مصر موتورز مجتمع السيارات - للمهتمين بمعلومات عن الاتوس 2011

اقتباس:

المشاركة الأصلية كتبت بواسطة holacokhan (المشاركة 233722)

الف مبروك للأعضاء اللى استلموا واللي لسه ربنا يسهل ف الاجراءات ....

انا كنت عاوز اسأل ؟؟
انا هجيب الاتوس قسط اتصلت ع غبور قالي فايدة 9% من غير تأمين قلتله كتير ف معارض بــ 7.5% قالي دول بيجروا رجلك وهتلاقي مصاريف ادارية كتير ولعب ف موضوع التأمين ..

عموما العربية دلوقتي بــ 55900 بخصم 1000 ج شوفتو الدنيا واحوالها !!!!!!!

اجيب من غبور ؟؟ وهو الوكيل ؟؟ ولا اشوف غيره .....

قسط بقسط بيقى عليك وعلى البنك وماتدحلش فى دوامة التوكيل.. ياعم ده الواحد بيقول يارب الضمان يخلص عشان ينفد بجلدة منهم وانت عايز تتورط معاهم فى قسط.. نصيحة مجربة بلاش.. وروح البنك.. اهم نصيحة انك تعمل تامين بجد بجد فايفرق كتير ويشيل من عنك بلاوى وامان فى نفس الوقت... بس التامين مش معاكم.. اه الاسف غبور هو الوكيل امعتمد الوحيد فى مصر ليهم.. فلما تروح بنك احسن حاجة تجيب عرض العربية من معرض التوكيل نفسه... فى معرض قريب . فى عماد الدين.. الناس هناك كويسيين...وربنا يبوفقك يارب ويباركلك فيها مقدما