رد: مركز فريد شوقي
 

فرق كبير بين مهندس الميكانيكا و متخصص الكهرباء و الكنترول و ده فرق أنا حسيته لما قابلت المحترم فريد شوقي.. صحيح أنا لسه ماشفتش النتيجة لأن العربية لسه عنده من إمبارح لكن زي ما بيقولوا الجواب بيبان من عنوانه... راجل دوغري بيحسسك إن الدنيا مافيهاش مشكلة إلا و ليها حل و بيتكلم معاك بوضوح مابيسرحش بيك و مش بيسودها في وشك.
و حتى لما لفت نظرة إن الناس هنا بتتكلم عن إنه حريف لكن حراق شوية في الفلوس قاللي يا باشا ده أول تعامل لينا و هاتشوف إني باعلي السمعه مش الجيب... هانشوف.
عموماً ده الإنطباع الأول و إن شاء المولى هاضيف رد على الموضوع لما أشوف النتيجة.

رد: مركز فريد شوقي
 

أولاً أنا باعتذر جداً عن التأخير في الرد لظروف السفر الطويل.. ثانياً أحب أقول إني مهما إتكلمت عن المحترف فريد شوقي مستحيل هاوفي حقه لأن الراجل ده قالي كلمة أول ما اشتغل في عربيتي و فعلاً عمل بيها.. قالي: شوف يا باشا أنا بيني و بينك ربنا
عم فريد هو بدون مبالغة نموذج لفني السيارات اللي بيفهم مش بيفتي و يحددلك التكلفة قبل ما يشتغل و بدون مبالغات.. بيصلح القطع القابلة للإصلاح مش بيغير و خلاص و فوق كدة دكتور في الكنترول و الكمبيوتر
فريد شوقي راجل محترم و حبوب جداً و لو حطك في الـ white list زي ما بيقول يبقى يا سعدك و هناك هتاخد أحلى شغل و قطع غيار for free و شغل عالي قوي

الكلام ده شهادة حق لراجل بجد أنا سعيد و محظوظ إني إتعاملت معاه و أتمنى نفضل حبايب حتى لو بعت عربيتي الستروين و ماحتجتلوش.

بالنسية للناس اللي بعتتلي على الخاص علشان العنوان.. هو ورا بنزينة كار جاز اللي أمام سور مستشفى الوفاء و الأمل في طريق سوق السيارات و رقم تليفونه: 01223236021

رد: مركز فريد شوقي
 

عملهولك بكام لاني عندي نفس المشكله وعايز اعمل نفس اللي انت عملته

رد: مركز فريد شوقي
 

معلش أنا أسف... هو حضرتك بتسأل على إيه اللي بكام بالظبط؟

رد: مركز فريد شوقي
 

فين مكان المركز بالظبط يا جماعه هل قريب من سيتي ستارز؟