رد: مشكله في الار بي ام مش ثابت " بيطلع وبينزل" جيب شيروكي سبورت 2003
للأسف النهاردة الصبح ظهرت حاجة جديدة معايا
وهي ان صوت الشكمان بقي عالي جداً وزاد الصوت كلما دوست بنزين والسيارة بتطفي لما ارجع مارش هل ده بسبب حساسات الشكمان |
رد: مشكله في الار بي ام مش ثابت " بيطلع وبينزل" جيب شيروكي سبورت 2003
ياريت تكشف علي العربية بسرعة وتقول لنا عملت ايه احتمال علبه البيئة |
رد: مشكله في الار بي ام مش ثابت " بيطلع وبينزل" جيب شيروكي سبورت 2003
اقتباس:
بس معلش استحملني هي ايه علبة البيئة دي وفين مكانها لو سمحت هو اكيد الفني هيعرفها بس انا حابب اعرف بدل ما يشتغلني معلش هو الموضوع عندي هنا اصعب من مصر |
رد: مشكله في الار بي ام مش ثابت " بيطلع وبينزل" جيب شيروكي سبورت 2003
اقتباس:
علبه الشكمان موجودة في الشكمان |
رد: مشكله في الار بي ام مش ثابت " بيطلع وبينزل" جيب شيروكي سبورت 2003
السلام عليكم ورحمه الله
وبعد طول غياب ابشركم الحمد لله تم الوصول الي سبب المشاكل الي عندي انا رحت لمتخصص جيب في جدة كان شاكك في حساس الهواء يكون هو المسبب لعدم ثبات الار بي ام المهم قعد يخبط عليه شويه بدون استجابه بعد ذلك قام بفك البوابه كامله وبنظرة الخبير قالي مسمار الهواء ملعوب فيه من قبل ومش ممكن يرجع تاني زي ما كان من قبل المصنع وقالي انت لازم تغير البوبه كامله قولتلو ماشي اذا كان هيحل المشكله فا توكل علي الله المهم غير البوابه وفعلا لقيت صوت السيارة تغير تماماً ولكن بعد ما بتسخن السيارة بيرجع كل شئ زي ما كان ويبداء التذبذب يرجع تاني بس اقل من الاول المهم لما روحت ووقفت السيارة سمعت صوت غليان مياه فا رجعتله تاني فا بص وقالي انت لازم تغير الغطاء بتاع الطرمبه عشان بينفس المهم بعد ما غيرته خفت المشكله شويه ولكن لازلات السيارة تسخن ولما تسخن صوتها كله يتغير المهم قولت ابص علي الريديتر لقيته بينفس من خرم قديم كان ملحوم علي البارد في الغطاء البلاستيكي فا توجهت لمحل الرديترات وقام بفك الرديتر المهم بقي اعزكم الله شوفت منظر ما شوفتوش في حياتي الرديتر تقريبا ممغلق من كتر الوسخ والصداء لدرجة الباكستاني قعد يتريق عليا المهم الحمد لله تم تنظيفة وتغيير القطعة المخرومه ووضعت مياه ايسيديلكو وكأني ركبت سيارة اخري غير الي كنت راكبها من قبل المهم فاضل شويه عفشة وربنا يكرم اشكر اهتمامكم وردودكم خلال الفترة الماضية |
الساعة الآن 07:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017