مصر موتورز مجتمع السيارات - طلب مشورة افضل سيارة فى رينج 150الف

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - طلب مشورة افضل سيارة فى رينج 150الف (https://www.masrmotors.com/vb/showthread.php?t=103776)

رد: طلب مشورة من الزملاء الأعضاء

والله يا جماعة نفس اللى إتقال لى قبل كده من إن العربية دى مع إنها جميلة ومتميزة بالإضافات العديدة التى وضعتها رينو فيها لكن بسؤالى لبعض الأصدقاء ممن سبقونى بشراء هذه السيارة شرحوا لى بعض عيوبها :
أولا : كبر حجمها بطريقة مبالغ فيها والتنفيخات المعمولة فى الرفارف خاصة الأمامية تجعلها عرضة للحكات فى شوارعنا المزدحمة
ثانياً : عيوب فى مؤشر البنزين إشتكوا منه ناس كتير وده بسبب تموينها ببنزين 92 وهى عايزة بنزين 95 أبو 5.85 جنيه
ثالثاً : العربية وزنها تقيل والأولانى فيها بيخليها ماشية زى البطة لكن بعد كده بتفتح
رابعاً : سمك صاج العربية قليل وبالتالى عرضة للإنبجاعات والخبطات المؤثره
خامساً : الفتيس بتاعها ستيب ترونك 4 سرعات وليس 6 كما فى بعض العربيات
سادساً : قطع الغيار موجودة داخل التوكيل فقط مما يعرضنا لإستغلال الوكلاء
سابعاً : عفشتها غير متطورة مع تطور التجهيزات المزودة بها بل هى عفشة عادية
من أجل هذا تم تحويل الدفة نحو اللانسر البومة 2013 ذات الشكل الجديد وتوجهت الى شركة الطارق وقمت بعمل تعديل فى طلب الشراء وإستلمت السيارة اللانسر بعد نصف ساعة حيث توجهت لمخازن الشركة وتم تسليمى السيارة وسأقوم بترخيصها بعد وصول أوراقها من القاهرة
أخيراً كل الشكر والتقدير لكل زميل شارك برأيه وتقدم بمشورته لى وده جميل فوق رأسى ، وهكذا نحن فى مصر موتورز يساعد بعضنا بعضاً
وإلى الأمام دائماً يا مصر موتورز

رد: طلب مشورة من الزملاء الأعضاء

الف مبرووك يا باشمهندس ربنا يباركلك فيها ويكفيك شرها

تقبل تحياتى

رد: طلب مشورة من الزملاء الأعضاء

اقتباس:

المشاركة الأصلية كتبت بواسطة نبيل عبدالرحمن (المشاركة 810043)

كويس جدا انا كنت كاتب رد ان حضرتك تجيب لانسر بس بعديها لقيت ان حضرتك حجزت فلونس قمت معدل وقايل مبروك

رد: طلب مشورة من الزملاء الأعضاء

خير ما فعلت يا باشا بس بردو مستنيين التقرير.

رد: طلب مشورة من الزملاء الأعضاء

الف الف مبروك يا بشمهندس .,. :010104~171:و منتظرين التقرير