|
رد: مجرد فضفضة فى زمن الإخوان
أول رئيس بعد فساد30 سنة أكيد لا يملك عصا سحرية لتحويل الخراب إلى تقدم
واللى حصل مع المريض ده كان حيحصل أيام مبارك وكان حيحصل لو فى رئيس غير مرسى لأن معظم الشعب عنده أمراض خطيرة وإقتصادنا هو كمان مريض ولا أحد من المعارضة الخبيثة يعطى له الفرصة كى يتعافى(مع إحترامى للمعارضين الشرفاء وهم قلة) بجد كان نفسى الإخوان مايترشحوش المرة اللى فاتت دى مش لشىء إلا لأنها جماعة خير طيبة والمرحلة الانتقالية صعبة بجد وكان متوقع إن كل الليبراليين والعلمانيين حيجتهدوا لإفشال من يترشح من أى إسلامى لكرههم للدين وكل من يعمل له وبه لانملك سوى الدعاء لبلدنا الحبيبة وعلينا بالصبر والإجتهاد فى أعمالنا المختلفة لرفعة شأن مصرنا الحبيبة وأسأل الله العظيم رب العرش العظيم أن يشفى مريضكم شفاء علجلا لايغادر سقما:140109~347: |
رد: مجرد فضفضة فى زمن الإخوان
اقتباس:
يا فندم جزاك الله خيرا على إعتذارك لاننى فعلا تألمت جدا من مشاركتك اللى قلت فيها انى دبلوم تجارة بالرغم ان اللى مؤهله دبلوم ده برضه انسان وله حق العلاج فى بلده ودبلوم التجاره ليس سبة او شتيمه فأنا احترم الأمى واللى لم يتعلم فى بلدى أكثر من المؤهلات العليا ودكاترة الجامعه لانهم كان الله فى عونهم لان أستاذ الجامعة تعبان فى البلد يبقى همه عاملين ايييه ولكن ما اغاظنى انك كل اللى لفت نظرك فى الموضوع من اوله انى ممكن اكون لست مؤهلة علميا علشان أقول آآآآآآآآه الألم يا فندم يشعر به المتعلم والجاهل المرض اللى انا دايخة بيه الآن يؤلم المتعلم والجاهل تكاليف العلاج الخرافية تعجز المتعلم والجاهل المطالبات المالية من طوارئ المستشفيات يعجز عن دفعها المتعلم و الجاهل الجلطة فى المخ لا تفرق بين متعلم وجاهل او دبلوم ودكتوراه تغيير صممات القلب اللى تعب فى البلد بتتغير للمتعلم والجاهل لما تكون عجزت عن الاخراج الطبيعى وتعمل الاخراج بالقسطرة ده بيوجع المتعلم والجاهل سرير المرض اللى النوم عليه يصيب تقرحات الفراش يصيب دبلوم التجارة و الدكتوراه لما تكون موجوع ومتحسر على أعز انسان عندك ورفيق عمرك وأبو أولادك وحبك الأول و الأخير ومش عارف تشيل وجعه إزاى ساعتها مش هتقول الله يكون فى عون مرسى و لا مبارك هتقول حسبى الله ونعم الوكيل فى مرسى ومبارك وكل الرؤساء لما تبكى بدل الدموع دم مش هتقول خليكى منصفة و إعذرى الأخوان هتقول ربنا ينتقم من كل مقصر فى عمله ايام مبارك ولا ايام مرسى انا لا يهمنى مبارك ولا مرسى ولا احب مبارك و لا مرسى ولا غيرهم انا لا احب الكلام فى السياسة أصلا انا أحب فقط زوجى وأولادى و أسرتى ومش عاوزة غير حياة آدمية ومستشفى آدمى أتعالج بكرامة و عزة نفس اقتباس:
مش قادرة بصراحة أقولك اتقى الله انت ومش قادرة اقولك لما تجيلك جلطة تبقى تحس بالمصيبة ولكن ربنا يسلمك انت وكل الاعضاء من أى مرض انا بتكلم فى وادى وحضرتك فى وادى تانى خالص انا لا عاوزة اهاجم الاخوان ولا مرسى ولا مبارك ولا تهمنى السياسة برمتها ومش عاوزة ادخل فى جدال سياسى ومين صح ومين غلط وبصراحة انا عانيت كتييير واتوجعت كتييير فى زمن مبارك ولا زلت أعانى واتألم فى زمن مرسى و الاخوان وفى حاجات كتيييير لو أنا مكان مرسى كنت هعملها وأكيد أعضاء كتييير هيردوا على حضرتك فى الموضوع ده أبسط شئ يا فندم انى اوفر للمواطن البسيط العلاج - المستشفى للطوارئ دى سيارة الاسعاف بتأخذ 200 جنيه للنقل للمستشفى من 6 أكتوبر للقصر الفرنساوى دى تكاليف عملية قلب بأتعاب الطبيب تصل لأرقام لا تتخيلها اييييه ده أى بلد دى أنا سافرت خارج مصر المريض آدمى والتكلفة ليست بهذا الشكل وبعدين بدل الدفاع العميانى ده كده قولنا حضرتك ايه اللى اتصلح فى البلد فى مجالات ( الصحة - التعليم - الأمن - الغذاء وسعره - البنزين غيره وغيره ) ومحدش يقولى الصبر الصبرالصبر أنا صبورة جدا ولا احب التجاوز برضة او الشتيمه فى رئيس او غيره ولما بتناقش بيكون نقاشى محترم بس خلاااااص فاض بيه وطفح الكيل :shwt::shwt::shwt:MADMADM ADMADMAD |
رد: مجرد فضفضة فى زمن الإخوان
المشكله ان فيه ناس مشاركتش و لو عاطفيا في الثوره :12F095~175:و ديت عامله مشكله في تعاملهم مع الثوار و المعارضه و الناس كلها او الشعب نفسه بشكل عام في البلد و عمرهم ما يقدروا و لا هنقدر نشتغل و نشغل البلد و نقوم بالبلد و شويه الحشو الدبلوماسي اللي سيادتك معترض علي كلامي اللي باكتبه دلوقتي مسبقا .؟؟؟. و حقك و انا سعيد انك سالت السؤال ده :hech:.؟؟؟.
لان زي ما الديمقراطيه بعد الثوره بتعطي لاي مصري يقول هو شايف النظام ازاي .؟؟؟. و انا قلت رايي و حضرتك اعترضت .,,,. عادي :01EDE7~120:.,,,. سؤالك في قصه هتعمل ايه و الخطه .؟؟؟. لما ابقي رئيس ابقي اقول ساعتها :121D6A~142: .,,,. هو اساسا انتوا و اللي بدافع عنهم عملوا ايه في ال 100 يوم او حتي ال 6 شهور غير العناد و اننا ازدادنا فرقه و طريقه تجار الدين و قنواتهم اكسبت المعارضه الحق و كمان زودت المعترضين اكثر اعتراضا و اخيرااا بس عشان زهقت من الكتابه:fun_36_1_47[1]: كنت شكلت حكومه متخصصه .,. عندي تقارير وزارت زي الصحه و الوزارات اللي بستنزف فلوس و وزارات زي البترول اللي بتدخل فلوس و اطلع اتكلم مع الشعب و اشوف الراي العام مهياش مساله عند و عافيه مش هينفع مع مصر تاني .,,,. ادعو الي سبيل ربك بالحكمه و .؟؟؟؟.:HAPPY_~211: |
رد: مجرد فضفضة فى زمن الإخوان
اقتباس:
و هو اي علماني ليبرالي مسلم بيكره الدين .,,,. الله اكبر الله اكبر .,,,,. المغرب اثابكم الله ... و اخيرااا ايه الفرق بين مرشح مسلم و مرشح اسلامي .؟؟؟. SLAM |
رد: مجرد فضفضة فى زمن الإخوان
اقتباس:
طب وليه حضرتك تاعبة نفسك فى التوصيف علمانيين وليبراليين ما بدام بيكرهو الدين كدة يبقو كفرة ولاد ستين XXX المفروض نقتلهم كلهم ونستريح اصلاً الا هو صحيح يعنى ايه ليبراليين :thnkr: http://www.youtube.com/watch?v=Tww3vFWofws |
| الساعة الآن 06:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017