مصر موتورز مجتمع السيارات - هل الكلام السيئ اللي بنسمعه عن الميجان هيبقى موجود في الفلوينس؟؟

مصر موتورز مجتمع السيارات (https://www.masrmotors.com/vb/index.php)

- رينو فلوانس Fluence (https://www.masrmotors.com/vb/forumdisplay.php?f=161)

رد: هل الكلام السيئ اللي بنسمعه عن الميجان هيبقى موجود في الفلوينس؟؟

اقتباس:

المشاركة الأصلية كتبت بواسطة POP EL GAMED (المشاركة 148569)

ميجان 2003 او 2002 يعنى ميجان 1 مش ميجان 2
الميجان 1 هات منها اى موديل مكانش فيها اى مشاكل مشهوره بيها
والسعر مش محدد بالنسبه للميجان 1 لانها نادره شويه عن الميجان 2 بس لو حالتها حلوه ممكن تعمل فى حدود ال50 او 55 لل2002 اوتو

متشكر جدا يا باشا بس ياريت تقولى عن قطع الغيار ايع ظروفها وادينى امثلة والصيانة عاملة ايه معلش هتعبك معايا

رد: هل الكلام السيئ اللي بنسمعه عن الميجان هيبقى موجود في الفلوينس؟؟

احب أقول انى معايا رينو من 2003 كليووأقل حاجة اقولها انها عربية ممتازة من وجهة نظرى ويم ما اغير حجيب رينو تانى والكلام دة بقولة بصدق مش دفاع وبس

رد: هل الكلام السيئ اللي بنسمعه عن الميجان هيبقى موجود في الفلوينس؟؟

مش معني ان عربية او اتنين طلع فيهم عيوب يبقي كل الرينو وحش انا لي اكتر من واحد معاه ميجان 2 و وعمرهم ما شتكو من حاجة ولا هي بتبقي حظوظ

رد: هل الكلام السيئ اللي بنسمعه عن الميجان هيبقى موجود في الفلوينس؟؟

السلام عليكم جميعا.....
ممكن حد يقولي عيوب الرينو لوجان الي تقفيلها مغربي....
عايز اعرف اخبارها وهل ظهرتلها عيوب ولا لااااااااااا
واشكركم جميعا جميعا

رد: هل الكلام السيئ اللي بنسمعه عن الميجان هيبقى موجود في الفلوينس؟؟

ROSE4Uالسلام عليكم و رحمة الله و بركاتهROSE4U

أنا قريت التوبيك كله , ال5 صفحات كلهم و اللى أنا استفدته الآتى:

أن الرينو ميجان حلوة من أول 2006 و طالع .

أن سعر اعادة البيع للرينو واقع و بالتالى حرام أن الواحد يجيب حاجة النهاردة ب 140000 جنيه عشان أبيعها بعد 3 سنين ب 80000 جنيه لأن الواحد مابيلاقيش الفلوس فى الشارع .

أن أفضل وسيلة للحكم على العربيات الرينو و مش الرينو بس لحسن حد يفكر أنى بهاجم العربية الرينو لأ, و على ماركات تانية كتير, أن الواحد يحكم عالعربية بعد ماتجرى فى الشوراع 3-4 سنين , يعنى ماحكمش على الميجان ال2004 قبل 2008 و ماحكمش على ال2006 قبل 2010 و بالتالى , لو الفلوينس نازلة 2009 , ماحكمش عليها قبل 2012-2013 .

أنا عن نفسى معجب جدا بشكل الفلوينس , بس خايف و مش هطمن الا لما أعرف أن العربية جريت فى شوراع مصر المهروسة بتاع 3-4 سنين و أى عيوب مستخبية مابتبانش الا بالاستخدام الطويل المعتدل المعمر , تكون بانت .

صح الكلام و لا ايه رأيكم , ياريت الأخوة الأفاضل يشاركونى بالرأى و الكلام الموضوعى عشان نوصل لرأى واحد سليم و منطقى و ياريت لو رأيى اللى أنا كاتبه فوق مش عاجب حد, يصحح لى و يقولى رأيه بمنتهى الهدوء و الموضوعية و مشفوعا بالأدلة بدون أى تريقة أو خروج عن المضمون .

MERCEDES S550