المشاركة الأصلية كتبت بواسطة Mr.Mamo (المشاركة 146772)

.....

بس انا اخترت اني مش هعيش لحد معجز وبعدين اقول يا اااااااااه
ليت الشباب يعود يوما

المشاركة الأصلية كتبت بواسطة master.formats (المشاركة 147488)

أولاً: مافيش مشوار بياخد ربع ساعة!!! ده اللي اكتشفته بعد ما كنت زي حضرتك كده مخدوع...
ممكن المشوار يعمل 5 دقائق قبل الفجر و الدنيا فاضية لكن الربع ساعة دي ممكن تقضيها بتدور على ركنة .. أو واقف في شارع ضيق منتظر واحد غبي قافل الطريق يغور من وشك.. أو ترجعه بضهرك علشان أوتوبيس المدارس قرر يدخل في الاتجاه المقابل... أو تقضيه في إشارة واحده... أو تقضيه بتزمر لواحد من الجيران "المحترمين جداً" علشان يصحى من النوم و يجي (يزيح) سيارته اللي قرر يحبس بيها على سيارتك ويفرملها ويعشقها ويطلع ينااااام... أو مستني خناقة بين سيارتين متواجهتين و معاندين مع بعض وكل واحد بطل سيارته وقاعد مستني التاني هو اللي يرجع بضهره... أو تستنى نصف ساعة لما الهانم اللي بتحاول تركن تخلص تدمير السيارات اللي راكنه حولها وتضع سيارتها بعيد عن مسار السيارات "تقريباً"... أو بتحاول تفلفص من حاجة حقيرة إسمها "الميني باص الأخضر" اللي لازم يمنعك من المرور و لازم يحمل و ينزل الناس وهو في وسط الشارع ويفضل ماسك الطريق يمين شمال... أو سواق تاكسي نفسه يركب زبون بس على مزاجه فكل شوية يقف يتقاول مع زبون ويسيبه و يمشي بس طبعاً بيقف في وسط الشارع علشان يطلع على طول وطز في اللي وراه... أو يجي نصيبك خلف سيارة تقودها امرأة أو واحد عجوز ptmnlo123per111 أو أو أو.......
يا راجل ده أنا ساعات بروح مشوار قريب و أفضل ماشي بالسيارة علشان ألاقي مكان "أرميها فيه" لمسافة تقارب المسافة بين البيت والمشوار....

ثانياً: نفس ما سبق :)

ثالثاً: أحياناً ... بس أقل كتييير من غير سيارة.

رابعاً: لو الطريق واقف والله بأتمنى لو عندي رفاهية إني أسيب السيارة وأنزل أكمل مشي... ده أنا ساعات باحسد اللي في الاوتوبيس.

خامساًَ: لا تعليق بس لما تجرب حتعرف... مين قاللك إن البنزين كل حاجة؟؟ ده انت ممكن (تنطس) مخالفة واحدة تدفع فيها أكتر من مشاويرك بالتاكسي طول الشهر!!! أو واحد (أو واحده طبعاً) يريح على عربيتك ترييحه تدفع فيها دم قلبك (وتتبهدل في تصليحها أكتر من البهدلة في المواصلات شهر برضه) :)
ptmnlo123per111

سادساً: برضه لما تسوق حتفهم....
الموضوع مش فرحة ولا هيبة ولا نيلة... الموضوع إن ساعات بتكون مضطر تتحرك علشان لو ماتحركتش فيه عربية تانية حتطير النصف الخلفي من سيارتك أو تكون عاوز تلحق الاشارة قبل ما تنحبس فيها ساعتين أو تكون بتفادي حد و تلاقي الباشا اللي ماشي في وسط الطريق (كأنه ماشي في صالة بيتهم) ولما تزمر له يبصلك باستنكار كأنك معدي بعربيتك في الصالة ونظرته بتقول انت ايه اللي جابك هنا؟؟
ولا الحبيبة اللي ماشيين يتدلعوا ولازم يمشوا جنب بعض حتى لو في وسط الشارع.. و لا الغبي أو الغبية اللي ماسك ايد أبنه الصغير و ماشي هو ناحية الرصيف وسايب الطفل ناحية العربيات... أو تكون مزنوق في حتة لنصف ساعة و ماتصدق تطلع منها -بعد ما تكون روحك طلعت- ولسه بتدوس بنزين تلاقي واحد أو واحدة بيعدي الشارع بمنتهى الهدوووووء -لأ وكمان من غير مايبص- وتبقى نفسك تطيره علشان تخلص.. بس .... برضه حرام... !!! ptmnlo123per111
ياااااا راااااااجل خليني ساكت وماتفتحنيش ptmnlo123per111

المشاركة الأصلية كتبت بواسطة سشمخة (المشاركة 147561)

كدة انا هاراجع نفسي وهافكر الف مرة
ومش هاشتريها الا ع الجواز او قبلها بشوية(بلاش نشتم قدام المدام في بداية التعليم) وممكن ادهالها هدية جواز عشان انتقم منها انها ضحكت عليا وخلتني ادخل القفص برجليا

المشاركة الأصلية كتبت بواسطة master.formats (المشاركة 147989)

:smileW4:

حلوة... انت كده فهمت الجواز صح 100% ptmnlo123per15
هدية علشان تنتقم!!! ... هو ده خلاصة التعامل مع المرأة...

بس على فكرة أنا مع إني ماتكتبتش كل اللي بشوفه بس برضه مش قصدي متشتريش سيارة (وإن كانت فكرة لا بأس بها)
أنا اشتريت السيارة بعد سنتين من الجواز (لما ربنا رزقنا بالحمل) وقبل كدة كنا عايشين كويس بس طبعاً اقل حرية... يعني مثلاً لازم نروح قبل المواصلات ما توقف و كده.. والحمد لله العربية بتسهل حاجات كتيير جداً ومنها لو عاوز تعمل كذا مشوار في نزلة واحدة أو عاوز تروح متأخر .... الخ بس قصدي كان أن السيارة متعبة برضه (في القاهرة على الاقل)