رد: لوجان ولا أفيو
 

يااقدعان فيه عربيات بدول الخليج اسعارها رخييصة

انا مابعرفش ليه الغلاء الفاحش في اسعار السيارات السنه دي

رد: لوجان ولا أفيو
 

الشكر لله يا استاذ سمسم و ربنا يخليك و يوفقك
واضح من كلامك انك كنت راكب عربية قديمة يعنى قطع غيارها رخيصة
المهم اى حد بيكون عنده عربية قديمة و بيشترى عربية جديدة لازم يتفاجىء باسعار قطع الغيار يعنى انا لما شوفت قطع غيار اللانسر تنحت بس لما شوفت الفلوانس والالنترا والسيراتو لقيتهم اغلى من البومة كمان بس مش فى كل حاجة يعنى لو شوفت اسعار قطع الغيار بتاعة فئة اللى فوق ال 100 الف مش هتصدق .
بس الفرق ان ممكن تكون عربية بتستهلك قطع غيار رخيصة بس كتير زى الشيفروليه لانوس مثلا
وممكن عربية بنفس السعر قطع غيارها اغلى بس مبتتغيرش كتير و اعطالها قليلة
وبعدين اللوجان قطع غيارها انتشرت خلاص يعنى لو مقدرتش على الاصلى هتلاقى غيره
والصراحة انا شايف ان قطع غيار اللوجان مش غالية اوى يعنى مراية الداستر الكهرباء معدية الالف جنيه
يعنى لو شوفت قطع غيار فئة الى فوق 100 الف هتعرف ان اللوجان بالنسبالهم ولا حاجة
:140109~347::140109~347:: 140109~347::140109~347:

رد: لوجان ولا أفيو
 

فى الحقيقة انا اول مرة اجيب عربية فبدور على حاجة امكانياتها كويسة واقتصادية وسعرها معقول ومش بفكر ابيعها بعد كدة فاكتر نصايح سمعتها عن اللوجن ومثلها الدايو بس سعر قطع غيار الدايو رخصية دة غير العربيات التى محركها اقل من 900cc مش هتستحمل استهلاك اصلا
ولكنى لا اعرف شئ فى هذا المجال فمازلت ابحث حتى استقر على حاجة تناسبنى ان شاء الله

رد: لوجان ولا أفيو
 

بص يا باشا اللوجان قطع غيارها بترخص كل فترة
وفعلا الدايو عربية حلوة وكويسة مع ان سمعت من واحد هنا فى المنتدى انه نزل يشترى العلامة الاصلية لقاها ب 250 جنيه هههههههه
لكن خد بالك انك قلت الدايو لانوس مش الشيفروليه لانوس
الشيفرولية لانوس انا بعتبرها ازبل عربية فى الفئة دى كفاية التقفيل المصرى بتاعها وان تقريبا محدش جابها وشكر فيها
رغم حبى للدايو للانوس طبعا
وبرضه متستقلش بالمحركات الصغيرة لان السوزوكى ماروتى كل يوم بتثبت نفسها فى السوق
وفى عضو هنا فى المنتدى قال انه راح بيها مصر كلها بالعربية ومحصلهاش حاجة
اهم حاجة فى المحركات الصغير انك متقرصش جامد على الماتور وتمشى على سرعات عالية كتير

رد: لوجان ولا أفيو
 

لو قدامك لوجان اتوكل علي الله انا بدور عليها ليا شهر ومش لاقيها خالص ومش راضي باي بديل ليها