رد: مساعدة ،، تركيب تربو لفلوينس 2012
 

لا المعلومات دى مش للماتور بتاعى ،، الماتور عندى 1600 cc

رد: مساعدة ،، تركيب تربو لفلوينس 2012
 

بص يا باشا هيا دى امكانيات العربية http://www.auto-data.net/en/?f=showCar&car_id=18014
هتفيدك فى حاجة المعلومات دى ولا لازم تشوف العربية اول ؟؟

رد: مساعدة ،، تركيب تربو لفلوينس 2012
 

المعلومات دية اهم حاجه فى الموضوع عشان اقدر احسب عربيتك محتاج هتربو يطلع هواء قد ايه بالظبط من خلال برامج مخصصة للتعديلات دية

مثلا انا اخدت من الصفحة سعة المحرك و معامل الانضغاط و قطر السلندر و الشوط و الار بي ام بتاعة العزم الاقصى و افترضت ان درجة الحرارة بتاعة الجو 25 درجة و افترضت ان كفائة موتورك حاليا 70 % فالبرنامج حسبلى معامل الانضغاط و التربو اللى يركب المفروض يكون مواصفاته ايه و درجة الحرارة هتكون كام بعد ما يركب للهواء و هيزود تدفق هواء قد ايه

فى جداول تانية بقى حسبت ابعاد التربينة و قوة الموتور بتاع التربو

http://www.masr1.com/di-0SCZ.png



لما اشوف العربية هعرف الاينجين فى اى كام بالظبط فممكن تطلع 80 % مثلا ممكن 60 %ليها طريقة للحساب على عداد الار بي ام و بيفصل امتى بالظبط


لما اشوف قطر البوابة كام هقدر احدد قطر خرج التربينة كام و بالتالى اقدر احدد بالظبط انه انسب اختيار ليك عشان احقق الارقام اللى حسبتها تربينة واحده كبيرة 2 صغيرين واحده كبيرة و التانية صغيرة اكتر من 2 لسبب بسيط جدا لو البوابة 3 بوصة مينفعش اركب تربو 2 بوصة ممكن اركب اعلى 3.5 بوصة مثلا بناء على المعلومة دية اقدر اعمل حسابات سليمة مطلوب منى اطلع ضغط معين و كمية هواء فى الثانية بمقدار محدد الضغط هيكون فورس على مساحة مقطع البوابة عشان احسب الفورس فحسب قدرة المحرك و وزن التربينة الداخلية مع زارع العزم اللى هيطلع من قطر التربينة الداخلية نفسها و طول الزعنفة اللى عليها

لما اجى احسب معدل التدفق هشتغل على سرعة الموتور و عدد الازرع فى التربينة

لما اجى احسب الكفائة النهائية للتربينة فلازم اعرف طول المشوار اللى هيقطعه الهواء من اول التربو لحد البوابة و ده معناه انى اعرف بشكل نهائى التربو هيثبت فين و طول الخرطوم قد ايه و هيحافظ على الضغط ولا هينفخ " ترجع للخامة "


معلومة اخيرة للأمانة الموتور اللى على عربيتك بتاع 2010 مش 2012 كل مواتير الاستوك 2012 نازله 2 لتر لو دورت على النت هتلاقيها معروضه بره كده

رد: مساعدة ،، تركيب تربو لفلوينس 2012
 

بص بناء على اللى شوفته لتفصيلة العداد و بناء على الارقام اللى انت ادتهالى

وصلنا على البرنامج انك محتاج تربو 4.1 - اللى هيحصل اننا هنستخدم تربو 4.8 فى 0.3 من ضغط الهواء هيضيعو فى الخراطيم و هيتفضل 0.4 الموتور هيستفاد منهم لو حاطط بنزين عالى هيهيجو المكنة اكتر ما هتهيج بعد التربنة

استهلاكك للبنزين هيزيد قبل التشغيل X بعد التشغيل هيكون 1.25 X

هنستخدم موتورين كهرباء المانى 16 امبير 12 فولت - التربينة الداخلية يا اما هتكون فيبر يا اما سيراميك عشان الموتور يجيب اقوى عزم عليها - جسم التربينة الخارجى اللى هو الكويل نفسه ممكن يكون فايبر او المونيوم زى ما تحب - الكونترول عندك خيارات اما بزاير تريجر لاسلكى او بسلك او بأوتوماتك يفتح على ار بى ام معين اما الاتنين

هنستخدم مكان العمة بتاعة الهواء اللى فى الجنب و هنستخدم قواعدها و مسامير تثبيتها مش هنفتح اى مسامير اضافية و هنرمى كل الفلاتر اللى فى السكة هيكون من التربو للأير ماس عدل خرطوم واحد مفيش حد فى سكته


القطعة دية لو هعملهالك هسلمهالك بخريطة التدفق - هشرح دية يعنى ايه فى موضوع قادم مخصوص - بتوضحلك عندك كل ارى بى ام التربو بيتصرف ازاى بيعمل بى اس اى قد ايه و كمية هواء قد ايه

و هنحط بارومتر فى السكه بين ثروتل الموتور و التربو عشان نقيس الضغط على عينك يا تاجر و ممكن نثبته فى الكبوت جمب العدادات


لازم تعرف ان ده لو اسيئ استخدامه هيكون كارثة ممكن تعور حد او تعور نفسك قبل ما اركبهولك هتخلى مسؤوليتى من اسائة استخدامه و حاول تركب عربية فيها تربو تجرب و تعرف

وقت ما تاخد قرارك قولى دية صورة التصميم هو ده اللى هسلمهولك تفاصيل التصميم هتفضل عندى لكن القياسات بياخد كهرباء قد ايه و بيطلع هواء قد ايه هتكون معاك

لو ركبته هنروح نقيس على الكمبيوتر تأثير الزيادة فى العزم قد ايه بالظبط العربة كلها هتترفع و العجل حر و تجيب اخرها بدون مقاومة هواء ولا طريق

http://www.masr1.com/di-73RZ.jpg

رد: مساعدة ،، تركيب تربو لفلوينس 2012
 

السلام عليكم انا عارف ان للموضوع اتقفل من زمان بس حابب اسئل عن تكلفة تركيب التيربو الآن و وقت تركيبة اد اية و أخيرا هيستهلك بنزين اد اية؟