![]() |
رد: قواعد الموتور .............مالها .....وما عليها
اقتباس:
ممكن يتلف قواعد الموتور وأنما كون سرعة السلانسيه زائده عن الحد هو الذى من الوارد فنيا أن يؤدى إلى 1- تعرض المكنه لذبذبات عاليه ( عموديه لأعلى وأسفل ) كأنها بتتنطط على الشاسيه ( الثابت أساسا ) وده بالطبع بيعرض كاوتش القواعد لإجهادات عاليه عن الوضع الطبيعى فمفيش شك نطه معقوله ...........مع سلانسيه معقول لن تكون مثل نطه عاليه ..........مع سلانسيه عالى ______________ فيه فرق بين السرعات والنطات مش بيقولوا إللى يبص لفوق يتعب ___________ على فكره أنا فى أنتظار الرد من صديقى ببورسعيد بخصوص الكبالن |
رد: قواعد الموتور .............مالها .....وما عليها
الف شكر على الرد هنا
و على الرد فى موضوعى و بجد انت رجل و الرجال قليلGIFT4U |
رد: قواعد الموتور .............مالها .....وما عليها
السلام عليكم ورحمة الله وبركاتة
ماشاء الله ربنا يبارك فيك يا بشمهندس سمير انا بقى عندى مشكلة عويصة جدا انا معيا الانترا اتوماتيك 2006 مشتريها من حوال 4 شهور واستعمالى ليها قليل جدا بالكتير 500 كيلو فى الشهر المهم بقى يا سيدى انا ساعت ما اشترتها رفعتها فى البنزيمة وقالى المهندس ان كله تمام بس قاعدة الفتيس الخلفية عايزة تتغير ويا ريت لو تغيرها هيا و الامامية بالمرة وملاحظة اخرى ان عداد الاربى ام بيتحرك بطريقة متقطعة بين ال 1 و ال 4 وهوا نازل او طالع وليس لهذة المشكلة علاقة فعلية بالموتور ....معلش طولت عليكو بس قولت اعترف بكل اللى اعرفة مشكلتى بقى هيا انى من شهر قولت بقى اظبط الدنيا و روحت غيرت السيور والقاعدتين والزيت والفلتر بتاعة والبوجيهات و بعد ما الميكانيكى خلص اخدت لفة و بمجرد ماقعدت فى العربية حسيت برجة فى الدريكسيون والعربية كلاها على السلانسية ..اتحركت بالعربية الرجة مش مريحانى رجعت للميكانيى وقلتلو قالى موضوع القواعد تريح ومتريحش المهم الكلام مدخلش دماغى خليتو غير البوجيهات القديمة ونفس المشكلة وفى الاخر الليل كان لييل و مشيت على كدة مشيت بيها بعد كدة بتاع 1000 كيلو المشكلة زى ما هى رحت لو تانى فك القواعد و ريحها وربط تانى و المشكلة زى ماهى المهم سبتو وبعد كام يوم رحت البنزيمة اللى رفعت العربية فيها و اشتكيت للمهندس اللى هو مدير البنزيمة وبصراحة هو راجل بيفهم لانى ديما برفع عندة العربيات اللى بنشتريها انا واصحابى من زمان ما طولش عليكو رفع العربية وبص على كل قاعدة وخلى الميكانيكى بتاع البنزيمة يتأكد من الربط وبعد كدة دورت العربية و المفجأة المشكلة لسة زى ما هية قالولى كمبيوتر و روح التوكيل قولت يا جماعة مكانت ممتازة قبل ما اغير الليلة دية اية اللى جد عالكمبيوتر قولت ماشى وعملت ريست للكمبيوتر و شغلت العربية على السلانسية بعدها لمدة ساعة كاملة والنتيجة يبقى الحال على ما هو علية و على المتضرر اللجوء لحد بيفهم ........هذا كل ما حدث بأختصار شديد شديد جدا جدا و ارجو انى مكنش طولت عليكو444546444546 |
رد: قواعد الموتور .............مالها .....وما عليها
اقتباس:
أنا شايف المشكله فعلا فى حريق المكنه مش فى قواعد الموتور فا المفروض أولا تحصل على وضع لسرعة المكنه على السلانسيه ثابت على عداد ال rpm ( يعنى المؤشر كأنه ميت مكانه ) فى حدود تصميميه مقبوله تتراوح من 700 إلى 900 لفه / دقيقه وده نحاول معاه كالآتى 1- تنظيف بلف الأيدل كنترولر الموجود على بوابة المكنه 2- تنظيف بوابة المكنه كويس أوى بكاربكلينر والتجفيف ثم التزييت ب wd40 فى محاوله أوليه لتحسين أشارة حساس البوابه tps sensor 3- تغيير فلتلر الهواء بآخر جديد حاول تعمل الحاجات دى وقوللى وصلت لفين قبل مانروح فى أتجاه آخر |
رد: قواعد الموتور .............مالها .....وما عليها
انا متشكر جدا لحضرتك على الاهتمام وسرعة الرد بس عايز اقول ان سحب العربية و الحمد لله مازال فوق الممتاز من ساعت ما اشتريتها و اذاى يكون السبب حاجة تانية غير الحجات اللى اتلعب فيها قصدى ان اية اللى هيبوظ حاجة تانية صدفة فى نفس ميعاد الشغل اللى اتعمل فى العربية و اكرر شكرى لحضرتك
|
الساعة الآن 02:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017