مصر موتورز مجتمع السيارات - تقرير عن السيارة المنسية فى مصر Honda city

مصر موتورز مجتمع السيارات (https://www.masrmotors.com/vb/index.php)

- هوندا Honda (https://www.masrmotors.com/vb/forumdisplay.php?f=31)

- - تقرير عن السيارة المنسية فى مصر Honda city (https://www.masrmotors.com/vb/showthread.php?t=26109)

رد: تقرير عن السيارة المنسية فى مصر Honda city

اقتباس:

المشاركة الأصلية كتبت بواسطة @واحد من الناس@ (المشاركة 183581)

أجبلك من الأخر إحنا شعب مبيفهمش في العربيات أصلا يعني لما تبقي عربيات زي سوباروا وفولفو وهوندا وألفاروميو ولكزس ومازدا غير منتشرين في مصر بجميع موديلاتها الفخمة والرهيبة والسباقة بالتكنولوجيا ولما تبقي متسوبيشي مبينتزلش منها غير اللانسر وأحيانا الباجيروا فقط ولا يوجد شيء أخر فثق أنك في مصر الشعب اللي ماشي بمبدأ اللي نعرفه أحسن من اللي منعرفوش وده مبدأ زبالة بس للأسف ده واقع
---------------------------------------------------------

عارف إحنا بننخدع بالإعلانات وبننبهر بيها وننسى الأصل بنحب أو نشوف إعلان رهيبة بس مبتطرش أو بس ما بتتهببش تعوم أو إعلان أسوء منه أنا اللي هسوق ال... يامنى أنت بتحلم يا حلمي أو الإعلان اللي بيجبلي مرارة أي أفيووو أي أفيوو توو هوه أنا مبقللش من شئن السيارات دي بالعكس بس بحس إن هما بيظلموا معاهم عربيات تانية بص بلاش حرقه دم أنا لو قعت أعددلك العربيات المظلومة هنا في مصر مش هنخلص
--------------------------------------------------------

ده حتي في قطاع النص نقل شفورليه الدبابة متفوقه علي التويوتا الهاي لوكس أو متسوبيشي أو دودج رام أو غيرها الكثير وده بسبب إعلان العربية اللي حلتي باظت
------------------------------------------------------

بس إعرف حاجة عشان تجيب عربية هنا في مصر للإسف هات أي عربية ماسك التوكيل بتاعها غبور أو أبو الفتوح أو منصور أو العالمية للتوكيلات (نصير) هما دول اللي واكلين السوق بإعلاناتهم اللي تاكل العقل حتى لو معاهم عربية مجمعة في بير اليلم هتنجح نجاح باهر وأكبر دليل على كده نجاح كيا الباهر في سنوات معدودة أو نجاح شفورليه الباهر أيضا في سنوات معدوده ونجاح إسبرانزا الغريب بالرغم من وجود عده شركات صينية أكثر منها كفائة أو برغم من فشل شيري كماركة مع توكيل أخر رغم أن شيري و إسبيرانزا هما من أصل واحد

بص هيا ديه الحقيقه محدش بيشترى العربيه عشان كفائتها كل واحد بيشترى العربيه على اساس شكلها واعلاناتها وانتشارها
ياعنى لو الماروتى منتشره ممكن يقولك العربيه ديه احسن من التيوتا ولو السيراتو منتشره يقولك ديه احسن من السيفيك والسوبارو والاوكتافيا والله انا شوفت موضوع هنا على المنتدى واحد بيقول لانسر فى المركز الاخير والمركز الخامس تيوتا والمركز الرابع مازدا 3 والمركز الثالث هوندا سيفيك والثانى السيراتو والاول الانترا بذمتك مش ده اسموا هبل
وبصراحه انا بحترم رائيك وانتا راجل محترم وبتكلم صح والعربيات الكورى ديه بتاعت 5 سنين وارمى

رد: تقرير عن السيارة المنسية فى مصر Honda city

اقتباس:

المشاركة الأصلية كتبت بواسطة @واحد من الناس@ (المشاركة 183581)

يعني معلش حد عاقل يروح يشتري التيوتا الكامري ويسيب الدودج التشارجر والإثنين بنفس السعر مع إختلاف الإمكانيات وهو طبعا لصالح الدودج ده حتى الشكل لصالح الدودج بلاش الفئة دي في حد يروح يشتري أوكتافيا ويسيب السفيك ولا السوباروا ولا ولا......ptmnlo123per172 بس تقول إية غير إبتسم أنت في مصر :HAPPY_~211:

ptmnlo123per111ptmnlo123p er111

بص عن تجربه الاوكتافيا والجيتا والباسات حاجه والسيفيك والمازدا والكورولا حاجه تانيه خالص
او بمعنى اخر اليابانى حاجه والاوروبى وبالتحديد الالمانى حاجه تانيه خالص

والى جرب العربيات الاوروبى يعرف الفرق ده كويس واستحاله يغير بعد كده الى اليابانى حتى لو كانت الفئات العاليه فى اليابانى زى الكامرى والجالانت والاكورد والليجاسى

اليابانى عربيات سريعه سلسه القياده ومريحه
لكن الالمانى عربيات مش سريعه قوى زى اليابانى بس ثبات وقوه وعزم ومتانه وفخامه بجد يعنى عربيات تسوقها وتستمع بيها لكن مش هتعرف تجرى بيها

وعلشان كده الفئه الى بتشترى الالمانى اغلبها فوق ال 40 او ال 45
بعكس اليابانى والكورى بيفضلها الشباب وصغار السن علشان الجرى

رد: تقرير عن السيارة المنسية فى مصر Honda city

اقتباس:

المشاركة الأصلية كتبت بواسطة side view (المشاركة 189340)

ptmnlo123per111ptmnlo123p er111

المشكله ان الناس دلوقتى بتغير العربيات اليابانى و الامانى و الاوربى ومنها الايطالى والانجليزى عشان تشترى الكورى ياعنى لو نزلو كيا ولا هيونداى بتمن الاوكتافيا او بتمن المرسيدس بردو هيشتروها هيقولك عشان قطع الغيار رخيصه انا نفسى اعرف رخيصه فين ديه حاجات السيراتو 2010 اغلا من الكورولا 2010 تقولى قطع غيار هيا الناس حطيت فى دماغها كده واقتنعت بكده وقفلت عليه بالترباس خلاص ولك منى كل تقدير واحترام

رد: تقرير عن السيارة المنسية فى مصر Honda city

اقتباس:

المشاركة الأصلية كتبت بواسطة miroseba (المشاركة 189399)

لولا اختلاف الاذواق لفسدت وبارت السلع

بس لو هنتكلم بنظره عقلانيه شويه
العربيه زى اى سلعه معمره لازم تتأنى فى شرائها وتتأكد من المصدر ومش معنى انها غاليه انها كويسه
يعنى انا شخصيا مش ممكن اركب عربيه صينى او حتى متجمعه فى الصين حتى لو كانت فولفو او مرسيدس
وده نظرا للسمعه السيئه

على العكس من العربيات الاوروبيه التى تميزت من زمان بالثقه والمصداقيه لغايه لما اكتسبت الشهره والسمعه الطيبه
والدليل على كده المرسيدس وال بى ام والفولكس فاجن جروب والاودى والبيجو والسيتروين والرينو والفئات المتوحشه من العربيات زى البنتلى والرولزرويس والبوجاتى والبورش والجاجوار

يعنى انا شايف الى بيجيب عربيه ب 200 الف فما فوق لازم تكون اوروبى مش يابانى او كورى او صينى
يعنى مثلا سعر الهوندا الاكورد فى حدود 360 الف جنيه وسعر ال بى ام 318 ب 380 الف جنيه والمرسيدس ال C-250 ب 398 الف جنيه

تفتكر انهى فيهم تكسب الاكورد ولا ال بى ام 318 ولا المرسيدس C-250

فالمهم فى العربيه ماركه العربيه وبلد المنشأ وبعدين قطع الغيار والصيانه

ولا ايه ؟؟؟

رد: تقرير عن السيارة المنسية فى مصر Honda city

اقتباس:

المشاركة الأصلية كتبت بواسطة side view (المشاركة 189730)

كلامك صح فعلا الاوربى مختلف 360 درجه عن اليابانى والكورى ياعنى الكيا كادينزا نازله فى السعوديه ب 120 الف ريال ياعنى تقريبا 200 الف جنيه عندنا ده غير الجمارك وضريبه المبيعات هتوصل ل 350 الف طب ما روح اشترى مرسيدس احسن ويبقى اسمك راكب مرسيدس مش كيا