رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
 

شكرا على الموضوع فعلا استفدت وهي أول عربية أشتريها ومازالت مع موديل 1991

رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
 

موضوع ممتاز وهايل على فكره طول عمرى بكره شكل البولونيز بس بجد بتعديل الشبكه والشبطه شكلها تحفه تنافس موديلات حديثه اما التابلوه فبجد جيت على الوجيعة اساسا ممكن تجيب القديم استعمال ب500ج انما تابلوه تحفه زى ده ب350 جديد باششششا
كده الف ولا اتنين يحسسوك انك راكب عربية مش كنبه وعموما ليا 3 اسئلة
1 - معايا فيات 125 (اللى بتقول انها نفس الشاسيه ) فهل يركب عليها التابلوه ده بسهولة ؟؟ وايضا ينفع الشبكه الامامية بالفوانيس ؟؟
2 - انا خالى معاه بولونيز 1980 وعمل حادثه جامده رايك يجيب الشغل ده ادام وورا بدل الاصلى ؟؟
3 - انا من الاسكندرية فهل هناك محلات عندنا للحاجات دى ؟؟ وهل الاسعار دى جديد ولا استعمال ؟؟ والاهم رجاااااء ارقام تليفونات الناس اللى عندهم الحاجات دى فى القاهرة والاسكندرية
شكرا

رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
 

هيه نفس الشاسية أه بس مش شرط تبقى نفس المكونات الداخلية والنقطة دي أعتقد يجوبك عليها أحد خبراء المنتدى

هو طبعا الشغل ده أحسن له هو على فكرة برضة أصلى وكان بينزل للعربيات البولونيز اللى في بولندا

الله أعلم بس اللى أعرفه إن قدامك مكان من إثنين يا تنزل بورسعيد يا إما عزبة شلبي وهيه منطقة شعبية في القاهرة بجانب منطقة المطرية وتشتهر بوجود قطع غيار السيارات هناك بكثرة وبأسعار معقولة


وعموما تحت أمرك

رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
 

السلام عليكم ورحمه الله وبركاته
اخي الحبيب والله انا دخلت المنتدي مخصوص وسجلت علشان اعرف معلومات عن العربيه دي
لأني قدامي واحده كويسه كل حاجه فيها فبريكه موديل 87 تقريبا حتي فرش البابان وموكيت الأرضيه وفرش الصالون الأصلي ومعروضه علي 13الف جنيه

بس بعد ما شوفت الموضوع بتاع حضرتك اتشجعت اكثر بس كان لي سؤال عن شويه حاجات في التعديلات اللي زكرتها
بالنسبه للربع الأمامي والفوانيس والشبكه وكده والتابلوه الجديد حاجه تجنن الربع الأخير الفانوس العريض ده يجنن وشكل غطاء الشنطه كل الحاجات دي موجوده فعلا بعزبه شلبي دي والأسعار دي حضرتك جبتها منين شوفتها بنفسك ولا حد قال لحضرتك عليها
وعذرا طولت عليك بس معلش اصلي انا مبفهمش في العربيات نهائي
ارجوا من حضرتك سرعه الرد للأهميه

رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
 

انا بنصح كل الى بيفكر يشترى بولونيز يشترى نفسة و يبعد عنها انا كان معايا بولونيز بعتها و صرفت فلوسها على العلاج من الأمراض الى جابتها العربية النحس دى أولا الشكل الخارجى ميختلفش كتير عن صندوق الزبالة العمومى الى فى الشارع ثانيا أى ميكانيكى بيشوفها بيقرف يصلحها (عن تجربة) ثالثا متفكرش تبعها علشان مش هتلاقى الى يغلط غلطتك و يشتريها منك رابعا عربية مستفزة فى أى كمين لازم تتفتش و تتسحب الرخص خامسا لازم تعطل على الدائرى أو الصحراوى سادسا ممكن تغير قطعة غيار 4 مرات فى شهر سابعا هذة نصيحة لكل من ينوى أتخاذ قرار خاطئ بشراء هذه السيارة النجسة و شكرا للأهتمام