|
رد: السادة ملاك اسبرانزا الكرام
مساء الخير يا باشمهندس....
أولا ألف شكر لحضرتك على اهتمامك بمشاكلنا... و عاوز حضرتك تعذرنا شوية من كتر الاسئلة والاستفسارات... و ربنا يجازيك ألف خير على مجهودك و تعبك معانا... أنا واحد من ملاك الأم11 هنا على المنتدى... و حضرتك أكيد متابع خطواتنا مع التوكيل و أخيرها المحضر اللى عملناه فى أبورواش بعد اعتراف الباشمهندس أحمد ان عيب الموتور مالوش حل... فياريت حضرتك تتكرم و تقرأ الموضوع اللى مكتوب عن مشاكل العربية و تحاول تساعدنا فى حلها واحدة واحدة.. احنا مش عاوزين مشاكل وخلاص زى ما الناس فاكرة... و لو مشاكل عربيانتا اتحلت هنقول للتوكيل اللى احنا بنهاجمه ألف شكر... و فى النهاية أحب أقول لحضرتك... ان الله لايضيع أجر من أحسن عملا... و كان الله فى عون العبد مادام العبد فى عون أخيه... |
رد: السادة ملاك اسبرانزا الكرام .. الإجابة عن إستفساراتكم الفنية
يا باشمهندس أيمن
شكرا على تعاونك مع الأعضاء و لى استفسار من فضلك سيارتى 516 تعرضت لحادث أمامى كبير من 8 شهور بعد الإصلاح خرج التوكيل المشكلة أحيانا و عند كسر الدريكسون للنهاية أكتر من مرة (عند الركن مثلا) يصبح صوت طلمبة الباور عالى نوعا ما و أحيانا يتوقف عمل الباور و يصبح الدركسيون ثقيل جدا و يستمر ثقل الدريكسيون لعدة ساعات أو ربما أيام ثم يعود الباور للعمل لوحدة بالتدريج سألت الميكانيكى قالى إن فيه صمام (بلف) فى الباور بيقفل الباور و بيعلق سألت مرة فى مركز صيانة بالإسماعيلية قالى الطلمبة خفيفة و عايزة تتغير أى رأى الصحيح و هل فيه حل غير تغيير الطلمبة ؟ مع العلم الزيت سليم و مفيش أى تسريب |
رد: السادة ملاك اسبرانزا الكرام .. الإجابة عن إستفساراتكم الفنية
اقتباس:
اولا موضوع الصوت عند الركن او كسر الدركسيون للاخر دى عادى لان حضرتك بتبقى رفعت ضغط طلمبة الزيت لاخر درجة ثانيا موضوع التقل والفك بعد ايام دى مسالة الطلمبة والتغير هو السليم ومتسمعش الى بيقولك بلف لان الطلمبة عمرها مهترجع تانى ذى الاول الرائى الصحيح تغير الطلمبة شكرا |
رد: السادة ملاك اسبرانزا الكرام .. الإجابة عن إستفساراتكم الفنية
عاوز أخبار عن الاسبرانزا التيجو الـ 1600 مانوال
السحب و قوة التكيف والثبات واستهلاك البنزين وقطع الغيار واية المشاكل اللى الناس لاقيتها ف النوع دة؟؟؟ |
رد: السادة ملاك اسبرانزا الكرام .. الإجابة عن إستفساراتكم الفنية
اقتباس:
السيارة التيجو سيارة بالفعل جميلة السحب للسيارة جميل من حيث التصارع من الثبات بالنسبة للثبات ذيها ذى اى عربية عالية الثبات كويس على حجمها التكيف لايوجد منة شكوى استهلاك البنزن 20لتر لكل 190 او 200 كم قطع الغيار موجودة داخل التوكيل وخارجة المشاكل كلها فردية ولا يوجد اجتماع على عيب واحد عدم غلق الابواب بسهولة رجة فى الباب الخلفى ودة علشان موجود علية الاستبن |
| الساعة الآن 11:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017