رد: مركز إي سي يو كوماندور (Ecu Commander) - لخدمة إلكترونيات السيارات
اقتباس:
وكده أنا كنت قد فكرت فى بيع السيارة الهيونداى ، وبكده هابيعها وأنا مرتاح البال |
رد: مركز إي سي يو كوماندور (Ecu Commander) - لخدمة إلكترونيات السيارات
الأخ الباشمهندس أسامة .. لك مني ألف تحية وسلام .. وأهنئك على ضميرك الحى ، وبعد ..
أنا عندي سيارة سبرانزا A620 موديل 2007 مستعملة إشتريتها منذ ثلاثة شهور ومنذ ذلك الوقت ولمبة الإير باج مضيئة دائما .. وذهبت إلي Firt Car ولم يستطيعوا إطفائها .. هل عندك حل لهذة المشكلة .. وما معنى أن اللمبة مضيئة علطول .. وهل تعمل في السيارات الصيني أصلا ؟ والسلام ختام |
رد: مركز إي سي يو كوماندور (Ecu Commander) - لخدمة إلكترونيات السيارات
والله يا فندم لو العربية أصلاً فيها إيرباج يبقى فيه مشكلة في كنترول الإيرباج ولازم يتكشف عليها.
أما بقى لو اللمبة منورة على طول من ساعة ما سعدتك اشتريتها فمن الوارد إن العربية كانت عاملة حادثة والإيرباج فتح وقام صاحب السيارة السابق باستبدال عجلة القيادة بأخرى غير مجهزة بإيرباج وطبعاً في هذه الحالة عمر اللمبة ما حتطفي. |
رد: مركز إي سي يو كوماندور (Ecu Commander) - لخدمة إلكترونيات السيارات
الاخ م/أسامة اشكر حضرتك علي المعلومات الوفيرة اللي بتقولها وكان لي استفسار أنا ناوي اشتري جهاز انذار جديد عاوز اعرف نوع ماركة كويسة يكون فيها الخاصية اللي حضرتك ذكرتها بتاعة طلمبة البنزين
وهل الوولف فيه الخاصية دي? شكرا لحضرتك |
رد: مركز إي سي يو كوماندور (Ecu Commander) - لخدمة إلكترونيات السيارات
في الحقيقة معنديش فكرة بأنواع أجهزة الإنذار
متوفر لدينا في قسم الكهرباء في المركز أجهزة إنذار بس في الحقيقة معرفش إيه الأنواع لأنها بعيد عن تخصصي بس ممكن استفسر لك |
الساعة الآن 09:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017