المشاركة الأصلية كتبت بواسطة Dr/Mohammed (المشاركة 99948)

يجزيك الله كل خير ابو نورا
وربنا يديك بجد علي قد نيتك
انا رحت الصيانه وقابلنا مهندس هناك وهو المسؤل عن العربيه بتاعتي
وطلع جرب العربيه وكده
وهو كان محترم الصراحه
المهم
انا كنت راحلهم بلسته المشاكل الي كاتبها وكانت الاتي

1.الفرامل بتسيب مش عارف ايه ده بصراحه
2.فرامل اليد بايظه الواير يتشدهولك او هيتغير
3.مع الفرامل العربيه بتحدف شمال ظبط زوايا
4.العربيه مع السرعه العاليه بتاخد شمال ترصيص
5.العربيه مش عايزه تزود عن سرعه 120 عشان لسه بتلين
6.صوت الماتور عالي جدا جدا جدا برضه عشان لسه بتلين
7.العربيه بتحرق بنزين جامد جدا عشان برضه لسه بتلين ( انا زهقت من التليين )
8.كان في حته في جمب العربيه من الفرش الارضي ليها مقطوعه قولتلهم يعملوها هتتظبط ان شاء الله
9.المرايات واحده بتفتح قبل واحده بفتره تظبيط في الكهربا ( بسيطه )
10.الكاسيت بيعلق هيراجعوا علي السلوك بتاعت الكاسيت و يبنضفوا العدسه
11.السماعات فيها لغوشه هينضفوا السماعات و يراجعوا علي وصلاتها
12.العربيه سحبها وحش جدا عشان بتتقندل بتتلين
13.الريموت باظ لا حول و لا قوه الا بالله ( ايه العربيه دي يا عم )

المهم قالي هانظبطهالك

وبعدين خد العربيه ودخلت الصيانه
ورحت جمعتي ورجعت لاقيتها لسه في الصيانه دخلت مكان الصيانه انا ووالدي وقابلنا المهندس الي كان بيصلح فيها
قولتله فيها ايه
بكل عجرفه كده وقرف يبصلي من فوق لتحت كده يعني بقرف اذا يعني اساله سؤال عن عربيتي
المهم يقولي كان في شويه هوا في زيت الفرامل ودلوقتي كل حاجه تمام

طبعا مرضتشي اقل ادبي عليه وقولت خلي اليوم ده يعدي علي خير بقي كنت لازم تقل ادبك عليه عشان طريقه الرد دي

وطلعت جربت العربيه لاقيت الصوت ماذال بايظ مش هتكلم عشان شكلي هشتم التوكيل ده هههههههه
الفرامل بقت حلوه بس حاسسها غريبه عاااااااااااااادي
العربيه سحبها وحش جدا قولنا بتتنيل في التليين
كمان الحته المقطوعه في فرش العربيه من الارض متعملتشي هتتعمل المره الجايه
والعربيه ماذال صوتها عالي عاااااااااااااادي في التليين

دخلوها صيانه تاني
وقالولي كله تمام
ومن الي فات مفيش حاجه اتعدلت غير السماعات طب الحمد لله ان في حاجه اتصلحت

المهم قالولي بس انت جربها كم يوم وكله هايبقي تمام ان شاء الله قولت وماله ختها وروحت هي جزمه و هتوسع في رجليك ايه كلامهم ده

المهم النهارده رايح القصر العيني
وعلي المحور فجه مطب مختش بالي منه فدوست علي الفرامل جامد حاجه بسيطه مش قوي بس حاجه بسيطه عن الطبيعي ابقي خلي بالك و بلاش جري
اتلاقيت صوت زي ايييييييييييييييييييييييي ييييييييييييييييييييييييي ييييييييييييييييييييييييي يييييييييييي

اكن الفرامل كلبشت علي بعضها

المهم قولت اعدي عليهم اقولهم مش هاستني لما الفرامل تسيب

لاقيت المهندس الي استقبلني امبارح بيقولي جيت تاني انا طهقت وبيعمل باديه عشان كنت اولع فيه لو كنت مكانك ( طالما انا محترم اللي هيقل ادبه عليا هولع فيه عشان انا محترم معاه )
المهم طلع جرب العربيه يقولي لا ده طبيعي لا كل حاجه تمام انت بيتهيالك
اقوله من يوم ما غيرت زيت الماتور والفلتر وهي سحبها وحش وصوتها عالي
يقولي ملهاش علاقه انت دكتور وده شغل مهندسين واحنا فاهمين ده وده ملهوش علاقه شكله الراجل ده هقتله عشان كلنا نستريح ههههههههههههههه
المهم كان معايا صديق وفضل يشد معاه شويه في الكلام لان طبعا حسيت بلا مبالاه منهم طب كويس ان في حد شد معاهم عشان مش ناقصه قله ادب
المهم قاله اه النيسان كده صوتها عالي وفيها مشاكل والتوكيل معمول علشان المشاكل يتحل فيها
تظهر المشاكل في اول الف تاني الف متظهر دي مش مشكلتنا
طبعا ضايقت جدا من التعامل

وخت بعضي ومشيت علشان مش حابب اعمل مشاكل وانا هاسافر وورايا دروس ومش عايز اسوق وانا منترفز وحجزت معاد علي يوم الخميس بكره او التلات الي جي

ده مسلسل الحوار الي حصل يا جماعه

انا بس حبيت اعلمكم انا مش بشهر بالشركه
الشركه كلها عندي متهمنيش اساسا علشان اشهر بيها
واعتقد المنتدي معمول علشان نتكلم براحتنا مادام بادب
هي اه المشاكل مش كبيره لدرجه الخنقه بس الي مضايقني انها لسه جديده
فرقت ايه عن المستعمله

اديني هاوديهالهم تاني ونشوف اخرتهم ايه بقي
بس بامانه بعد المعامله بتاعت النهارده هايبقي كلامي شديد شويه
ومعلشي صدعتكم انا حابب بس احكي لاني مخنوق من الحوار كله