مصر موتورز مجتمع السيارات - طريقة تغيير الزيت للفتيس الـ (DSG) وطريقة ضبطه باستخدام اجهزة الفحص

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: طريقة تغيير الزيت للفتيس الـ (DSG) وطريقة ضبطه باستخدام اجهزة الفحص – خاص بمصر موتورز

بص يا كبير عاوز اعرف لية فية اسطوانتين
انا اعرف تعدد الاسطوانات لبعض انواع عربيات النقل لتوزيع الاحمال ونقط التلامس
بس في الملاكي اية فايدتة
ولية ماعملوش ملو الفتيس من اعلي لية التعقيد
وطبعا الزيت يعتبر زيت فتيس عادي مش هيدروليكي

رد: طريقة تغيير الزيت للفتيس الـ (DSG) وطريقة ضبطه باستخدام اجهزة الفحص – خاص بمصر موتورز

اقتباس:

المشاركة الأصلية كتبت بواسطة amr elsisi 1 (المشاركة 960301)

صباح الخير يا باشمهندس عمرو حضرتك تقصد ايه بالاسطوانتين حضرتك تقصد 2 كلتش (wet) ولا 2 ديسك واسطوانة (dry) ولا 2 عمود نقل حركة

ملف مرفق 13927

.

رد: طريقة تغيير الزيت للفتيس الـ (DSG) وطريقة ضبطه باستخدام اجهزة الفحص – خاص بمصر موتورز

دردشة علي الماشي

لو رحت تغير زيت بلاش يجي الصنايعي يقول لك متقلقش يا بيه ويشربك قهوة ويقولك كميه الزيت اللي هتنزل هي اللي هحضها انا مش هلعب او اغير حاجة ودا طبعا عشان يهرب من موضوع ضبط الكمية عند درجة الحرارة المطلوبة (35-45) طب هو ايه اللي عرفه ان الزيت اللي في الفتيس مش ناقص او مش ذيادة - حاول تغير الزيت عند حد عنده الجهاز عشان الموضوع يبقي صح و ميبقاش فيه اي نتشات او تاخير في النقلات (ضبط الزيت هو روح الفتيس الـ DSG )

رد: طريقة تغيير الزيت للفتيس الـ (DSG) وطريقة ضبطه باستخدام اجهزة الفحص – خاص بمصر موتورز

لكل السادة الزملاء الافاضل اللي قروا الموضوع دا فيه سؤال دايما بتسأله
حضرتك ليه مبنضفش الزيت الجديد من فتحة الفلتر وليه دايما بنضيفة من تحت ونقعد نعمل خراطيم ونوصل من تحت ....... حضرتكم تفتكروا ليه..؟؟؟؟؟؟؟؟؟؟؟

رد: طريقة تغيير الزيت للفتيس الـ (DSG) وطريقة ضبطه باستخدام اجهزة الفحص – خاص بمصر موتورز

اقتباس:

المشاركة الأصلية كتبت بواسطة romeoalmansour (المشاركة 960377)

الموضوع ده له علاقة بميكانيزم حركة الزيت جوا الفتيس أكيد الموضوع كبير
طلاما ظبط مستوى الزيت على درجة حرارة معينة وبرنامج يبقى أكيد الموضوع معقد
دوبل كلاتش عشان دوبل شجرة توزيع وفى الآخر تتجمع على الكرونة
ده شغل عالى اوووووووووى

تسلم يا بشمهندس رامى على الشرح الرائع والممتاز ROSE4UROSE4UROSE4UROSE4U

بعتزر انا مسافر بورسعيد النهردا مش هقدر أجيلك لو ينفع السبت هكلمك بإذن الله ROSE4U