img4/02pamdc19.jpg

عند العودة برده قرفت أ / جنيدي و كنت مصمم أشتري شنطة بدلا من اللي اتقطعت مني ،، فاضطر الراجل للمرور بمدينة في الطريق ،،، و عطل نفسه ،، بس للاسف لم أجد ما ابحث عنه ،،

صور للمدينة التي في الطريق

http://sub5.rofof.com/img3/02gsuyd19.jpg

http://sub5.rofof.com/img3/02sfzyn19.jpg

زي ما واضح من الصور ،، الدنيا كانت خلاص ليلت

أنا كنت أكلت حاجة خفيفة في امستردام ،، مع برده شوية حلويات و مشروبات في مطعم أ / جنيدي
بس أ / جنيدي صمم يعزمني علي حاجة تانية ،، بس المرة دي كانت جامدة جدا ،،

بعد ما وصلنا امستردام ،، عزمني علي مطعم ياباني (( و دي أول مرة أكل في مطعم ياباني )) ،، اوبن بوفيه يعني ناكل براحتنا علي الآخر ،، المطعم كان مليان بنات مغاربة مش عارف ليه
بالمناسبة ده كان يوم ثورة مصر العظيمة 25 يناير ،، و في الوقت ده بلغني أ / جنيدي بعد إتصال بصديق مشترك ،، وائل مجدي ،، إن الشعب المصري فعلا اتحرك يوم 25 يناير ،، بلغني في المطعم الياباني

بخصوص المطعم نفسه ،، فهوا مليان أطعمة نعرفها ،، يعني سلطات و مقبلات و اسماك و لحوم ،، حاجات نفهمها و مطبوخة بطرق عادية و فيه برده حاجات منفهماش خالص

و دي كانت متعة التجربة و الخطأ بعد توجيه أ / جنيدي للأطعمة اللي فيها لحوم خنازير
بعد ما بتاكل الأول الحاجات الجاهزة ،، بتختار حاجات نية و تروح للشيف يطبخهالك بالطريقة اللي تعجبك و طبعا مكنتش عارف و لا طريقة

صور المطعم الياباني

http://sub3.rofof.com/img4/02qlbgh19.jpg

http://sub3.rofof.com/img4/02rfvio19.jpg
http://sub3.rofof.com/img4/02rvyfj19.jpg

http://sub3.rofof.com/img4/02shpdz19.jpg

http://sub3.rofof.com/img4/02vjzkh19.jpg

صورة الشيف اللي بتنقي الحاجة و تقوله طلباتك و يطبخهالك و أنتا واقف ،، علي فكرة ممنوع تصويره مش عارف ليه بس أ / جنيدي أتصرف

http://sub3.rofof.com/img4/02jwpqs19.jpg

بعد الأكل و الحلو ،، وقت الحبس بالمشاريب و الشيشة
و مقهي مصري ثالث جديد ،، اسمه مقهي النيل و أصدقاء جدد ،، علي فكرة أ/ جنيدي ،، إجتماعي جدا و مرتبط جدا بالجالية المصرية في هولندا مش منعزل إطلاقا

صورة من أمام مقهي النيل المصري

http://sub3.rofof.com/img4/02qrwlh19.jpg

صورة من داخل المقهي و يظهر فيها أ / جنيدي و هوا يلقي دروس الضومنه علي مرتادي القهوة

http://sub3.rofof.com/img4/02vkqjt19.jpg

بعد ذلك وصلني أ / جنيدي ،، للفندق
و ودعنا بعض لصعوبة إننا نتقابل رابع يوم عشان كنت مسافر بدري باريس
و إن كان بيطمئن عليا تليفونيا

صورة السفر إلي باريس

http://sub3.rofof.com/img4/03piyvk21.jpg

و دي كانت الأيام الجميلة في امستردام و أ / جنيدي الذي لا نعرفه

و فعلا أكتر مدينة حبتها في الرحلة أمستردام و يمكن السبب الأكبر الصحبة و الإستضافة الجميلة اللي وجدتها فيها

و علي الهامش ،، بقه ،،

هأفتن علي أ / جنيدي و اقول إنه حاليا في مصر